KPT+

តើនិមិត្តសញ្ញានៅលើក្រដាសប្រាក់មួយដុល្លារអាមេរិកមានអត្ថន័យយ៉ាងណា?

បានផុស

៥ years មុន

នៅ

ថ្ងៃចន្ទ ២២ មីនា ២០២១

ដោយ

អ្នកណាខ្លះដែលធ្លាប់ឆ្ងល់ទេថា មានអ្វីនៅពីក្រោយការរចនានិងនិមិត្តសញ្ញារបស់ក្រដាសប្រាក់មួយដុល្លារឬអត់?

ជាការពិត ការបញ្ចូលរូបនីមួយៗចូលក្នុងរូបិយប័ណ្ណមួយនេះ មិនមែនជាការជ្រើសរើសដោយចៃដន្យនោះទេ។ ជាក់ស្ដែង រូបប្រធានាធិបតី ចចវ៉ាស៊ីនតោន ជាដើម។

តោះ! ឥឡូវមកស្វែងយល់និមិត្តសញ្ញាទាំងនោះ!

ពីរ៉ាមីត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីរ៉ាមីត ជារូបមួយក្នុងចំណោមរូបភាពល្បីល្បាញបំផុតនៅលើក្រដាសប្រាក់ ១ ដុល្លារ។ រូបនេះខ្ចីពីអរិយធម៌អេហ្ស៊ីបដែលជាអត្ថន័យនៃភាពខ្លាំង និងសមត្ថភាពរបស់រដ្ឋតាមជំនាន់នីមួយៗ។ រីឯឃ្លាឡាតាំង ‘Annuit Coeptis’ នៅជុំវិញកំពូលពីរ៉ាមីតមានន័យថា “ព្រះជាម្ចាស់គាប់ព្រះហទ័យនឹងកិច្ចការរបស់យើង” ។ ដោយឡែកឃ្លានៅក្រោមរូបពីរ៉ាមីត ‘Novus Ordo Seclorum’ ប្រែថា “លំដាប់អាយុនៃសម័យកាល ”។

ភ្នែកមួយគ្រាប់

ដូចដែលបានឃើញ នៅលើកំពូលពីរ៉ាមីតមានគ្រាប់ភ្នែកមួយបើករហូត។ វាជាអត្ថន័យនៃការប្រុងប្រៀបខ្លួនរួចជាស្រេច និងការមើលឃើញគ្រប់យ៉ាងលើលោកជានិរន្តរ៍។ ស្ថាបនិកក្រដាសប្រាក់មួយដុល្លារទាញការបំផុសគំនិតនេះពីទេវកថារបស់អេហ្ស៊ីបគឺ ព្រះនេត្រអទិទេព Horus។

អក្សរនៅលើជើងពីរ៉ាមីត

‘MDCCLXXVI’! វាជាលេខរ៉ូម៉ាំងដែលប្រកបថា ឆ្នាំ ១៧៧៦ ។

ខែលឥន្ទ្រី

ខែលជានិមិត្តរូបនៃគុណធម៌របស់រដ្ឋាភិបាលសហព័ន្ធអាមេរិកទាំងមូល ដែលរបារឆ្នូតបញ្ឈរតំណាងឲ្យការគាំទ្រពីរដ្ឋនីមួយៗ។

ផ្កាយពីលើឥន្ទ្រី

ផ្កាយចំនួន ១៣ ជានិមិត្តសញ្ញានៃអាណានិគមចម្រុះទាំង ១៣ រដ្ឋ ដែលទើបចាប់ផ្ដើមបង្កើតសហរដ្ឋអាមេរិកដំបូង។

ក្រញាំឥន្ទ្រី

ក្រញាំឥន្ទ្រីម្ខាងមានព្រួញ ១៣ ឯម្ខាងទៀតជាមែកអូលីវដែលមានស្លឹកនិងផ្លែ ១៣ ជានិមិត្តសញ្ញាតុល្យភាពរវាងសន្តិភាពនិងសង្គ្រាម។

ត្រារបស់នាយកដ្ឋានរតនាគារ

ត្រានាយកដ្ឋានរតនាគារ មានរូបជញ្ជីងយុត្តិធម៌ ដោយពីក្រោមនោះ មានផ្កាយ ១៣ គ្រាប់ និងនៅពីក្រោមផ្កាយនោះទៀតមានកូនសោមួយ។ និមិត្តសញ្ញានេះ តំណាងសិទ្ធិអំណាចមន្ត្រីអាជ្ញាធរ។

លេខសម្គាល់មណ្ឌលបោះពុម្ព

ខាងឆ្វេងនៃក្រដាសប្រាក់ មានលេខនៅទីនោះ។ លេខនេះជាសញ្ញាសម្គាល់របស់ធនាគាររដ្ឋដែលបានបោះពុម្ពរូបិយប័ណ្ណ។ ក្នុងនោះមណ្ឌលបោះពុម្ពលុយមានចំនួន ១២ នៅទូទាំងសហរដ្ឋអាមេរិក។ ឧទាហរណ៍ ធនាគារជាតិរដ្ឋញូយ៉ក មានលេខសម្គាល់លេខ ២ បើសិនរដ្ឋនេះជាអ្នកបោះពុម្ពប្រាក់ ដូច្នេះខាងឆ្វេងក្រដាសប្រាក់នឹងមានលេខ ២ ជាចំណាំ៕

ប្រែសម្រួល៖ សន្យា

ប្រភព៖ clark

ចុចអាន៖ការពិតទាំង ៧ ទាក់ទិននឹងក្រដាសប្រាក់មួយដុល្លារអាមេរិក

ចុចអាន៖មកស្គាល់បុគ្គលល្បីៗដែលធ្លាប់មានវត្តមានលើក្រដាសប្រាក់ដុល្លារអាមេរិក

Related Topics:និមិត្តសញ្ញា