​ស្រ្តីចិនធ្លាប់តែស្រស់ស្អាត​ ​​ពេលនេះសល់តែគ្រោង​ឆ្អឹង ​ទម្ងន់​១៧​គីឡូក្រាម

នារីជនជាតិចិនម្នាក់ដែលមានរហស្សនាមថា Qiao Qiao ថ្មីៗនេះបានបង្ហោះវីដេអូនៅលើបណ្តាញសង្គមសុំជំនួយ។ នាង​បាន​ពន្យល់​ប្រាប់​កាមេរ៉ា​ថា នាង​មាន​ជំងឺ​រលាក​ក្រពះ​ថា​៖ «​ខ្ញុំ​ចង់​រស់ សូម​ជួយ​ខ្ញុំ​ផង!»។ ដើមឡើយនាងមានសម្រស់ស្រស់ស្អាត ប៉ុន្តែព្រឹត្តិការណ៍ក្នុងជីវិតបានប្រែក្លាយនាងទៅជានារីមានដងគ្រោងឆ្អឹងទម្ងន់ត្រឹមតែ ១៧ គីឡូក្រាម ហើយគ្រាន់តែដេកចុះក៏ឈឺចាប់ដោយសារតែនាងគ្មានខ្លាញ់នៅក្នុងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូ​នេះ​បាន​ទាក់ទាញ​ចំណាប់​អារម្មណ៍​យ៉ាង​រហ័ស អ្នក​លេង​អ៊ីនធឺណិត​មាន​ការ​ភ្ញាក់ផ្អើល​ជា​ខ្លាំង​ ចំពោះ​រូបរាង​ស្រឡូន​របស់នាងពីមុន។ កាលពីប៉ុន្មានឆ្នាំមុន Qiao Qiao គឺជាតារាស្រីដែលមានសម្រស់ស្រស់ស្អាតគួរឲ្យទាក់ទាញ នឹកឃើញដល់តារាហុងកុង និងតៃវ៉ាន់ក្នុងទសវត្សរ៍ឆ្នាំ ១៩៩០ ដែលផ្ទុយស្រឡះពីរូបរាងដូចគ្រោងឆ្អឹងបច្ចុប្បន្នរបស់នាងបច្ចុប្បន្ន។

យោងតាមប្រព័ន្ធផ្សព្វផ្សាយរបស់ប្រទេសចិន Qiao Qiao មានជីវិតសោកនាដកម្ម។ កាល​នាង​នៅ​ក្មេង ម្តាយ​នាង​បាន​ចាក​ចេញ ហើយ​ឪពុក​នាង​ខំ​ចិញ្ចឹម​នាង​និង​ប្អូន​ប្រុស ។ ជាអកុសល ឪពុកក៏បានកើតជំងឺមហារីកក្រពះ ហើយបានទទួលមរណៈភាពនៅពេលដែលជំងឺបានឈានទៅដល់ដំណាក់កាលចុងក្រោយ។

ដោយ​មាន​កុមារភាព​ដែល​គ្មាន​ម្តាយ Qiao Qiao បាន​ចាត់​ទុក​ឪពុក និង​ប្អូន​ប្រុស​របស់​នាងឲ្យពិភពលោក​ទាំងមូល។ ការស្លាប់របស់ឪពុកនាង ប៉ះពាល់ដល់នាងយ៉ាងខ្លាំង។ ដោយសារជំងឺធ្លាក់ទឹកចិត្ត នាងកាន់តែស្គមទៅៗ។

រូបថតចាស់ៗបង្ហាញពីទឹកមុខដ៏ស្រទន់របស់ Qiao Qiao នៅពេលដែលនាងនៅតែមានសុខភាពល្អ។ ថ្វីដ្បិតតែនាងមានទម្ងន់ជាង ៤០គីឡូក្រាមក៏ដោយ ប៉ុន្តែនាងនៅតែស្រស់ស្អាត និងមានមន្តស្នេហ៍ កែវភ្នែកនៅតែភ្លឺចែងចាំង បញ្ចេញក្លិននៃតារាស្រីហុងកុង និងតៃវ៉ាន់ ក្នុងទសវត្សរ៍ឆ្នាំ ១៩៩០។

ភាពក្រៀមក្រំដែល Qiao Qiao បានរងទុក្ខបន្ទាប់ពីការស្លាប់របស់ឪពុកនាង បានបំផ្លាញរូបរាងដ៏ស្រស់ស្អាតនេះទាំងស្រុង។ នាង​មិន​ត្រឹម​តែ​មាន​ការ​ឈឺ​ចាប់​ផ្លូវ​ចិត្ត​ប៉ុណ្ណោះ​ទេ ប៉ុន្តែ​ក៏​មាន​បញ្ហា​ផ្លូវ​កាយ​ផង​ដែរ ជា​ពិសេស​ជំងឺ​រលាក​ក្រពះ ទម្ងន់របស់នាងធ្លាក់ចុះយ៉ាងខ្លាំងពី ៤៥ គីឡូក្រាមមក ១៧ គីឡូក្រាម។

ប៉ុន្មានឆ្នាំកន្លងមកនេះ Qiao Qiao និងប្អូនប្រុសរបស់នាងគ្មានកន្លែងរស់នៅឡើយ ហើយបានចំណាយប្រាក់សន្សំបន្តិចបន្តួចទាំងអស់ក្នុងការព្យាបាល និងរស់រានមានជីវិត។ ពួកគេជំពាក់បំណុលគេច្រើន។ រាងកាយទន់ខ្សោយរបស់នាងបានរារាំងនាងពីការញ៉ាំធម្មតា ហើយនាងត្រូវពឹងផ្អែកលើថ្នាំ និងការចាក់អាល់ប៊ុយមីនប្រចាំថ្ងៃដើម្បីរស់។ ថ្នាំ​អាល់​ប៊ុ​ម​ដែល​អាច​ចាក់​បាន​ក្នុង​កម្រិត​១០​ក្រាម​មាន​តម្លៃ​ចន្លោះ​ពី​៣០០​ទៅ​៨០០​យន់។

អ្វី​ដែល​គួរ​ឲ្យ​បារម្ភ​នោះ​គឺ​ដោយសារ​កង្វះ​អាហារូបត្ថម្ភ​ធ្ងន់ធ្ងរ ស្បែក​របស់នាងចាប់​ផ្ដើម​មាន​ដំបៅ និង​មិន​អាច​ជា​សះស្បើយ​ដោយ​ខ្លួន​ឯង។ ដោយ​គ្មាន​ស្រទាប់​ការពារ​ខ្លាញ់ សូម្បី​តែ​ដេក​លើ​គ្រែ​បាន​ធ្វើឲ្យក្មេង​ស្រី​រង​គ្រោះ​ឈឺ​ធ្ងន់។ជាពិសេស ដោយសារតែប្រព័ន្ធភាពស៊ាំចុះខ្សោយខ្លាំង នាងងាយនឹងឆ្លងមេរោគ។ សូម្បីតែជំងឺផ្តាសាយស្រាលក៏អាចគំរាមកំហែងដល់អាយុជីវិតបានដែរ។

ដោយសារតែអស់សង្ឃឹមក្នុងការរស់នៅ នាងបានបង្ហោះវីដេអូសុំទាន។ រូបភាពក្មេងស្រីស្គមស្គាំងដេកលើគ្រែមន្ទីរពេទ្យយ៉ាងទន់ខ្សោយនិយាយថា «ខ្ញុំចង់រស់នៅ» ធ្វើឲ្យអ្នកលេងអ៊ីនធឺណេតចិនមានអារម្មណ៍សោកស្តាយនិងអាណិតអាសូរមនុស្សជាច្រើនបានស្នើឲ្យជួយ៕

អត្ថបទ៖ សាង ស្រីល័ក្ខ

ចុចអាន៖អាហារបំប៉ន៣មុខនេះ បើប្រើច្រើនហួសប្រមាណ អាចបណ្ដាលឲ្យស្លាប់ភ្លាមៗ