ព័ត៌មានជាតិ

រាជបណ្ឌិត្យសភាកម្ពុជា គ្រោងស្រាវជ្រាវ អំពីប្រវត្តិសាស្ត្រកម្ពុជា ចងក្រងជាខេមរភាសា

បានផុស

៦ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍ថា នៅឆ្នាំ២០២១ខាងមុខនេះ រាជបណ្ឌិត្យសភាកម្ពុជា នឹងរៀបចំគម្រោងស្រាវជ្រាវ ដែលមានលក្ខណៈវិទ្យាសាស្ត្រ អំពីប្រវត្តិសាស្ត្រប្រទេសកម្ពុជា ហើយគម្រោងនេះ ប្រើប្រាស់ពេលវេលា ចំនួន៣ឆ្នាំ ដើម្បីបញ្ចប់ការស្រាវជ្រាវ និងចងក្រងឯកសារ ដ៏មានសារសំខាន់នេះឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតសភាចារ្យ សុខ ទូច បានមានប្រសាសន៍ឲ្យដឹងបន្ថែមថា លោកបានដាក់សំណើមួយនេះទៅកាន់រាជរដ្ឋាភិបាល ដើម្បីរៀបចំគម្រោងស្រាវជ្រាវ ស្ដីពីប្រវត្តិសាស្ត្រខ្មែរ ដែលមានចាប់ពីសម័យកាលបុរេប្រវត្តិសាស្ត្រ សម័យអង្គរ សម័យក្រោយអង្គរ និងសម័យទំនើប នៅក្នុងឆ្នាំ២០២១ខាងមុខ ដោយរៀបចំឯកសារប្រវត្តិសាស្ត្រ ដែលមានលក្ខណៈវិទ្យាសាស្ត្រ ដើម្បីធ្វើជាឯកសារគោលជាខេមរភាសា ក្នុងការសិក្សាស្រាវជ្រាវ និងមូលដ្ឋានបង្អែក «មិនគួរពេលដែល និយាយពីប្រវត្តិសាស្ត្រខ្មែរ ឲ្យទៅមើលឯកសារជាភាសាបារាំង ទៅមើលឯកសារជាភាសាអង់គ្លេសនោះឡើយ»។

មូលហេតុ ដែលនាំឲ្យមានការស្រាវជ្រាវ ចងក្រងជាឯកសារសៀវភៅឡើង លោកបណ្ឌិតសភាចារ្យ សុខ ទូច ថាយើងសម្លឹងទៅមើលពីសម័យអង្គរខ្មែរ នៅសម័យអង្គរ ខ្លាចខ្មែរភ្លេចខ្លួនឯងទើបមិនត្រឹមតែចារនៅក្នុងស្លឹករឹតទេ ថែមទាំងបានចារនៅលើផ្ទាំងថ្មទៀត ដើម្បីឲ្យខ្មែរទុកជាប្រវត្តិសាស្ត្រ ជៀសវាងអ្វីដែលខ្មែរមិនបានធ្វើ ហើយអត់ដឹងថា ជារបស់អ្នកណាខ្លាចគេបន្លំយកទៅ។ ម្យ៉ាងទៀត បើយើងមិនបានចងក្រងរក្សា នូវអ្វីដែលបានសរសេរទេវានឹងនាំឲ្យមានទំនាស់ប្រវត្តិសាស្ត្រទៅថ្ងៃអនាគត៕

អត្ថបទ៖ វត្តី

សូមចុចអាន៖ កសិករ ជាងមួយម៉ឺនគ្រួសារ នៅខេត្តបន្ទាយមានជ័យ ទទួលពូជស្រូវចម្រុះ