ព័ត៌មានជាតិ

ផ្លូវជួរមាត់ទន្លេក្រុងក្រចេះ បំពាក់អំពូលសូឡា លើកកម្ពស់សោភ័ណ្ឌភាពក្រុងឲ្យកាន់តែទាក់ទាញ

បានផុស

៣ ខែ មុន

នៅ

ថ្ងៃចន្ទ ២ កុម្ភៈ ២០២៦

ដោយ

អំពូលសូឡាចំនួន ១៧៧ ដើម នឹងរៀបចំដំឡើងនិងលេចចេញជារូបរាងក្នុងពេលឆាប់ខាងមុខនេះនៅតាមបណ្តោយផ្លូវមាត់ទន្លេមេគង្គក្នុងក្រុងក្រចេះ ដែលជាផ្នែកមួយក្នុងការកែលម្អនិងលើកកម្ពស់សោភ័ណ្ឌភាពក្រុងក្រចេះឱ្យកាន់តែមានភាពទាក់ទាញបន្ថែមទៀត។

បង្គោលភ្លើងបំភ្លឺសូឡាដែលនឹងត្រូវបានដាក់ពង្រាយតាមបណ្តោយផ្លូវមាត់ទន្លេក្នុងក្រុងក្រចេះ គឺចាប់ពីចំណុចផែលើ រហូតដល់ចំណុចមណ្ឌលកម្សាន្តដាយមិន ដោយការដាក់ពង្រាយពីមួយដើមទៅមួយដើមចន្លោះពី ១៥ ទៅ ២០ ម៉ែត្រពីគ្នា។

បើតាមការបញ្ជាក់ពីអាជ្ញាធរខេត្ត ការបំពាក់អំពូលសូឡានៅតាមផ្លូវមាត់ទន្លេគឺជាផ្នែកមួយនៃអនុគម្រោងស្ដារហេដ្ឋារចនាសម្ពន្ធ័និងសោភ័ណ្ឌភាពក្រុងក្នុងនោះមានដូចជា ការបំពាក់អំពូលសូឡាតាមបណ្តោយផ្លូវមាត់ទន្លេចំនួន ១៧៧ ដើម, ការកែលម្អរង្វង់មូលព្រាបសរនិងសួនជុំវិញរង្វង់មូលព្រាបសរ, ការរៀបចំបំពាក់ឧបករណ៍ហាត់ប្រាណកន្លែងសម្រាប់ក្មេងលេង និងការរៀបចំដាក់បង់អង្គុយលេងតាមមាត់ទន្លេជាប្រភេទថ្មម៉ាបតាន់ចំនួន ១៥៩ បង់ រួមទាំងការរៀបចំកែលម្អទីរង្វង់មូលនាគបាញ់ទឹក ដែលសមិទ្ធផលទាំងនេះបាននឹងកំពុងដំណើរការអនុវត្ត៕