ព័ត៌មានជាតិ

អាជ្ញាធរសង្កាត់ចោមចៅទី ៣ ដាក់គ្រឿងចក្រកាយស្តារប្រឡាយ រំដោះទឹកចេញពីមូលដ្ឋាន

បានផុស

៥ ខែ មុន

នៅ

ថ្ងៃព្រហស្បតិ៍ ១៩ កុម្ភៈ ២០២៦

ដោយ

រដ្ឋបាលសង្កាត់ចោមចៅទី ៣ ដឹកនាំដោយលោក វ៉ា សាវឿន ចៅសង្កាត់ និងលោក សុទ្ធ សុជាតិ ចៅសង្កាត់រងទី ១ បានដាក់គ្រឿងចក្រកាយស្តារប្រឡាយរំដោះទឹកមួយខ្សែ នៅក្នុងភូមិព្រៃព្រីងត្បូង២ សង្កាត់ចោមចៅទី ៣ ខណ្ឌពោធិ៍សែនជ័យ នៅព្រឹកថ្ងៃទី ១៩ ខែកុម្ភៈ ឆ្នាំ ២០២៦ នេះ ដើម្បីបញ្ចៀសការជន់លិចនារដូវវស្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានឱ្យដឹងថា ដោយឃើញប្រឡាយខាងលើពោរពេញទៅដោយកាកសំណល់ ស្មៅដុះជិតចរន្តទឹកហូរ ងាយនឹងកកស្ទះ ទឹកមិនហូរ ដើម្បីបញ្ចៀសការជន់លិចនារដូវវស្សា ទើបរដ្ឋបាលសង្កាត់ បានដាក់គ្រឿងចក្រមកកាយស្តារប្រឡាយខាងលើតែម្តង។

លោកបញ្ជាក់ថា ការកាយស្តារប្រឡាយខាងលើនេះ ចាប់ពីខាងក្រោយវិទ្យាល័យ ហ៊ុន សែន ជម្ពូវ័ន រហូតទៅដល់ផ្លូវជាតិលេខ ៣ ក្នុងមូលដ្ឋានសង្កាត់ចោមចៅទី ៣ ខណ្ឌពោធិ៍សែនជ័យ។