ព័ត៌មានជាតិ

មនុស្ស១៤នាក់ ត្រូវបានអាជ្ញាធរខេត្តកោះកុងអនុញ្ញាតវិលត្រឡប់ទៅស្រុកកំណើត

បានផុស

៥ years មុន

នៅ

ថ្ងៃសៅរ៍ ២៤ មេសា ២០២១

ដោយ

អាជ្ញាធរខេត្តកោះកុង បានអនុញ្ញាតឱ្យពលករខ្មែរមកពីថៃចំនួន១៤នាក់បន្តធ្វើដំណើរត្រឡប់ទៅកាន់ស្រុកកំណើតតាមរយៈរថយន្តសមត្ថកិច្ចសាមីនីមួយៗមកទទួល ក្រោយពួកគេបញ្ចប់ការធ្វើចត្តាឡីស័កតាមគោលការណ៍សុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ែន សុខា នាយកទីចាត់ការផែនការ និងវិនិយោគខេត្តកោះកុង ឱ្យដឹងនៅរសៀលថ្ងៃទី២៤ ខែមេសា ឆ្នាំ២០២១ថា ក្រុមពលករប្រុសស្រីចំនួន១១បានបញ្ចប់ការធ្វើចត្តាឡីស័ក និង៣នាក់ផ្សេងទៀតបញ្ជូនធ្វើចត្តាឡីស័កបន្ត ដោយភាពចាំបាច់នៅស្រុកកំណើតពួកគេព្រឹកមិញនេះ ស្របតាមអនុសាសន៍សម្តេចតេជោនាយករដ្ឋមន្ត្រី។

លោកបន្ថែមថា ក្រុមពលរខ្មែរទាំងនោះត្រឡប់មកពីប្រទេសថៃ ភាគច្រើនតាមច្រកធម្មជាតិខ្សែក្រវាត់ព្រំដែនកម្ពុជា-ថៃ បានបញ្ចប់ធ្វើចត្តាឡីស័កពេល១៤ថ្ងៃរកមិនឃើញផ្ទុកវីរុសកូវីដ១៩ដោយជោគជ័យ។អាជ្ញាធរបង្ហាញទៀតថា មាន១៤នាក់បញ្ជូនទៅកាន់ខេត្តព្រៃវែង ស្វាយរៀង២នាក់ និងខេត្តក្រចេះចំនួន២នាក់។

ទោះយ៉ាងណា មន្ត្រីជំនាញក៏ណែនាំឱ្យក្រុមពលករដែលបានត្រឡប់ទៅភូមិស្រុកកំណើតវិញត្រូវបន្តអនុវត្តវិធានការ៣ការពារ ៣កុំ ព្រមទាំងវិធានការនានារបស់ក្រសួងសុខាភិបាល។

បច្ចុប្បន្ន ក្រុមពលករដែលធ្វើដំណើរមកពីប្រទេសថៃ និងកំពុងធ្វើចត្តាឡីស័កមណ្ឌលកម្រិត២នៅក្នុងអគារអតីតសាលាខេត្តចាស់ និងអគារមន្ទីរសង្គមកិច្ចមានចំនួន៤២នាក់ ស្ត្រី៤នាក់ គ្រាពួកគេខ្លះទើបតែមកដល់មណ្ឌល ហើយខ្លះទៀតមិនទាន់គ្រប់វេលាដែលអនុញ្ញាតឱ្យត្រឡប់ទៅស្រុកកំណើត។

គួរជម្រាបថា រដ្ឋបាលខេត្តព្រៃវែង បានចាត់បញ្ចូនរថយន្តចំនួន២គ្រឿងសម្រាប់ដឹកជញ្ចូនពលករ ដើម្បីទទួលយកពលករដែលបានធ្វើចត្តាឡីស័កដោយសុវត្ថិភាពនៅខេត្តកោះកុង ដោយរថយន្ត២ គ្រឿងមានស្លាកលេខ នគរបាល 2-4711 និងនគរបាល 3-3381 ៕

អត្ថបទ ៖ សិរីវឌ្ឍនៈ