អគ្គលេខាធិការរង UN កោតសរសើរសុន្ទរកថារបស់សម្តេចតេជោហ៊ុន សែន

លោកស្រី Armida Salsiah Alisjahbana អគ្គលេខាធិការរង អង្គការសហប្រជាជាតិដែលហៅកាត់ថា UN និងជា ប្រធាន UNESCAP បានផ្ញើលិខិតថ្លែងអំណរគុណ និងកោតសរសើរប្រកបដោយការវាយតម្លៃខ្ពស់ចំពោះ សុន្ទរកថា ពិសេស របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានកំណត់ ជា ត្រីវិស័យជួយដល់ការពិភាក្សា និងចូលរួមចំណែកដ៏ធំធេងក្នុងការធ្វើឲ្យកិច្ចប្រជុំលើកទី ៧៧ របស់ UNESCAP ទទួលបានលទ្ធផលជោគជ័យ។

លោកស្រីបានលើកឡើងថា Armida Salsiah Alisjahbana បានលើកឡើងថា ទោះបីជាស្ថានការណ៍នៃការរីករាលដាលនៃជំងឺកូវីដ១៩ កាន់តែធ្ងន់ធ្ងរ ហើយធ្វើឱ្យយើងបើកការប្រជុំតាមរយៈប្រព័ន្ធវីដេអូ ប៉ុន្តែអង្គសន្និបាតបានដំណើរការយ៉ាងល្អ និងបានអនុម័តលើសេចក្តីសម្រេចមួយ ស្តីពី ការស្តារឡើងវិញក្រោយវិបត្តិតាមរយៈកិច្ចសហប្រតិបត្តិការតំបន់នៅក្នុងតំបន់អាស៊ី និងប៉ាស៊ីហ្វិក ដែល បានផ្តល់នូវមូលដ្ឋានគ្រឹះ សម្រាប់ការពង្រឹងកិច្ចសហប្រតិបត្តិការក្នុងតំបន់ និងលើក កម្ពស់ភាពធន់និងរឹងមាំរបស់បណ្តាប្រទេសអាស៊ី និងប៉ាស៊ីហ្វិក ក្នុងការឆ្លើយតបទៅនឹង វិបត្តិនាពេលអនាគត។

លោកស្រី Armida Salsiah Alisjahbana បានបញ្ជាក់ថា ការសម្រេចចិត្តរបស់សន្និបាតទាំងមូល ក៏ជាមូលដ្ឋានដ៏រឹងមាំមួយទៀត ក្នុងការឆ្ពោះទៅរកការអភិវឌ្ឍ ប្រកបដោយចីរភាព និងបរិយាប័ននៅក្នុងតំបន់។

ជាមួយគ្នានេះ លោកលោកស្រី Armida Salsiah Alisjahbana ក៏បានថ្លែងលើកឡើងស្វាគមន៍ ដោយរីករាយ ចំពោះ ការ ចូលរួមរបស់សម្តេចតេជោ នាយករដ្ឋមន្ត្រី និងរាជរដ្ឋាភិបាលកម្ពុជា នៅក្នុងសន្និបាត លើកក្រោយៗទៀត ដើម្បីពង្រឹង បន្ថែមនូវកិច្ចសហប្រតិបត្តិការក្នុងតំបន់ សម្រាប់ការអភិវឌ្ឍ ប្រកប ដោយចីរភាពនៅអាស៊ី និងប៉ាស៊ីហ្វិក៕