ខេត្ត​កែប​រក​ឃើញ​ករណី​ឆ្លង​ជំងឺ​កូវីដ-១៩ ថ្មី​ចំនួន ៦ នាក់​បន្ថែម ពាក់ព័ន្ធ​កាស៊ីណូ សុខ គីមម៉េង

នៅថ្ងៃទី២ ខែមិថុនា​ ឆ្នាំ២០២១ ក្រុមការងារឆ្លើយតបបន្ទាន់របស់រដ្ឋបាលខេត្តកែប បានបន្តរឃើញ អ្នកវិជ្ជមានជំងឺកូវីដ-១៩ចំនួន៦នាក់ថ្មីបន្ថែមទៀត តាមរយៈការធ្វើតេស្ដរហ័ស(RDT Test Covid-19)។

រដ្ឋបាលខេត្តបានបញ្ជាក់ថា អ្នកវិជ្ជមានទាំងអស់នេះ មានប្រវត្តិប៉ះពាល់ដោយផ្តាល់ និងជាអ្នក​ដំណើរ​មកពីតំបន់កាស៊ីណូ សុខ គីមម៉េង ច្រកទ្វារទ្វេភាគី តន់ហន់ ស្ថិតក្នុងភូមិព្រែកក្រឹស ឃុំ​ព្រែក​ក្រឹស ស្រុកកំពង់ត្រាច ខេត្តកំពត។

រដ្ឋបាលខេត្ត​ សូមអំពាវនាវដល់ប្រជាពលរដ្ឋទាំងអស់​ ដែលមានទីលំនៅអចិន្ត្រៃយ៍ ជាប់ពាក់​ព័ន្ធ​នឹងតំបន់កាស៊ីណូ សុខ គីមម៉េង ច្រកទ្វារទ្វេភាគី តន់ហន់ ស្ថិតក្នុងភូមិព្រែកក្រឹស ឃុំ​ព្រែកក្រឹស ស្រុកកំពង់ត្រាច ខេត្តកំពត ជាពិសេស​អ្នកដែលបានជួបប្រាស្រ័យទាក់ទងជាមួយបុគ្គល​វិជ្ជមានជំងឺ​កូវីដ-១៩ ខាងលើ សូមទាក់​ទងមកក្រុមការងារឆ្លើយតបបន្ទាន់របស់រដ្ឋបាលខេត្ត ដើម្បីពិក្សា និង​រៀបចំយកសំណាកធ្វើតេស្តរក​មេរោគកូវីដ-១៩ ឲ្យបានឆាប់បំផុត៕

អត្ថបទ ៖ សុខុម