ព័ត៌មានជាតិ

ពលរដ្ឋភ្ជួរដីស្រែចម្ការ ប្រទះឃើញគ្រាប់មិនទាន់ផ្ទុះ ប្រភេទ៦០មីលីម៉ែត្រចំនួន០៩គ្រាប់និងគ្រាប់៨២ចំនួន២គ្រាប់

បានផុស

៥ years មុន

នៅ

ថ្ងៃពុធ ១៤ កក្កដា ២០២១

ដោយ

ឧត្តរមានជ័យ ៖ មន្ដ្រីនគរបាល រដ្ឋបាលឃុំបេង នៃអធិការដ្ឋាននគរបាល ស្រុកបន្ទាយអំពិលខេត្តឧត្តរមានជ័យ។ នៅថ្ងៃទី១៤ ខែកក្កដា ឆ្នាំ២០២១ មានប្រជាពលរដ្ឋឈ្មោះ មឿន សុគុណតុង ភេទប្រុស អាយុ៤៥ឆ្នាំ ជាកសិកររស់នៅភូមិតាម៉ា ឃុំបេង ស្រុកបន្ទាយអំពិល ខេត្តឧត្តរមានជ័យ បានទៅភ្ជួរដីស្រែចម្ការរបស់គាត់ក៏ប្រទះឃើញគ្រាប់មិនទាន់ផ្ទុះប្រភេទគ្រាប់ ៦០មីលីម៉ែត្រ ចំនួន ០៩គ្រាប់ គ្រាប់៨២មីលីម៉ែត្រ ចំនួន ០២គ្រាប់ និងគ្រាប់មីន៦៩ ចំនួន ០១គ្រាប់ នៅត្រង់ចំណុចគោកតាថងខាងត្បូងភូមិបេងចម្ងាយ១០គីឡូម៉ែត្រ ហើយបានមករាយការណ៍ជូនប៉ុស្តិ៍នគរបាល រដ្ឋបាលឃុំបេង ។

ក្រោយពីទទួលបានព័ត៌មានកម្លាំងប៉ុស្តិ៍បានចុះទៅពិនិត្យដល់កន្លែងទីតាំងគ្រាប់ និងសន្និដ្ឋានថាជាគ្រាប់សេសសល់ពីសម័យសង្គ្រាម។ បច្ចុប្បន្ន គ្រាប់ទាំងនោះសមត្ថកិច្ចយើងបានរាយការណ៍ជូន អង្គការដោះមីនកម្ពុជា មកយកទៅកម្ទេចចោលនៅកន្លែងដែលមានសុវត្ថិភាពរួចរាល់អស់ហើយ។

សំណល់គ្រឿងផ្ទុះសល់ពីសម័យសង្គ្រាមនៅមានច្រើនកប់ក្នុងដី។ ប្រជាពលរដ្ឋ នៅ តាម តំបន់ ដាច់ស្រយាល ងាយរងគ្រោះថា្នក់ ពិសេសក្មេងតូច ៗ។

ការជីកគាស់កាយរុករានដីព្រៃធ្វើចំការងាយនិងគ្រោះថ្នាក់ ដោយសារ យុទ្ធភ័ណ្ឌ មិនទាន់ផ្ទុះ។ យើងរួមគ្នា ទប់ស្កាត់ការគ្រោះថ្នាក់ បណ្តាលមកពីសំណល់គ្រឿងផ្ទុះសល់ពីសម័យសង្គ្រាម ក្នុង សហគមន៍យើងទាំងអស់គ្នា៕

ដោយ ៖ ចាន់ ធី