ព័ត៌មានជាតិ

ឡោមព័ទ្ធខន់ដូរបង្កប់ខារ៉ាអូខេមួយកន្លែង ឃាត់ខ្លួនមនុស្សប្រុស ស្រីជិត១០០នាក់

បានផុស

៥ years មុន

នៅ

ថ្ងៃចន្ទ ១៩ កក្កដា ២០២១

ដោយ

ទីតាំងបង្កប់ការ៉ាអូខេ នៅក្នុងខន់ដូរមួយកន្លែង ត្រូវបានកម្លាំងសមត្ថកិច្ច នៃស្នងការនគរបាលរាជធានីភ្នំពេញឆ្មក់បង្ក្រាបដោយឃាត់ខ្លួនមនុស្សប្រុសស្រីជាច្រើននាក់ ភាគច្រើនជនជាតិចិន។

ប្រតិបត្តិការនេះ ធ្វើឡើងនៅកាលពីរំលងអាធ្រាត្រឈានចូលថ្ងៃទី១៩ ខែកក្កដា ឆ្នាំ២០២១នៅខន់ដូរ មួយកន្លែង ផ្លូវលេខ២២២កែង៥៥ សង្កាត់បឹងរាំង ខណ្ឌដូនពេញ រារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចដែលចុះឡោមព័ទ្ធការឆ្មក់បង្ក្រាបទីតាំងខន់ដូរដែលលួចបង្កប់ខារ៉ាអូខេខាងលើនេះ ដោយមានការបញ្ជាផ្ទាល់ពីលោកស្នងការនគរបាលរាជធានីភ្នំពេញ។ ជាមួយគ្នានោះ សមត្ថកិច្ចបានឃាត់ខ្លួនមនុស្សប្រុសស្រីប្រមាណជិត១០០នាក់ រួមទាំងវត្ថុតាំងមួយចំនួនមានទាំងរថយន្តជាច្រើនគ្រឿងបន្ថែមទៀតបញ្ជូនទៅស្នងការដ្ឋាននគរបាលរាជធានីភ្នំពេញ។

បច្ចុប្បន្នមនុស្សប្រុសស្រីទាំងអស់ ត្រូវសមត្ថកិច្ចកំពុងធ្វើការសាកសួរនឹងចាត់ការទៅតាមនិតិវិធី៕

អត្ថបទ ៖ រស្មី