ព័ត៌មានជាតិ

៧ ទីតាំងនៅភ្នំពេញ ប្រកាសមានអ្នកឆ្លងកូវីដបំប្លែងខ្លួនប្រភពមកពីឥណ្ឌា

បានផុស

៥ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

ដើមខែសីហានេះ នៅរាជធានីភ្នំពេញប្រកាសរកឃើញករណីឆ្លងកូវីដដែលតាជាច្រើនករណី មានពាក់ព័ន្ធបុគ្គលិកសុខាភិបាល ពលករ ប្រជាពលរដ្ឋនិងអ្នកដំណើរមកពីក្រៅប្រទេស។

បើតាមរបាយការណ៍របស់ក្រសួងសុខាភិបាល មានទីតាំងចំនួន ៧ ដែលបានរកឃើញអ្នកឆ្លងកូវីដដែលតា ដែលអ្នកជំងឺបានទៅសម្រាកព្យាបាលនៅតាមមន្ទីរពេទ្យ អាជីវករតាមផ្សារ និងពលរដ្ឋក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងពាក់ព័ន្ធអ្នកឆ្លងកូវីដដែលតាដែលក្រសួងសុខាភិបាលប្រកាសរកឃើញមាន៖

ថ្ងៃ ៣១ កក្កដា ២០២១

-មណ្ឌលព្យាបាលសែនសុខរាជធានីភ្នំពេញ រកឃើញមួយករណីលើពលករមកពីថៃ។

ថ្ងៃ ០១ សីហា ២០២១

-មន្ទីរពេទ្យកាល់ម៉ែត រកឃើញ ១ ករណី នៅលើអ្នកជំងឺខាងរោគស្រ្តី។

-មន្ទីរពេទ្យពេទ្យមិត្តភាពខ្មែរ-សូវៀត រកឃើញ ២ ករណី លើបុគ្គលិកផ្នែកអនាម័យនិងអ្នកជំងឺផ្នែកសង្រ្គោះបន្ទាន់។

នៅថ្ងៃ ០៣ សីហា ២០២១

-រកឃើញ ០៥ ករណី ជាបុគ្គលិកសុខាភិបាលនៅរាជធានីភ្នំពេញ (មិនបញ្ជាក់ទីតាំង)។

នៅថ្ងៃទី ០៤ សីហា ២០២១

រកឃើញ ៣២ ករណី ដោយ ៣១ ករណីពាក់ព័ន្ធអ្នកដំណើរតាមយន្តហោះមកពីបរទេស និងមួយករណី ជាអាជីវករលក់នំបញ្ចុកស្រុះនៅផ្សារតូច (ទួលសង្កែ)។

ថ្ងៃ ០៧ សីហា ២០២១

រកឃើញ ០១ ករណី ដែលជនរងគ្រោះចូលទៅសម្រាកនៅមន្ទីរសម្រាកព្យាបាលនិងសម្ភពខេមា។

ថ្ងៃ ១០ សីហា ២០២១

រកឃើញ ០៣ ករណី ដោយ ០១ ករណី ពលរដ្ឋនៅសង្កាត់ត្រពាំងក្រសាំង ខណ្ឌពោធិ៍សែនជ័យ។ ០១ ករណី អ្នកជំងឺចូលទៅសម្រាកព្យាបាលនៅមន្ទីរពេទ្យរ៉ូយ៉ាល់រតនៈ និង ០១ ករណី អ្នកដំណើរមកពីប្រទេសម៉ាឡេស៊ីសម្រាកនៅមណ្ឌលសុខភាពចាក់អង្រែ។

គិតចាប់ពីថ្ងៃទី៣១ ខែមីនា ឆ្នាំ២០២១ ដល់ថ្ងៃទី១០ ខែសីហា ឆ្នាំ២០២១ កម្ពុជាបានរកឃើញអ្នក មានវិជ្ជមានវីរុសកូវីដ-១៩ ប្រភេទ ដែលតា (Delta) ពាក់ព័ន្ធពលករត្រលប់ពីប្រទេសថៃ និងប្រទេសវៀតណាម អ្នកដំណើរមកតាមជើងហោះហើរ បុគ្គលិកសុខាភិបាល មន្ត្រីរាជការ និងអ្នកភូមិនៅក្នុងសហគមន៍ សរុបទាំងអស់ចំនួន ៤២៩នាក់ (ស្រី្ត ២០៩នាក់) ខណៈដែលវិរុសដែលតាមបានឆ្លងរាលដាលដល់ ១៧ ខេត្តក្រុងទូទាំងប្រទេស៕

Related Topics:Featured