Connect with us

ព័ត៌មានជាតិ

សម្ដេចតេជោ ហ៊ុន សែន លើកទឹកចិត្តឱ្យមហាអនុតំបន់មេគង្គ ផ្ដោតចម្បងលើការអភិវឌ្ឍន៍ហេដ្ឋារចនាសម្ព័ន្ធឌីជីថល​

បានផុស

នៅ

មានប្រសាសន៍ នៅក្នុងពិធីបើកកិច្ចប្រជុំ កំពូលមហាអនុតំបន់មេគង្គលើកទី៧ នាព្រឹកថ្ងៃទ​០៩ ខែកញ្ញា ឆ្នាំ២០២១នេះ សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាទ​លើកទឹកចិត្ត​ឲ្យ​កិច្ចសហប្រតិបត្តិការ​ម​ហា​អនុតំបន់​មេគង្ គ​ផ្តោត​ចម្បង​លើ​ការអភិវឌ្ឍ​ហេដ្ឋារចនាសម្ព័ន្ធ​ឌីជីថល និង​ការធ្វើ​សមារណកម្ម​សេដ្ឋកិច្ច​ឌីជីថល ព្រមទាំង​ការធ្វើ​បច្ចុប្បន្នភាព​លើ​កម្លាំង​ពលកម្ម​ជំនាញ ស្របតាម​យុគ្គសម័យ​ឧស្សាហកម្ម 4.0​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​សម្តេច​បាន​លើកឡើងថា ក្នុងនាម​រាជរដ្ឋាភិបាល​កម្ពុ​ជាស​ម្ដេច​ស្វាគមន៍​យ៉ាង​កក់ក្តៅ​ចំពោះ​វត្តមាន​របស់​ថ្នាក់ដឹកនាំ នៃ​បណ្ដា​ប្រទេស​មេគង្គ និង​ប្រធាន​ធនាគារអភិវឌ្ឍន៍អាស៊ី​ នៅក្នុង​ឱកាស នៃ​កិច្ចប្រជុំ​កំពូល​មហា​អនុតំបន់​មេគង្គ​លើក​ទី​៧ តាម​ប្រព័ន្ធ​វីដេអូ នាពេលនេះ ហើយ​ក្នុងឋានៈ​ជា​ប្រធាន​កម្ពុជា មាន​កិត្តិយស​ ដែល​បាន​ដើរតួនាទី​សម្របសម្រួល​ការត្រួតពិនិត្យ​ឡើងវិញ និង​ការរៀបចំ​ក្របខ័ណ្ឌ​យុទ្ធសាស្ត្រ​ថ្មី ដែល​បានកំណត់​ទិសដៅ​អនាគត​សម្រាប់​កម្មវិធី​សហប្រតិបត្តិការ​ មហា​អនុតំបន់​មេគង្គ​លើ​មាគ៌ា​អភិវឌ្ឍ​ឆ្ពោះទៅរក​វិបុលភាព​រួម ដោយ​ឈរលើ​គោលការណ៍​ច្បាប់​អន្តរជាតិ និង​សុខសន្តិភាព និង​សាមគ្គីភាព​។​

​បើតាម​សម្ដេច​តេ​ជោ ហ៊ុន សែន នៅក្នុង​បរិការណ៍ នៃ​ភាពមិនប្រាកដប្រជា​នាពេល​បច្ចុប្បន្ន​ដែល​បង្កឡើង ដោយ​វិបត្តិ​សុខភាព​សាធារណៈ ក៏ដូចជា​បញ្ហា​ប្រឈម​តំបន់ និង​ពិភពលោក​ផ្សេងទៀត​កិច្ចប្រជុំ​កំពូល​លើក​ទី​៧ នាពេលនេះ បានសម្រេច​ជ្រើស​រើសយក​មូលបទ “​មហា​អនុតំបន់​មេគង្គ​៖ ពង្រឹង​ភាពខ្លាំង ដើម្បី​ទប់ទល់​និង​បញ្ហា​ប្រឈម​នៃ​ទសវត្សរ៍​ថ្មី​” ។ ស្ដេច​បាន​បន្តថា ប្រធានបទ​នេះ ធ្វើឡើង​ក្នុង​គោលបំណង​ឆ្លុះបញ្ចាំង​អំពី​ការប្តេជ្ញាចិត្ត​រួមគ្នា​យ៉ាង​មោះមុត​ ក្នុង​ការ​រួមគ្នា​ត្រួស​ត្រាយផ្លូវ ដោះស្រាយ​បញ្ហា​ប្រឈម​ថ្មីៗ​សំដៅ​ធ្វើ​យ៉ាងណា​បន្ត​នូវ​ភាព​ជោគជ័យ និង​ធានាថា មហា​អនុតំបន់​មេគង្គ និង​នៅតែ​ជា​ចំណុច​ស្នូល នៃ​ការ​តភ្ជាប់​តំបន់ និង​ជួយ​ប្រទេស​សមាជិក​សម្រេច​គោលដៅ នៃ​ការអភិវឌ្ឍ​ប្រកបដោយ​ចីរភាព និង​បរិយាបន្ន។​

​ពាក់ព័ន្ធ​ទៅនឹង​ការតភ្ជាប់​តំបន់ ដែលជា​ចំណុច​ស្នូល នៃ​កិច្ចសហប្រតិបត្តិការ​ម​ហា​អនុតំបន់​មេគង្គ​សម្ដេច​អគ្គមហាសេនាបតី​តេ​ជោ ហ៊ុន សែន បាន​សង្កត់ធ្ងន់​លើ​សារៈសំខាន់ នៃ​ការតភ្ជាប់​ឌីជីថល សម្រាប់​ការ​ប៉ះប៉ូវ​ផលិតភាព ដែល​បាត់បង់​ដោយសារ​វិបត្តិ​ជំងឺ​កូ​វីដ​១៩ ក៏ដូចជា​ធានា​ប្រសិទ្ធភាព និង​និរន្តរភាព នៃ​ការអភិវឌ្ឍ​សង្គម សេដ្ឋកិច្ច​។ សម្ដេច​បាន​លើកទឹកចិត្ត​ឲ្យ​កិច្ចសហប្រតិបត្តិការ​ម​ហា​អនុតំបន់​មេគង្គ ផ្តោត​ចម្បង​លើ​ការអភិវឌ្ឍ​ហេដ្ឋារចនាសម្ព័ន្ធ​ឌីជីថល ការធ្វើ​សមា​រណកម្ម​សេដ្ឋកិច្ច​ឌីជីថល ការធ្វើ​បច្ចុប្បន្នភាព​លើ​កម្លាំង​ពលកម្ម​ជំនាញ ស្របតាម​យុគ្គសម័យ​ឧស្សាហកម្ម 4.0 ក្នុងដំណាក់កាល នៃ​ការស្ដារ​សម្បទា​សេដ្ឋកិច្ច​ឡើងវិញ ដើម្បី​រក្សា​សេដ្ឋកិច្ច​ឱ្យមាន​ភាព​ប្រកួតប្រជែង​ខ្ពស់​។ លើសពីនេះ​ទៀត ការ​អភិវឌ្ឍ​ទីក្រុង​វៃឆ្លាត ថាមពល​ស្អាត និង​ប្រព័ន្ធ​ឡូ​ជី​ស្ទីក​គួរ​ត្រូវបាន​ពង្រឹង​ឱ្យ​កាន់តែខ្លាំង​ថែមទៀត​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម