Connect with us

ព័ត៌មានជាតិ

ប្រជាពលរដ្ឋ រិះគន់ផ្លូវចូលប្រាសាទសំបូរព្រៃគុកថា ពិបាកធ្វើដំណើរឆ្លងកាត់

បានផុស

នៅ

ផ្លូវចូលប្រាសាទសំបូរព្រៃគុគ ត្រូវបានប្រជាពលរដ្ឋជាច្រើននាក់ បង្ហាញការត្អូញត្អែរពីផលលំបាក ក្នុងការធ្វើដំណើរឆ្លងកាត់ ដោយសារផ្លូវដែលមានប្រវែងប្រមាណ ៣គីឡូម៉ែត្រនេះ នៅរដូវវស្សាបានរងការខូចខាតជាខ្លាំង។ ចំណែក​អ្នកជិះម៉ូតូ តែងតែដួលប្រឡាក់សំលៀកបំពាក់ និងបានរិះគន់ទៅលើអាជ្ញាធរថា មិនសាកសមជាផ្លូវចូលរមណីយដ្ឋានសំបូរព្រៃគុគ ដែលជាសម្បត្តិបេតិកភណ្ឌពិភពលោកនោះឡើយ និងសុំឲ្យក្រសួង-ស្ថាប័ន និងអាជ្ញាធរពាក់ព័ន្ធ ជួយដោះស្រាយបញ្ហានេះផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទង់ គឹមតុល អភិបាលស្រុកប្រាសាទសំបូរ បានឲ្យដឹងថា ចំពោះផ្លូវចូលប្របាទសំបូរព្រៃគុគនេះ គឺអាជ្ញាធរ​ស្រុក ពុំមានសិទ្ធិក្នុងការកែលម្អ ឬក៏ជួសជុលឲ្យប្រសើរឡើងបានទេ ដោយសារតែតំបន់រមណីយដ្ឋានប្រាសាទសំបូរព្រៃគុគ ស្ថិតក្រោមការគ្រប់គ្រងរបស់អាជ្ញាធរសំបូរព្រៃគុគ ហើយសូម្បីតែយកគ្រឿងចក្រមកគៀរ ឬចង់កាប់បង្ហូរទឹក​​ចេញពីថ្នល់ ក៏មិនទទួលបានការអនុញ្ញាតផង។

ទាក់ទង និងបញ្ហាផ្លូវ ក្នុងតំបន់ប្រាសាទសំបូរព្រៃគុគនេះ មហាជនបានសំណូមពរឲ្យ លោកជំទាវរដ្ឋមន្រ្តីក្រសួងវិចិត្រសិល្បៈ និងអាជ្ញាធរស្ថាប័នពាក់ព័ន្ធ មេត្តាជួយជួសជុលកែលម្អ និងសម្រួលផ្លូវឲ្យផ្លូវ ក្នុងតំបន់រមណីយដ្ឋានប្រាសាទសំបូរព្រៃគុគនេះ ឲ្យល្អប្រសើរផង។

សូមជម្រាបថា ​ប្រាសាទសំបូរព្រៃគុក ត្រូវបានអង្គការ​យូណេស្កូ អនុម័តចុះក្នុង​បញ្ជី​បេតិកភណ្ឌ​ពិភពលោក កាល​ពីថ្ងៃទី៨ ខែកក្កដា ឆ្នាំ២០១៧ នៅកិច្ចប្រជុំ​ប្រជុំ​កំពូល​លើក​ទី​៤១ នៃ​គណៈកម្មាធិការ​បេតិកភណ្ឌ​ពិភពលោក​៕ ​

អត្ថបទ៖ ប៊ុន រដ្ឋា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ២៤ នាទី មុន

បញ្ជីបេក្ខជន នៃគណបក្សចំនួន ៩ ទទួលបានអាសនៈក្រុមប្រឹក្សា សម្រាប់ការបោះឆ្នោតឃុំ-សង្កាត់អាណត្តិទី ៥

សន្តិសុខសង្គម៣០ នាទី មុន

កូនប្រុសស្រី ​ស្រែកយំ​ឡូឡា​មុខរោងការ​ឪពុក​ សុំលុយ១ម៉ឺនដុល្លារ​សងធនាគារ

ព័ត៌មានអន្ដរជាតិ៤៣ នាទី មុន

មេដឹកនាំប្រទេសមួយនៅ អាស៊ាន បញ្ជាក់ពេលវេលាជួបទាំងលោក Putin និង Zelensky

ព័ត៌មានជាតិ២ ម៉ោង មុន

មេសហជីពមួយរំពឹងថា ប្រាក់ឈ្នួលកម្មករឆ្នាំ២០២៣ នឹងបន្តកើនឡើង ជាងឆ្នាំ២០២២

ព័ត៌មានជាតិ២ ម៉ោង មុន

មន្ត្រីក្រសួងយុត្តិធម៌ ៖ ការអំពាវនាវឲ្យដោះលែង និងទម្លាក់បទចោទលើអ្នកប្រព្រឹត្តខុសច្បាប់ មិនមែនជាការធានាលំហប្រជាធិបតេយ្យទេ  

Sokha Hotels

ព័ត៌មានពេញនិយម