ព័ត៌មានជាតិ

អភិបាលរងខណ្ឌ២រូប ចុះសួរសុខទុក្ខនិងនាំយកអំណោយផ្តល់ជូនមន្ត្រីមានជំងឺ

បានផុស

៥ years មុន

នៅ

ថ្ងៃសៅរ៍ ១៦ តុលា ២០២១

ដោយ

ភ្នំពេញ ៖ ដើម្បីចូលរួមរំលែកទុក្ខជាមួយក្រុមគ្រួសាររបស់មន្ត្រីសាលាខណ្ឌដែលមានជំងឺនិងជួបគ្រោះថ្នាក់ជាយថាហេតុ លោកចេង មុនីរ៉ា អភិបាលនៃគណៈអភិបាលខណ្ឌបានចាត់អោយអភិបាលរងខណ្ឌ២រូបចុះសួរសុខទុក្ខ ព្រមទាំងនាំយកអំណោយនិងថវិកានៅប្រគល់ជូនក្រុមគ្រួសារផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពមនុស្សធម៍នេះបានធ្វើឡើងនៅព្រឹកថ្ងៃទី១៦ ខែតុលា ឆ្នាំ២០២១ ដែលទីតាំងទី១ដឹកនាំដោយលោករស់ សុភក្តិ អភិបាលរងខណ្ឌ បាននាំយកសម្ភារៈនិងថវិកាទៅផ្តល់ជូនលោក ស៊ំ ប៊ុនធឿន មន្ត្រីសាលាខណ្ឌ ដែលកំពុងសម្រាកព្យាបាលជំងឺនៅផ្ទះស្ថិតក្នុងភូមិកោះនរា សង្កាត់និរោធ ខណ្ឌច្បារអំពៅ និងទីតាំងទី២ដឹកនាំដោយលោកហ៊ត គឹមនី អភិបាលរងខណ្ឌ បាននាំយកសម្ភារៈនិងថវិកាទៅផ្តល់ជូនលោក ជេត យ៉ម ជាប្រធានមន្ទីរគណបក្សខណ្ឌ ដែលកំពុងសម្រាកព្យាបាលជំងឺនៅផ្ទះស្ថិតក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ។

ឆ្លៀតក្នុងឱកាសនេះដែរ លោកអភិបាលរងទាំង២ បាន ពាំនាំនូវការផ្តាំផ្ញើសាកសួរសុខទុក្ខពីសំណាក់ លោកចេង មុនីរ៉ា អភិបាលខណ្ឌច្បារអំពៅ និងលោក ឃួង ស្រេង អភិបាលរាជធានីភ្នំពេញ ដែលជានិច្ចកាលលោកតែងតែគិតគូរយកចិត្តដល់មន្ត្រីថ្នាក់ក្រោមជាប្រចាំទាំងជីវភាពរស់នៅ គ្រោះថ្នាក់ជាយថាហេតុ និងបញ្ហាប្រឈមផ្សេងៗ។

បន្ទាប់ពីទទួលបានអំណោយនិងថវិកា លោក ជេត យ៉ម ក៍ដូចជាលោក ស៊ំ ប៊ុនធឿង បានសំដែងនូវទឹកចិត្តរីករាយនិងថ្លែងអំណរគុណដល់លោកអភិបាលខណ្ឌច្បារអំពៅដែលតែងតែគិតគូរយកចិត្តទុកដាក់ដល់មន្ត្រីនៅក្រោមឱវាទ ទោះបីជាសម្ភារៈនិងថវិកាទាំងនេះមិនសមប្រកបទៅតាមការចង់បានយ៉ាងណាក៏ដោយ តែនេះជាទឹកចិត្តដ៍ប្រពៃរបស់ថ្នាក់ដឹកនាំខណ្ឌប្រកបដោយកាយវិការមនុស្សធម៌៕

ដោយ ៖ នរា