ព័ត៌មានជាតិ

ក្រុមរត់ពន្ធម៉ូតូឆ្លងដែនចូលមកកម្ពុជា បានផ្ដួលម៉ូតូចោល ពេលប្រទះឃើញសមត្ថកិច្ច

បានផុស

៣ years មុន

នៅ

ថ្ងៃសៅរ៍ ២៣ តុលា ២០២១

ដោយ

ក្រុមយុវជនមួយក្រុម ដែលកំពុងរត់ពន្ធម៉ូតូឆ្លងដែនមកកម្ពុជា បានគេចខ្លួនយកតែព្រះអាយុ ដោយបាននាំគ្នាផ្តួលម៉ូតូចោលក្បែរព្រំដែន ខណៈដែលក្រុមយោធាការពារព្រំដែនថៃ ដេញប្រមាញ់។ ករណីរត់ពន្ធម៉ូតូឆ្លងដែននេះ ត្រូវបានសមត្ថកិច្ចថៃរឹបអូសបានម៉ូតូចំនួន៦គ្រឿង នៅចំណុចភូមិទ័ពសៀម ឃុំតាប្រាយ៉ា ស្រុកតាប្រាយ៉ា ខេត្តស្រះកែវ កាលពីថ្ងៃទី២២ ខែតុលា ឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគោលការណ៍របស់ថ្នាក់ដឹកនាំមន្ត្រីយោធាបានកំណត់អោយមានការរឹតបន្តឹងនៅតាមព្រំដែនអំពីបញ្ហាការរត់ពន្ធ និងបទល្មើសឆ្លងដែនខុសច្បាប់គ្រប់ប្រភេទ នៅតាមបណ្តោយព្រំដែនកម្ពុជា-ថៃ ក្នុងកំឡុងពេលស្ថានភាព ការរីករាលដាលនៃជំងឺកូវីដ -១៩ ។

នៅពេលនោះដែរសមត្ថកិច្ចថៃបានដាក់កម្លាំងត្រួតពិនិត្យនៅចំណុចភូមិទ័ពសៀម ឃុំតាប្រាយ៉ា ស្រុកតាប្រាយ៉ា ខេត្តស្រះកែវ ចម្ងាយប្រហែល ៦០០ ម៉ែត្រពីផ្លូវស៊ីភេន បានឃើញក្រុមយុវវ័យមួយក្រុមកំពុងបើកបរម៉ូតូ ៦ គ្រឿងក្នុងល្បឿនលឿននៅពេលឃើញសមត្ថកិច្ច ក្រុមយុវជនទាំងនោះបានទុកម៉ូតូចោលហើយរត់គេចខ្លួនបាត់ ដោយសារវាជាតំបន់កសិកម្ម និងព្រៃក្រាស់យុវជនទាំងអស់អាចរត់គេចខ្លួនបាត់ស្រមោល។

មន្រ្តីជំនាញបាននាំយកម៉ូតូទាំង ៦ គ្រឿងទៅធ្វើការត្រួតពិនិត្យនិងធ្វើកំណត់ហេតុដកហូតរក្សាទុកនៅអធិការដ្ឋានតាប្រាយ៉ា ខេត្តស្រះកែវ ដើម្បីស្រាវជ្រាវជាក្រោយព្រោះម៉ូតូឌ្រីមទាំងអស់នេះមានពាក់ស្លាកលេខថៃគ្រប់គ្រឿង ៕

អត្ថបទ: សោ និយមរ័ត្ន