ព័ត៌មានជាតិ
សម្តេចតេជោ ហ៊ុនសែន៖ បន្តិចទៀត ប័ណ្ណវ៉ាក់សាំងកូវីដ-១៩ មានតម្លៃជាងអត្តសញ្ញាណប័ណ្ណ
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានជំនឿជឿជាក់ថា ទៅថ្ងៃមុខ ប័ណ្ណចាក់វាក់សាំងកូវីដ-១៩ នឹងមានតម្លៃជាងអត្តសញ្ញាប័ណ្ណ ហើយសម្ដេចក៏បានបញ្ជាឱ្យក្រសួង ការពារជាតិ ក៏ដូចជាប្រសួងសុខាភិបាល ជំរុញការធ្វើប័ណ្ណវាក់សាំងនេះជូនប្រជាពលរដ្ឋឱ្យបានលឿន។
សម្ដេចតេជោ ហ៊ុន សែន បានបញ្ជាក់ថា៖ “ខ្ញុំនៅតែមាន មោទនភាពលើពាក្យ វ៉ាក់សាំងកាតព្វកិច្ច ជាភាសាដែលខ្ញុំប្រើមុនគេ។ ឥឡូវត្រូវបានប្រទេសនានានៅលើពិភពលោកយកទៅប្រើ ហើយក៏បានចេញអនុក្រឹត្យផងដែរ។ អង្គការក្រៅរដ្ឋាភិបាលមួយចំនួន ក៏បានស្នើឱ្យដកចេញ ប៉ុន្តែរឿងនេះមិនអាចទេ។ ឥឡូវសូមបញ្ជាក់ឱ្យហើយ កាត និងវ៉ាក់សាំង ត្រូវជំរុញធ្វើ។ ក្រសួងការពារជាតិ ដូចនៅជំពាក់គេ ១០ ម៉ឺន [កាត] ក្រសួងសុខាភិបាលត្រូវធ្វើ”។
សម្ដេចតេជោ ហ៊ុន សែន មានប្រសាសន៍បន្តថា៖ “កាតចាក់វ៉ាក់សាំង បន្តិចទៀតមានតម្លៃជាងអត្តសញ្ញាណប័ណ្ណ ចូលហាងគេសុំមើល ចាក់វ៉ាក់សាំងហើយ ឬនៅ បើមិនទាន់ចាក់ គេអត់ឱ្យចូល។ ជិះតាក់ស៊ី គេសួរមានកាតវ៉ាក់សាំងដែរ ឬអត់ បើអត់គេអត់ដឹក ព្រោះខ្លាចឆ្លង ហើយបណ្ដាលក្រុមហ៊ុនផ្សេងៗគេមិនឱ្យធ្វើការទេ។ ឥឡូវនេះកំពុងអនុវត្តនៅអាមេរិក នៅប្រទេសលោកសេរី បើនៅអាមេរិកកងទ័ពជើងទឹកមិនព្រមចាក់សាំងត្រូវបណ្ដេញចេញ”។
សូមបញ្ជាក់ថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី០១ ខែវិច្ឆិកា នេះអញ្ជើញជាអធិបតីភាពក្នុងពិធីបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ សម្រាប់អ្នកមានអាយុ ៦ឆ្នាំឡើង ក្រោយពីចាប់ផ្តើមកាលពីថ្ងៃទី១៧ ខែកញ្ញា ឆ្នាំ២០២១ កន្លងមក ហើយក៏បានប្រកាស បើកយុទ្ធនាការចាក់សម្រាប់កុមារមានអាយុ ៥ឆ្នាំផងដែរ៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង