ព័ត៌មានជាតិ
អាជ្ញាធរចុះជួយជួសជុលផ្ទះពលរដ្ឋ ៧៦ ខ្នងរងគ្រោះដោយសារខ្យល់កន្ត្រាក់ រួចរាល់បាន ២០ ខ្នង
ឯកឧត្តម សាន់ យូ អភិបាលរងខេត្តកំពង់ឆ្នាំង បានឱ្យដឹងថា គិតមកដល់ថ្ងៃនេះផ្ទះប្រជាពលរដ្ឋដែលរងគ្រោះដោយគ្រោះធម្មជាតិខ្យល់កន្រ្តាក់ នៅឃុំផ្លូវទូកស្រុកកំពង់លែង អាជ្ញាធរស្រុក ឃុំ និងកម្លាំងចម្រុះបានរួមគ្នាជួយជួសជុលប្រក់ដំបូល ជញ្ជាំង និងធ្វើឡើងវិញបានចំនួនជាង ២០ ផ្ទះហើយ ក្នុងចំណោមផ្ទះ ៧៦ ខ្នង។
តាមផែនការរបស់ឯកឧត្តមអភិបាលខេត្តកងកម្លាំងចម្រុះទាំងអស់ត្រូវនៅជួយជួសជុល ផ្ទះប្រជាពលរដ្ឋរហូតដល់រួចរាល់ទាំងស្រុងទើបត្រឡប់ទៅអង្គភាពវិញ។
ឯកឧត្តម សាន់ យូ បានបញ្ជាក់ទៀតថាៈ ដើម្បីសម្រួលដល់ការលំ បាកដល់ប្រជាពលរដ្ឋដែលរងគ្រោះនេះ ឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានផ្តល់ជូនស័ង្គសីដល់ផ្ទះប្រជាពលរដ្ឋ ទាំងប្រក់ដំបូល និងជញ្ជាំងថែមទៀតផងដែរ ដែលទាំងនេះបង្ហាញឱ្យឃើញពីការយកចិត្តទុកដាក់របស់ថ្នាក់ដឹកនាំខេត្ត ដែលតែងតែផ្សារ ភ្ជាប់អំពីសុខទុក្ខររបស់ប្រជាពលរដ្ឋជាប្រចាំនៅជារដ្ឋបាលខេត្ត។ ដូចនេះកងកម្លាំង និងអាជ្ញាធរត្រូវបន្តសហការគ្នាជួយជួសជុលផ្ទះប្រជា ពលរដ្ឋឱ្យបានលឿនបន្ថែមទៀត។
ចំណែកប្រជាពលរដ្ឋដែលរងគ្រោះ បានសំដែងនូវអំណរគុណយ៉ាងជ្រាលជ្រៅចំពោះថ្នាក់ដឹកនាំខេត្ត អាជ្ញាធរមូលដ្ឋាន និង កងកម្លាំងដែលបានយកចិត្តទុកដាក់ជួយអន្តរាគមន៍ភ្លាមៗចាប់តាំងពីថ្ងៃកើតហេតុរហូតមកដល់ថ្ងៃនេះ គឺនៅជាប់ជាមួយនិងប្រជាពលរដ្ឋ ហើយក៏បានផ្តល់អំណោយជាបន្តបន្ទាប់ជូនគ្រួរសាររងគ្រោះផងដែរ។
សូមបញ្ជាក់ថា កាលពីថ្ងៃទី០៨ ខែ វិច្ឆិកា ភូមិពាមខ្នង និងភូមិស្លត ឃុំផ្លូវទូក ស្រុកកំពង់លែង ត្រូវបានខ្យល់ព្យុះកន្រ្តាក់ វាយប្រហារយ៉ាងខ្លាំងបង្ករឱ្យផ្ទះប្រជាពលរដ្ឋចំនួន ៧៦ ខ្នង ដួលរលំបែកបាក់។
ក្នុងនោះផ្ទះ១៦ខ្នងបានក្រឡាប់លិចធ្ងន់ធ្ងរ ចំណែក២៩ខ្នង បានលិចផ្ទះមួយចំហៀង និងរបើកដំបូលធ្ងន់និងផ្ទះ ៣១ខ្នង ទៀតបានខូចខាតជាមធ្យម៕
អត្ថបទៈ ឈៀងថារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល