ព័ត៌មានជាតិ
សៀវភៅដ៏រសើប (អ្នកយុទ្ធសាស្រ្តវ័យក្មេងនៅអាស៊ី) ភាគី១ ត្រូវបានបោះពុម្ព និងផ្សព្វផ្សាយជាផ្លូវការ
សៀវភៅ (អ្នកយុទ្ធសាស្រ្តវ័យក្មេងនៅអាស៊ី) ភាគ១ ស្តីពីដំណើរស្វែងរកសន្តិភាពរបស់សម្តេច ហ៊ុន សែន ពីអំឡុងឆ្នាំ១៩៨៧ ដល់ឆ្នាំ១៩៩៣ ដែលគេទន្ទឹងរង់ចាំអានយ៉ាងអន្ទះសា អស់រយៈពេលជាច្រើនខែមកនោះ ត្រូវបានបោះពុម្ពផ្សាយជាសាធារណៈជាស្ថាពរហើយ កាលពីថ្ងៃទី២៧ ខែវិច្ឆិកា ឆ្នាំ២០១ ម្សិលមិញនេះ។ នេះបើតាមការអះអាងរបស់ឯកឧត្តម ពៅ សុខ ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាអ្នករៀបរៀងសៀវភៅនេះ។
ឯកឧត្តម បានបន្តឱ្យដឹងទៀតថា សៀវភៅនេះ គឺជាសៀវភៅដ៏រសើប សម្រាប់ឯកឧត្តមជាអ្នករៀបរៀង ព្រោះថា ប្រសិនបើអ្នកនយោបាយ ឬមិត្តអ្នកអានមិនបានយល់អំពីគោលការណ៍នៃការបោះពុម្ព ហើយយកទៅបកស្រាយ បំភ្លៃ ឬវិនិច្ឆ័យខុស នឹងនាំទៅដល់ការយល់ខុសរបស់អ្នកស្តាប់ទាំងឡាយ ហើយនាំទៅដល់ហានិភ័យសម្រាប់ឯកឧត្តមផ្ទាល់ ព្រោះក្នុងដំណើរ នៃការចរចាស្វែងរកសន្តិភាព មានចំណុច និងពាក្យពេចន៍ខ្លះគ្រោតគ្រាត និងគួរជាទីមោទនៈសម្រាប់មេដឹកនាំកំពូលពីរអង្គនាក់ ដែលជាតួអង្គ ដ៏សំខាន់ក្នុងរឿងនេះ គឺសម្តេចព្រះនរោត្តម សីហនុ ព្រះបរមរតនកោដ្ឋិ និងសម្តេចតេជោនាយករដ្ឋមន្រ្តី ហ៊ុន សែន។
ប៉ុន្តែ ឯកឧត្តម បញ្ជាក់ថា ក្រៅពីជារឿងដ៏រសើប សៀវភៅ(អ្នកយុទ្ធសាស្រ្តវ័យក្មេងនៅអាស៊ី)នេះ ក៏ជាមេរៀន ជាយុទ្ធសាស្រ្ត ជាសារអប់រំដ៏ល្អ សម្រាប់អ្នកនយោបាយ សម្រាប់មនុស្សជំនាន់ក្រោយ ឬមនុស្សគ្រប់ជំនាន់តទៅមុខទៀត យកជាគំរូតាមក្នុងការអនុវត្ត ដើម្បីបញ្ចៀសការបែកបាក់ជាតិ និងដើម្បីរម្លត់ ដើម្បីបញ្ចប់សង្រ្គាម ដើម្បីបង្រួបបង្រួមផ្សះផ្សាជាតិ ដើម្បីសន្តិភាពនៅកម្ពុជាទាំងមូល។
ឯកឧត្តមទីប្រឹក្សា បានអះអាងទៀតថា ទោះបីសៀវភៅនេះ មើលទៅជាសៀវភៅដ៏រសើបសម្រាប់ឯកឧត្តម ប៉ុន្តែ គោលបំណង នៃការបោះពុម្ពផ្សព្វផ្សាយរបស់ឯកឧត្តមមានតែមួយគត់ គឺការរក្សា និងតម្កល់ទុកជាប្រវត្តិសាស្រ្ត នូវកេរតំណែល នូវមរតកដ៏អស្ចារ្យរបស់មហាវីរបុរសស្នេហាជាតិខ្មែរ គឺសម្តេចតេជោហ៊ុន សែន ដែលបានលះបង់ទាំងពេលវេលា និងកម្លាំងកាយចិត្ត ប្រាជ្ញាស្មារតី ដើម្បីជាតិ និងប្រជាជនកម្ពុជាផងដែរ ព្រោះសម្តេចហ៊ុន សែន និងគណបក្សប្រជាជនកម្ពុជា គឺជាអ្នកសង្រ្គោះជីវិតប្រជាជនទូទាំងប្រទេស ជាអ្នករំដោះសិទ្ធិសេរីភាពប្រជាជន ពីរបបស្រេកឈាមប្រល័យពូជសាសន៍ ប៉ុល ពត ជាអ្នកសង្រ្គោះរបបរាជានិយម ដែលរបបសាធារណរដ្ឋខ្មែររបស់លោក លន់ នល់ និងរបបកម្ពុជាប្រជាធិបតេយ្យរបស់ ប៉ុល ពត បានរំលាយចោលអស់ពេលជាង២០ឆ្នាំមកហើយ ឱ្យរស់ឡើងវិញរហូតសព្វថ្ងៃ។ សម្តេច ហ៊ុន សែន និងគណបក្សប្រជាជន គឺជាអ្នកសង្រ្គោះ ឬប្រោះអ្វីៗគ្រប់យ៉ាង សូម្បីលទ្ធិប្រជាធិបតេយ្យឱ្យមានជីវិត និងស្រស់បំព្រងឡើងវិញ។ មានន័យថា គ្មានសម្តេចហ៊ុន សែន គ្មានគណបក្សប្រជាជនកម្ពុជា គឺគ្មានសន្តិភាព ហើយប្រសិនបើគ្មានសន្តិភាព កុំនិយាយឡើយពីលទ្ធិប្រជាធិបតេយ្យ បើគ្មានសន្តិភាព កុំនិយាយឡើយពីសិទ្ធិសេរីភាព បើគ្មានសន្តិភាព កុំនិយាយឡើយពីការអភិវឌ្ឍ បើគ្មានសន្តិភាព កុំនិយាយឡើយ ពីអ្វីៗគ្រប់យ៉ាង។
ទោះជាយ៉ាងណា ឯកឧត្តម មិនភ្លេចឡើយការថ្លែងអំណរគុណ ជាអនេកដល់ឯកឧត្តម កែវ បាភ្នំ ដែលបានផ្តល់ឯកសារដ៏មានសារៈសំខាន់នេះដល់ឯកឧត្តម និងបណ្តាបងប្អូន មិត្តភក្តិមិត្តអ្នកអាន ពីគ្រប់មជ្ឈដ្ឋានទាំងអស់ដែលបានគាំទ្រ និងលើកទឹកចិត្ត ជាពិសេស គឺថ្លែងអំណរគុណយ៉ាងជ្រាលជ្រៅ ដល់សម្តេចអគ្គមេហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានឧបត្ថម្ភ និងផ្តល់ឱកាសឱ្យឯកឧត្តមបានរៀបរៀង និងបោះពុម្ពសៀវភៅដ៏មានតម្លៃជាប្រវត្តិសាស្រ្តនេះឡើង។
ឯកឧត្តមអះអាងជាចុងក្រោយថា សៀវភៅ(អ្នកយុទ្ធសាស្រ្តវ័យក្មេងនៅអាស៊ី)នេះ នឹងមានលក់នៅតាមបណ្តាបណ្ណាគារ ក្នុងរាជធានីភ្នំពេញ និងសម្រាប់ចែកជូនជាធម្មទាន ដោយឥតគិតថ្លៃដល់បណ្តាព្រះសង្ឃ សិស្ស និស្សិត និងមហាជនដទៃទៀត ដែលស្រលាញ់ការអាន ការស្រាវជ្រាវ ហើយមិនមានលទ្ធភាព ក្នុងការជាវសៀវភៅនេះយកទៅអានជាដើម៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត