ព័ត៌មានជាតិ
លោក កឹម សុខា ផ្ញើសារសម្តែងការរន្ធត់ចំពោះការចូលទិវង្គតរបស់សម្ដេចក្រុមព្រះ នរោត្ដម រណឫទ្ធិ
លោក កឹម សុខា ប្រធានអតីតគណបក្សប្រឆាំងនៅរសៀលថ្ងៃទី២៩ ខែវិច្ឆិកា ឆ្នាំ២០២១ តាមរយៈទំព័រហ្វេសប៊ុកបានចេញសារចូលរួមរំលែកទុក្ខយ៉ាងក្រៀមក្រំចំពោះការយាងចូលទិវង្គតរបស់សម្ដេចក្រុមព្រះ នរោត្ដម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច នៅប្រទេសបារាំង។
តាមរយៈសាររំលែកទុក្ខ លោក កឹម សុខា បានលើកឡើងថា៖«សម្ដេចក្រុមព្រះនរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច និងជាព្រះប្រធានក្រុមឧត្ដមប្រឹក្សាផ្ទាល់ព្រះមហាក្សត្រ ទ្រង់សោយទិវង្គត់នៅថ្ងៃអាទិត្យ ទី២៨ ខែវិច្ឆិកា ឆ្នាំ២០២១ ក្នុងព្រះជន្មាយុ៧៧ ព្រះវស្សា ដោយរោគាពាធ។ ទូលព្រះបង្គំ ខ្ញុំមានសេចក្តីរន្ធត់ក្រៃលែង និងសូមចូលរួមរំលែកព្រះមរណទុក្ខជាមួយព្រះអង្គម្ចាស់ក្សត្រិយ៏ ជាព្រះជាយា ព្រះរាជបុត្រា បុត្រី និងសមាជិក សមាជិកា គណបក្សហ៊្វុនស៊ិនប៉ិចដោយក្តីសង្វេគ ស្ដាយស្រណោះ អាឡោះអាល័យជាអនេកចំពោះការបាត់បង់សម្ដេចក្រុមព្រះ នរោត្ដម រណឫទ្ធិ ដែលជាព្រះស្វាមី ព្រះបិតា និងជាព្រះប្រធានជាទីគោរពស្រឡាញ់បំផុត»។
ជាមួយគ្នានេះ លោក កឹម សុខា ក៏ដូចជា ឥស្សរជនកម្ពុជាដទៃទៀតដែរ គឺបានឧទ្ទិសបួងសួង សូមឱ្យដួងព្រះវិញ្ញាណក្ខន្ធ សម្ដេចក្រុមព្រះ នរោត្តម រណឫទ្ធិ យាងទៅសោយក្នុងព្រះសុគតិភព កុំបីឃ្លៀងឃ្លាតឡើយ។
សម្តេចក្រុមព្រះ នរោត្តម រណឫទ្ធិ បានយាងសោយព្រះទិវង្គត ក្នុងព្រះជន្ម ៧៧ ព្រះវស្សា នាប្រទេសបារាំង វេលាម៉ោង៣ និង៤០នាទី ម៉ោងនៅទីក្រុងភ្នំពេញ ថ្ងៃទី២៨ ខែវិច្ឆិកា ឆ្នាំ២០២១ ដោយព្រះជរាពាធ។ បើតាមគណបក្សហ៊្វុនស៊ិនប៉ិច គឺព្រះសព សម្តេចក្រុមព្រះ នរោត្តម រណឫទ្ធិ នឹងត្រូវយាងដង្ហែមកកាន់ប្រទេសកម្ពុជាក្នុងពេលដ៏ខ្លីខាងមុខនេះ។ គណបក្សហ្វ៊ុនស៊ិនប៉ិច ក៏បានជូនដំណឹងដល់សមាជិករបស់ខ្លួននៅតាមរាជធានី ខេត្ត ទាំងអស់ឱ្យរៀបចំនូវពិធីបុណ្យទក្ខិណានុប្បទាន តាមប្រពៃណីសាសនាឱ្យបានសមរម្យ ដោយមានតាំងនូវព្រះឆាយាលក្ខណ៍ សម្ដេចក្រុមព្រះ ព្រះប្រធាន នៅតាមទីស្នាក់ការគណបក្សរាជធានី-ខេត្តរៀងៗខ្លួន ដើម្បីថ្វាយព្រះល័យ និងឧទ្ធិសព្រះមហាកុសល ថ្វាយសម្ដេចក្រុមព្រះ៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ