ព័ត៌មានជាតិ
វេទិកានិពន្ធនាយកសារព័ត៌មាន ថ្លែងអំណរគុណសម្ដេចតេជោ ដែលចាត់ទុកអ្នកសារព័ត៌មាន ជាក្រុម ត្រូវទទួលបានការចាក់វ៉ាក់សាំង មុនគេ
តាមរយៈសេចក្ដីថ្លែងការណ៍រួម នៃវេទិកានិពន្ធនាយកសារព័ត៌មានកម្ពុជាលើកទី ១៨ គឺនិពន្ធនាយកសារព័ត៌មាន តំណាងស្ថាប័នសារព័ត៌មាន និងអ្នកសារព័ត៌មានផងនោះ បានថ្លែងអំណរគុណចំពោះសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានចាត់ទុកអ្នកសារព័ត៌មាន ជាក្រុមអាទិភាពមួយ ដែលត្រូវទទួលបានការចាក់វ៉ាក់សាំងបង្ការជំងឺកូវីដ-១៩ មុនគេ។
ក្លិបអ្នកកាសែតកម្ពុជា នៅថ្ងៃទី ១១ ខែធ្នូ ឆ្នាំ ២០២១នេះ បានរៀបចំវេទិកានិពន្ធនាយកសារព័ត៌មានកម្ពុជាលើទី ១៨ ក្រោមប្រធានបទ «កូវីដ-១៩ ៖ បញ្ហាប្រឈម និងឱកាសសម្រាប់វិស័យសារព័ត៌មាន» ដែលមានការចូលរួមពីនិពន្ធនាយកសារព័ត៌មាន តំណាងស្ថាប័នសារព័ត៌មាន និងអ្នកសារព័ត៌មានចំនួន ៦៨នាក់ មកពី ៤៦ស្ថាប័នសារព័ត៌មាន។
នៅក្នុងសេចក្ដីថ្លែងការណ៍រួម នៃវេទិកានិពន្ធនាយកសារព័ត៌មានកម្ពុជាលើកទី ១៨ ដែលបានអានដោយលោក ប៉ែន បូណា ប្រធានក្លិបអ្នកកាសែតកម្ពុជា បានថ្លែងអំណរគុណចំពោះសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានចាត់ទុកអ្នកសារព័ត៌មាន ជាក្រុមអាទិភាពមួយ ដែលត្រូវបានទទួលការចាក់វ៉ាក់សាំងបង្ការជំងឺកូវីដ-១៩ មុនគេ។
វេទិកានិពន្ធនាយកសារព័ត៌មានកម្ពុជា បានចាត់ទុកថា ការទទួលបានការចាក់វ៉ាក់សាំងពេញលេញ រហូតដល់ដូសទី ៣ គឺជាអាវក្រោះយ៉ាងសំខាន់ ក្នុងការការពារអ្នកសារព័ត៌មានពីការឆ្លងជំងឺកូវីដ-១៩។ លើសពីនេះទៀត វេទិកានិពន្ធនាយកសារព័ត៌មានកម្ពុជា ក៏បានថ្លែងអំណរគុណ ចំពោះសម្ដេចតេជោនាយករដ្ឋមន្ត្រី ដែលបានចាត់ទុកវេទិកានិពន្ធនាយកសារព័ត៌មានកម្ពុជាថា មានសារៈសំខាន់ និងបានយកឱកាសនេះ ដើម្បីថ្លែងសារទៅកាន់អ្នកសារព័ត៌មានជារៀងរាល់ឆ្នាំ៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?