ព័ត៌មានជាតិ
វីតាល់ និងមីជាតិ បន្តផ្តល់អំណោយភាពកក់ក្តៅ ជូនប្រជាជនក្រីក្រ និងចាស់ជរា និងលោកតាស៊ីក្លូក្នុងឆ្នាំទី ៦
ក្នុងចេតនាចូលរួមសម្រួលទៅដល់ស្ថានភាពលំបាករយៈពេលខ្លី របស់លោកតាស៊ីក្លូ ជនចាស់ជរាដែលមានជីវភាព ខ្សត់ខ្សោយក្នុងរាជធានីភ្នំពេញ ក្រុមហ៊ុនទឹកពិសាវីតាល់ និងមីជាតិ បានសហការរៀបចំកម្មវិធី “ចែករំលែកភាពកក់ក្តៅលើកទី ៦” នាព្រឹកថ្ងៃទី ១៩ ខែមករា ឆ្នាំ ២០២២ នៅបរិវេណសួនច្បារវត្តបទុមវត្តី ក្នុងខណ្ឌដូនពេញ ដើម្បីចែកអំណោយជាគ្រឿងឧបភោគបរិភោគ សម្ភារៈប្រើប្រាស់ ថ្នាំសង្កូវ និងថវិកាមួយចំនួន ជូនលោកតាលោកយាយ ចាស់ជរា និងប្រជាជនមានជីវភាពខ្សត់ខ្សោយប្រមាណជិត ៣០០ នាក់ ក្នុងរាជធានីភ្នំពេញ។
កម្មវិធីសប្បុរសធម៌នេះ បានប្រព្រឹត្តទៅក្រោមវត្តមានដ៏ខ្ពង់ខ្ពស់របស់ លោកជំទាវ ជឹង សុគន្ធាវី អគ្គនាយិកានៃក្រុមហ៊ុនទឹកពិសាវីតាល់ និងផលិតផលមីជាតិ ព្រមទាំងមានការចូលរួមពីសំណាក់គណៈគ្រប់គ្រងក្រុមហ៊ុន អាជ្ញាធរមូលដ្ឋាន ប្រជាពលរដ្ឋ យុវជនស្ម័គ្រចិត្ត និងក្រុមការងារជាច្រើននាក់។
លោកជំទាវ អគ្គនាយិកានៃក្រុមហ៊ុន បានមានប្រសាសន៍ថា “ព្រឹត្តិការណ៍សប្បុរសធម៌ ប្រចាំឆ្នាំនេះ ត្រូវបានរៀបចំឡើងដោយមានគោលបំណង និងគុណតម្លៃយ៉ាងច្បាស់លាស់ ក្នុងការផ្សាយមេត្តាចិត្ត ជាមួយគោលការណ៍ស្រលាញ់រាប់អាន ផ្តល់អធ្យាស្រ័យ និងគោរពគ្នាដោយស្មោះស្ម័គ្រ ក្នុងនាមជាមនុស្សជាតិតែមួយ តាមរយៈការចែករំលែកនូវស្បៀងអាហារ ថវិកា ថ្នាំសង្កូវ ជូនដល់លោកតា លោកយាយ លោកពូ អ្នកមីង បងៗ អ្នកខ្សត់ខ្សោយ ខ្វះខាត ដែលជួបប្រទះការលំបាក ។
បន្ថែមពីនេះ លោកជំទាវ អគ្គនាយិកា បានបន្តថា “ស្ថានភាពកូវីដ១៩ មានសភាពល្អប្រសើរ ប៉ុន្តែវានៅជាការលំបាកសម្រាប់ជនចាស់ជរា និងប្រជាជនមួយចំនួនដែលមានជីវភាពខ្សត់ខ្សោយ។ អាស្រ័យហេតុដូចនេះ វីតាល់ និងមីជាតិ នៅតែបន្តរៀបចំកម្មវិធីនេះឡើងដោយសង្ឃឹមថា នឹងអាចចូលរួមចំណែក សម្រួលនូវការលំបាកមួយចំនួន និងផ្តល់ភាពកក់ក្តៅជូនដល់លោកតា លោកយាយ និងប្រជាជនដែលជួបការលំបាក បានមួយរយៈខ្លីផងដែរ។”
ចំពោះអំណោយ ដែលក្រុមហ៊ុនបានចែកជូននាថ្ងៃនេះរួមមាន អង្ករ ទឹកពិសាវីតាល់ មីជាតិ ត្រីខ អាវ ក្រមា ថ្នាំសង្កូវ និងថវិកាមួយចំនួនផងដែរ។ ចាស់ជរា និងប្រជាជន ដែលចូលរួមឱកាសនោះ ភាគច្រើនប្រកបរបរតិចតួច ដើម្បីជីវភាពប្រចាំថ្ងៃ តួយ៉ាងធាក់ស៊ីក្លូ លក់អំបោស សំលៀងកាំបិត ឬកាន់ជញ្ជីងថ្លឹងគីឡូជាដើម។
គួរបញ្ជាក់ផងដែរ កម្មវិធីសប្បុរសធម៌ “ចែករំលែកផ្តល់ភាពកក់ក្តៅ” ត្រូវបានផ្តួចផ្តើម និងរៀបចំឡើងដោយក្រុមហ៊ុនទឹកពិសាវីតាល់តាំងពីឆ្នាំ ២០១៦ មកម្ល៉េះ ហើយមកដល់សព្វថ្ងៃនេះ គឺមានរយៈពេល ៦ ឆ្នាំ។ ចំពោះក្រុមហ៊ុនមីជាតិ នេះក៏ជាឆ្នាំទី ៣ ដែលក្រុមហ៊ុនមីជាតិ បានចូលរួមសហការជាមួយក្រុមហ៊ុនវីតាល់ ក្នុងការរៀបចំកម្មវិធីនេះឡើង។ ក្រុមហ៊ុនទាំងពីរ ប្តេជ្ញាបន្តសកម្មភាពរបស់ខ្លួននៅក្នុងការងារសប្បុរសធម៌ ក្នុងបុព្វហេតុជួយដល់សង្គមលើគ្រប់វិស័យឲ្យកាន់តែទូលំទូលាយបន្តទៅទៀត ដើម្បីសង្គមជាតិយើងទាំងអស់គ្នា ក្នុងស្មារតី ខ្មែរតែមួយជួយគ្នាក្នុងគ្រាលំបាក៕
មន្ត្រីកសិកម្ម អំពាវនាវឱ្យកសិករ ចូលរួមជាមួយសហគមន៍កសិកម្មទំនើប ដើម្បីធានាស្ថិរភាពតម្លៃកសិផល
ឃួង ឡាំកូស៊ីន បញ្ជាក់ពីស្ថានភាពរបួសរបស់ខ្លួនក្រោយភ្លាត់សន្លប់នៅសង្វៀនបាយ័ន
Szczęsny ត្រឡប់ពីចូលនិវត្តន៍ បង្ហាញទម្រង់លេងល្អ Barca ត្រៀមបន្តកុងត្រាថ្មី
ណេ តាន់យ៉ាហ៊ូ សន្យាឲ្យមេដឹកនាំហាម៉ាសរួចជីវិតដោយសុវត្ថិភាព ក្រោមលក្ខខណ្ឌនៃការរំសាយអាវុធ
អ្នកនាំពាក្យរង ថា សុខភាពមន្ត្រី ជាកត្តាកំណត់ផលិតភាពការងារ ដែលក្រសួងមហាផ្ទៃតែងយកចិត្តទុកដាក់
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
ត្រាំ ប្រកាសក្តែងៗថា អាមេរិក នឹងយកបាន Greenland ១០០%
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ