ព័ត៌មានជាតិ

ពលរដ្ឋដែលរស់នៅជាមួយជំងឺអេដស៍៧ឆ្នាំ ប្រមាណ១០០គ្រួសារទទួលបានអំណោយ

បានផុស

៤ years មុន

នៅ

ថ្ងៃពុធ ៩ កុម្ភៈ ២០២២

ដោយ

បាត់ដំបង ៖ ប្រជាពលរដ្ឋដែលរស់នៅជាមួយជំងឺអេដស៍ អស់រយៈកាល៧ឆ្នាំមកហើយ ចំនួន១០០គ្រួសារ រស់នៅឃុំរការ បានមកទទួលបានអំណោយមនុស្សធម៌មួយចំនួនពីសប្បុរសជន នៅមន្ទីរពេទ្យបង្អែក ឃុំរកា ក្នុងស្រុកសង្កែ ដើម្បីបន្តការរស់រាន មានជីវិតទៅមុខទៀត កាលពីព្រឹកថ្ងៃទី ៩ ខែកុម្ភៈឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ស៊ូ សានិត អនុប្រធានមន្ទីរសុខាភិបាលខេត្តបាត់ដំបង បានឲ្យដឹងថា អំណោយនេះ គឺជាការចូលរួមចំណែករំលែកការលំបាកបងប្អូន ដែលកំពុងរស់នៅជាមួយមេរោគអេដស៍ ក្នុងពេលទើបតែទទួលរងផលប៉ះពាល់ដោយកូវីដ និងរួមចំណែក ជាមួយរដ្ឋបាលថ្នាក់ក្រោមជាតិក្នុងការឆ្លើយតបការងារអេដស៍ក្នុងសហគមន៍ តាមរយៈការកៀរគរធនធាន។

យ៉ាងណាមិញ គិតមកដល់បច្ចុប្បន្ននេះ បងប្អូនរងគ្រោះនៅឃុំរកា គឺបានរស់នៅជាមួយរោគអេដស៍៧ឆ្នាំមកហើយ ក្នុងនាមជាថ្នាក់ដឹកនាំសុខាភិបាល បានអំពាវនាវឲ្យបងប្អូនថែទាំសុខភាព លេបថ្នាំឲ្យបានទៀងទាត់ និងទប់ស្កាត់នឹងប៉ះពាល់បច្ចុប្បន្ន គឺជំងឺកូវីដ១៩។