ទុស្សេខ្សែ​ភ្លើង​ឆេះផ្ទះ​ឈើ​មួយខ្នង​នៅ​ក្រុង​ប៉ោយប៉ែត​បំផ្លាញ​ទ្រព្យសម្បត្តិ​ទាំងស្រុង​

ផ្ទះឈើមួយខ្នង​ត្រូវអគ្គិភ័យ​ឆាបឆេះទាំងស្រុង​ ដោយសារឆ្លងចរន្តអគ្គិសនីទុស្សេខ្សែភ្លើង នៅវេលា​ម៉ោង ៩ ព្រឹក ថ្ងៃទី ២៥ ខែមីនា ស្ថិតនៅភូមិ និមិត្ត ៤ សង្កាត់និមិត្ត ក្រុងប៉ោយប៉ែត ខេត្តបន្ទាយ​មានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទ្រព្យសម្បត្តិនៅក្នុងផ្ទះ ត្រូវរងការបំផ្លាញទាំងស្រុង ហើយមិនបណ្ដាលឱ្យមនុស្សរងរបួសនោះទេ។

គណៈបញ្ជាការឯកភាពក្រុងប៉ោយប៉ែត ដឹកនាំដោយលោកគាតហ៊ុលអភិបាលក្រុងប៉ោយប៉ែត បានប្រាប់អ្នកយកព័ត៌មានឲ្យដឹងថា ម្ចាស់ផ្ទះដែលត្រូវភ្លើងឆេះនោះមានឈ្មោះ ប៉ិក ផាន អាយុ៧៥ឆ្នាំ រស់នៅភូមិកើតហេតុ។

ភ្លើងកំពុងឆេះយ៉ាងសន្ធោសន្ធៅ ស្របពេលនោះមានឡានពន្លត់អគ្គីភ័យ នៃអធិការដ្ឋាននគរបាល​ស្រុកអូរជ្រៅ កំលាំងអាជ្ញាធរមូលដ្ឋាន កម្លាំងនគរបាលពន្លត់អគ្គិភ័យ ក្រុងប៉ោយប៉ែតបាន ចុះជួយ​សង្គ្រោះពន្លត់អគ្គីភ័យនេះ បានបាញ់ទឹកអស់ចំនួន២ឡានទើបបានរលត់អស់ទាំងស្រុង។

មន្ត្រីជំនាញពន្លត់អគ្គីសភ័យបាននិយាយថា ផ្ទះដែលភ្លើងឆេះនេះគឺមកពីទុស្សេខ្សែភ្លើង ចំណែក​ទ្រព្យ​សម្បត្តិវិញ ផ្ទះមួយខ្នង និងទ្រព្យត្តិមាននៅក្នុងផ្ទះម្ចាស់មិនទាន់បញ្ជាក់គិតជាទឹកប្រាក់ប៉ុន្មាននោះទេ៕

អត្ថបទ៖ វ៉ាន់ ណាង