ព័ត៌មានជាតិ

សមាជិកអាវុធហត្ថប្រកាន់ភ្ជាប់នូវការចែករំលែកក្តីស្រឡាញ់ រួមសុខរួមទុក្ខជាមួយគ្នាក្នុងនាមជាអ្នកបំរើរាស្ត្រដោយស្មោះត្រង់

បានផុស

៤ years មុន

នៅ

ថ្ងៃសៅរ៍ ២៣ មេសា ២០២២

ដោយ

ក្លាយជាប្រពៃណីដ៍គួរឱ្យស្ញប់ស្ញែងមួយរបស់សមាជិកអាវុធហត្ថដែលតែងតែប្រកាន់ភ្ជាប់នូវការចែករំលែកក្តីស្រឡាញ់ រួមសុខរួមទុក្ខជាមួយគ្នាក្នុងនាមជាអ្នកបំរើរាស្ត្រដោយស្មោះត្រង់។

ជាក់ស្តែងនៅរសៀលថ្ងៃទី ២២ ខែមេសា ឆ្នាំ២០២២ កម្លាំងវរអន្តរាគមន៍ កងរាជអាវុធហត្ថរាជធានីភ្នំពេញ ដឹកនាំដោយ លោក អនុសេនីយ៍ឯក ប៉ឹង កំរឹត មេបញ្ជាការ វរអន្តរាគមន៍ តំណាងឲ្យ លោក វរសេនីយ៍ឯក សៀ ទីន នាយសេនាធិការ កងរាជអាវុធហត្ថរាជធានីភ្នំពេញ បាននាំយកអំណោយចុះសួរសុខទុក្ខ លោកស្រី អនុសេនីយ៍ទោ សុខ រ៉ានី ដែលបានសម្រាលកូនរួច នៅស្រុកកៀនស្វាយ ខេត្តកណ្តាល។

ក្នុងឱកាសនោះក្រុមការងាររបស់អាវុធហត្ថរាជធានីបាននាំយកអំណោយចែកជូនដល់សមាជិកអាវុធនូវ មី ១កេស ត្រីខ ២យួរ ភេសជ្ជៈខារាប៉ាវ ១កេស ទឹកសុទ្ធ ០២កេស ពូកកូនក្មេង ០១ កាធុនសម្រាប់មុជទឹកកូនក្មេង ០១ កំប៉ុងទឹកដោះកូនក្មេង ០៦ ឈុតអាវ ០៤ ឈុតមួក ០៤ ស្បៃមុជទឹក ០១ និងថវិកាចំនួន ៥០០,០០០រៀល ជាអំណោយសួរសុខទុក្ខ និងទុកជាការចែករំលែក សម្រាលបន្ទុកគ្រួសារបានមួយគ្រាផងដែរ។

សូមបញ្ចាក់ក្រៅពីការងារមនុស្សធម៏ នៃការចែករំលែកក្តីស្រឡាញ់ដល់សមាជិកអាវុធទូទាំងរាជធានីដែលក្លាយជាប្រពៃណីដ៍ល្អប្រពៃទៅហើយនោះលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ តែងតែការជម្រុញដល់កម្លាំងអាវុធហត្ថទាំងអស់ត្រូវតែ ខិតខំបន្តអនុវត្តភារកិច្ច បទបញ្ជាទាំងឡាយដែលថ្នាក់លើបានដាក់ចុះឲ្យបានល្អ ប្រកបដោយវិន័យសណ្ដាប់ធ្នាប់ និងរួមគ្នាពង្រឹងការងារសន្តិសុខសង្គម ទប់ស្កាត់បង្កាបង្ក្រាបបទល្មើស គ្រប់ប្រភេទ ជូនប្រជាពលរដ្ឋឱ្យបានទាន់ពេលវេលាក្នុងនាមជាអ្នកបំរើរាស្ត្រដោយស្មោះត្រង់មិនគិតនើយហត់៕