ព័ត៌មានជាតិ
គម្រោងធំ ៣ ចាយទុនរាប់ពាន់លានដុល្លារ នឹងបញ្ចប់ឆ្នាំ២០២២ នេះ
គម្រោងហេដ្ឋារចនាសម្ព័ន្ធធំចំនួន ៣ ដែលចាយទុនរាប់ពាន់លានដុល្លារ នឹងសម្រេចបញ្ចប់នៅឆ្នាំ២០២២។
ផ្លូវល្បឿនលឿនក្រុងព្រះសីហនុ
ជាគម្រោងដែលចាយទុនវិនិយោគមហាសាលជាង ២ ពាន់លានដុល្លារ ខណៈគម្រោងផ្លូវល្បឿនលឿនដំបូងគេនៅកម្ពុជានឹងបញ្ចប់នៅឆ្នាំ២០២២ នេះ។ គិតមកដល់ពេលនេះ ការស្ថាបនាកំណាត់ផ្លូវថ្មីនេះសម្រេចបានជាង ៩០ ភាគរយ ហើយតាមការឲ្យដឹងរបស់រដ្ឋមន្រ្តីក្រសួងសាធារណការ អាចដាក់ឲ្យបើកបរសាកល្បងអំឡុងខែកញ្ញាឆ្នាំ២០២២។
ផ្លូវក្រវាត់ក្រុងទី ៣
ផ្លូវក្រវាត់ក្រុងទី ៣ ក៏ជាគម្រោងដ៏ធំមួយទៀតរបស់រដ្ឋាភិបាលដែលចាយទុនច្រើនលើការវិនិយោគ។ ផ្លូវក្រវាត់ក្រុងទី ៣ តភ្ជាប់កំណាត់ផ្លូវជាតិសំខាន់ៗជុំវិញរាជធានីភ្នំពេញ។
បើកការដ្ឋានសាងសង់កាលពីខែមករា ឆ្នាំ២០១៩ ផ្លូវក្រវាត់ក្រុងមួយខ្សែនេះ មានប្រវែងសរុបប្រមាណជា ៥២,៩ គីឡូម៉ែត្រ ឆ្លងកាត់ខេត្តកណ្តាលនិងរាជធានីភ្នំពេញដែលចំណាយថវិកាប្រមាណ ២៧៣លានដុល្លារអាមេរិក។ ការស្ថាបនាផ្លូវក្រវាត់ក្រុងទី៣ គ្រោងបញ្ចប់តាមផែនការនៅអំឡុងខែកញ្ញា ឆ្នាំ ២០២២។
ផ្លូវក្រវាត់ក្រុងខ្សែទី៣ គឺជាខ្សែផ្លូវដ៏សំខាន់ជួយកាត់បន្ថយការកកស្ទះ សម្រួលដល់ការធ្វើដំណើរ ចរាចរណ៍ក្នុងរាជធានី។ ការស្ថាបនាផ្លូវនេះ នឹងជួយអភិវឌ្ឍប្រែក្លាយតំបន់នៅសងខាងផ្លូវខ្សែក្រវាត់ក្រុងនេះ ទៅជាតំបន់អភិវឌ្ឍបូរីលំនៅដ្ឋាន តំបន់ភស្តុភារកម្ម និងឧស្សាហកម្មដ៏មានសក្តានុពល។
ព្រលានយន្តហោះតារាសាគរ
ព្រលានយន្តហោះតារាសាគរបានចាប់ផ្តើមការហោះហើរសាកល្បងតាំងពីអំឡុងខែមេសា ក្រោយដំណើរការសាងសង់ជាង ៣ ឆ្នាំ។ ព្រលានយន្តហោះថ្មីនេះមានទីតាំងនៅស្រុកបុទមសាគរខេត្តកោះកុង ដែលប្រើប្រាស់ទុនវិនិយោគជាង ២០០ លានដុល្លារ។
គម្រោងអភិវឌ្ឍព្រលានយន្តហោះថ្មីនេះ ស្របរដ្ឋាភិបាលបានផ្តល់សិទ្ធិដល់ក្រុមហ៊ុនចិន Union Development Group ដែលជាក្រុមហ៊ុនវិនិយោគលើអាកាសយានដ្ឋានអន្តរជាតិនេះ អភិវឌ្ឍរមណីយដ្ឋានទេសចរណ៍បែបធម្មជាតិលើផ្ទៃដីរាប់ពាន់ហិកតានៅក្នុងស្រុកបុទមសាគរ ជាគោលដៅទេសចរណ៍ដ៏ធំបំផុតមួយនៅតំបន់អាស៊ីអាគ្នេយ៍៕
អត្ថបទ៖ ប៊ុណ្ណារ៉ា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ