អាជ្ញាធរខណ្ឌទួលគោក​ចុះកាយសំរាមតាមមាត់លូទាំងយប់ ខណៈភ្លៀងធ្លាក់ខ្លាំងលិចផ្លូវមួយចំនួន

ក្រោយពេលភ្លៀងធ្លាក់យ៉ាងខ្លាំង កាលពីរាត្រីថ្ងៃទី១៧​ ខែឧសភា​ ឆ្នាំ២០២២​ បានធ្វើអោយតំបន់មួយចំនួននៅក្នុងមូលដ្ឋានខណ្ឌទួលគោក​បានទទួលរងការលិចលង់។

ដើម្បីដោះស្រាយការលិចលង់នេះ លោកជា ពិសី អភិបាលខណ្ឌទួលគោក បានដឹកនាំកម្លាំងសណ្តាប់ធ្នាប់​ ភ្នាក់ងារអនាម័យ​ និងកម្លាំងប្រជាការពារសង្កាត់ កំពុងចុះកាយសំរាមនៅតាមមាត់លូ ភ្លាមៗដែរ។

មន្ត្រីរដ្ឋបាលខណ្ឌទួលគោក​បានអោយដឹងថា ថ្ងៃទី១៧​ ខែឧសភា​ ឆ្នាំ២០២២​ នៅក្នុងភូមិសាស្រ្តខណ្ឌទួលគោក​ មានស្ថានភាពភ្លៀងធ្លាក់ខ្លាំងបង្កអោយមានការជន់លិចតាមបណ្តាផ្លូវមួយចំនួន ផ្លូវលេខ២៣០ ផ្លូវលេខ១១២ ផ្លូវលេខ១២៨ ផ្លូវលេខ២១៥(នេរុហ៍) ផ្លូវលេខ១៨២(២១៥-២៤៥)។ ក្រោមការដឹកនាំបញ្ជាពី លោកជា ពិសី អភិបាលខណ្ឌទួលគោក កម្លាំងសណ្តាប់ធ្នាប់​ ភ្នាក់ងារអនាម័យ​ និងកម្លាំងប្រជាការពារសង្កាត់ កំពុងចុះកាយសម្រាមតាមមាត់លូ រហូតទឹកបានស្រកអស់ពីលើផ្លូវ៕

អត្ថបទ៖ ស្រីរ័ត្ន