អាជ្ញាធរ​សៀមរាប​បង្ក្រាប​បទល្មើស​ជលផល​ ១១ ករណី​ នៅខែឧសភា

អាជ្ញាធរខេត្តសៀមរាប បានឱ្យដឹងនៅថ្ងៃទី ២៥ ខែឧសភា ២០២២ នេះថា នៅក្នុងខែឧសភា កម្លាំងសមត្ថកិច្ច​ធ្វើការបង្ក្រាប​បទល្មើសជលផល ក្នុងភូមិសាស្ត្រខេត្ត​សៀមរាប បានចំនួន ១១ ករណីក្នុងនោះ​រឹបអូសឧបករនេសាទខុសច្បាប់បាន ១០ ករណីបំផ្លាញយកទៅបំផ្លាញចោល និង១ ករណី​បញ្ជូនជន​សង្ស័យទៅតុលាការ។

ការប្រកាស​បានធ្វើឡើងក្នុង​កិច្ចប្រជុំត្រួតពិនិត្យពីលទ្ធផលនៃយុទ្ធនា​ការចុះបង្រ្កាប​បទល្មើស​ជលផល និងបទល្មើសព្រៃឈើ ក្នុងភូមិសាស្ត្រខេត្តសៀមរាប ក្រោមកិច្ចដឹកនាំប្រជុំ​របស់លោក ណៅ ធួក រដ្ឋលេខាធិការ នៃក្រសួងកសិកម្ម រុក្ខាប្រមាញ់ និងនេសាទ និងជាអនុប្រធាន​គណៈ​កម្មការអន្តរក្រសួង ដើម្បីទប់ស្កាត់ និងបង្រ្កាបបទល្មើសនេសាទនៅបឹងទន្លេសាប ជាមួយលោក ទៀ សីហា អភិបាលនៃគណៈអភិបាលខេត្តសៀមរាប ព្រមទាំងមន្ត្រីពាក់ព័ន្ធ។

លោក ទៀ សីហា បានបញ្ជាក់ថា គោលនយោបាយយុទ្ធសាស្រ្តរបស់ប្រមុខរាជរដ្ឋាភិបាល កម្ពុជា ​ជា​គន្លឹះ​ជាច្រើនដើម្បីឆ្លើយតប​ និងដោះស្រាយ​បញ្ហាប្រឈមផ្សេងៗ​ ជាពិសេសជំរុញដល់សេដ្ឋកិច្ច​ជាតិ​ឲ្យមានការរីចម្រើន​លើគ្រប់វិស័យ​។

​ក្រៅពីកិច្ចអភិវឌ្ឍន៍ខេត្ត​ ទៀ សីហា ក៏បានលើកបញ្ហាដែលមានលក្ខណៈស្មុគស្មាញមួយចំនួន ដែល​គណៈបញ្ជាការឯកភាពខេត្តសៀមរាបត្រូវបន្តពង្រឹងការដោះស្រាយប្រកបដោយស្មារតីទទួលខុសត្រូវខ្ពស់ម៉ឺងម៉ាត់ ប្រសិទ្ធភាព និរន្តរភាព និងសុខសន្តិភាព ត្រូវបានរដ្ឋបាលខេត្តសៀមរាប កង​កម្លាំង​​​សមត្ថកិច្ច មន្ទីរ-អង្គភាពពាក់ព័ន្ធ និង អាជ្ញាធរមូលដ្ឋាន បានអនុវត្ត និង ចាត់វិធានការ​មួយ​ចំនួនផងដែរ។

បន្ទាប់ពីមានបទបញ្ជាយ៉ាងម៉ឺងម៉ាត់ពីសម្តេចតេជោប្រមុខរាជរដ្ឋាភិបាល ក្នុងការ​បង្ក្រាបទល្មើស​ជលផលនេះ អាជ្ញាធរខេត្តសៀមរាប បានឯកឧត្តមបន្តថា ខេត្តសៀមរាប ក្រៅពីតំបន់ប្រាសាទ នៅមានភ្នំគូលែន និងបឹងទន្លេសាប ដែលយើងត្រូវរួមគ្នា​អភិក្សការពារ​ឲ្យបានល្អប្រសើរ។

ការដាំកូនឈើ ឡើងវិញលើដីព្រៃលិចទឹក បានចំនួន ២០ពាន់ដើម ស្មើ ៣៥ហិកតា និង បង្ក្រាបបទល្មើសព្រៃឈើ មាន ០៤ករណី។

លោក ណៅ ធួក ក៏បានធ្វើការសាទរ និងឯកភាពទៅលើលទ្ធផលនៃរបាយការណ៍លើកឡើង ក្នុង​ការ​អនុវត្តនូវបទបញ្ជារបស់រាជរដ្ឋាបាល​ និងរដ្ឋបាលខេត្តសៀមរាប ​ក្នុងការរៀបចំក្រុមការងារ​នីមួយៗ ដែលត្រូវដឹកនាំដោយអភិបាលរងខេត្តម្នាក់ ដើម្បីពិនិត្យ និងតាមដានបទល្មើស​ព្រៃលិច​ទឹក​នៅតាមបណ្តាក្រុងស្រុកទាំង៦ របស់ខេត្តសៀមរាប ដែលជាប់ដែនបឹងទន្លេសាប បានធ្វើឲ្យ​បទល្មើស​នេសាទមានការថយចុះគួរឲ្យកត់សម្គាល់។

លោក ណៅ ធួកឱ្យដឹងថា ក្នុងការចុះពិនិត្យ​ពីសកម្មភាព​នៅបឹងទន្លេសាទ ក្នុងពេលចុះសួរសុខទុក្ខកងកម្លាំងចម្រុះ ដែលបានកំពុងឈរជើងនៅ តំបន់កំពង់ភ្លុក ស្រុកប្រាសាទបាគង ព្រមទាំងបានធ្វើការពិនិត្យនូវរាល់ឧបករណ៍​នេសាទរបស់​ប្រជានេសាទ ទៀតផង។

លោកបានបញ្ជាក់ក្នុងកិច្ចប្រជុំ ដោយបានលើកឡើងថា រាល់ឧបករណ៍នេសាទដែលខុសច្បាប់ ក្រុមការងារត្រូវធ្វើការដក​ហូត ឬកំទេចចោល តែចំពោះការប្រើប្រាស់ឧបករណ៍​នេសាទស្រប​តាមការកំណត់របស់រដ្ឋបាល ជលផល តែលើស​ពីការកំណត់ប្រវែង ក៏ត្រូវធ្វើការដកហូតផងដែរ។

ម៉្យាងទៀរដូបបិទនេសាទនឹងចូលមកដល់នៅខែខាងមុខ ដែលត្រូវកម្លាំងចម្រុះនិងមន្ត្រីជំនាញ និង អាជ្ញាធរមូលដ្ឋានបង្កើន​ការយកចិត្តទុកដាក់ផងដែរ។

លោក ណៅ ធួក បញ្ជាក់ថា រាល់ដីដែលតំបន់លិចទឹកដែលរដ្ឋបានអនុញ្ញាត និងធ្វើការឆ្វៀលឲ្យ​ហើយនោះ គួរបងប្អូនប្រជាកសិករធ្វើការកែប្រែពីការធ្វើស្រែប្រាំង មកធ្វើការដាំដុះដើមឬសី្ស ដែលផ្តល់នូវចំណូលខ្ពស់ជាងការធ្វើស្រែប្រាំង មិនចំណាយទុនច្រើន និងបានផ្តល់នូវជម្រក​ត្រីពង​កូន ព្រមទាំងកាត់បន្ថយការប៉ះពាល់បរិស្ថានបឹងទន្លេសាប ដោយការប្រើប្រាស់ថ្មាំគីមី៕

​អត្ថបទ៖ គឿនវេត