ព័ត៌មានជាតិ
ផ្លូវក្រាលកៅស៊ូប្រវែងជាង ៤ ០០០ ម៉ែត្រ កាត់ ៤ សង្កាត់ បានបើកការដ្ឋានជួសជុល
ផ្លូវចំនួន ២ ខ្សែដែលមានប្រវែងសរុប ៤,១៦០ម៉ែត្រ ឆ្លងកាត់ ៤ សង្កាត់ក្នុងក្រុងបាត់ដំបង បានបើកការដ្ឋានជួសជុលដើម្បីសម្រួលការធ្វើដំណើរ និងដឹកផលិតផលកសិកម្មនានាចូលក្នុងទីផ្សារឲ្យបានទាន់ពេល។
ការដ្ឋានជួសជុលផ្លូវទាំង២ខ្សែ បានធ្វើឡើងនៅព្រឹកថ្ងៃទី១ ខែមិថុនា ឆ្នាំ២០២២ ក្រោមវត្តមានលោក សុខ លូ អភិបា លនៃគណៈអភិបាលខេត្តបាត់ដំបង ដោយឆ្លងកាត់សង្កាត់ចំនួន ០៤ គឺ សង្កាត់ស្វាយប៉ោ សង្កាត់ចំការសំរោង សង្កាត់ស្លាកែត និង សង្កាត់ក្ដុលដូនទាវ ក្រុងបាត់ដំបង ខេត្តបាត់ដំបង។
លោក សុខ លូ អភិបាលខេត្តបាត់ដំបងបានថ្លែងចំពោះមុខពលរដ្ឋថា អាជ្ញាធរខេត្តតែងតែគិតគូរលើការអភិវឌ្ឍហេដ្ឋារចនាសម្ព័ន្ធជាបន្តបន្ទាប់ ដើម្បីលើកកម្ពស់ដល់ការអភិវឌ្ឍជីវភាពរស់នៅរបស់ប្រជាពលរដ្ឋក្នុងមូលដ្ឋាន។
លោក សឿម ប៊ុនរិទ្ធ អភិបាលរងខេត្តបាត់ដំបង ក៏ធ្លាប់បានលើកឡើងចំពោះមុខអ្នកសារពត៌មានពាក់ព័ន្ធផ្លូវមួយចំនួនក្នុងក្រុងបាត់ដំបង ដែលរងការខូចខាតមិនទាន់បានជួសជុលហើយអ្នកសារពត៌មានតែងតែចុះផ្សាយ។
លោក សឿម ប៊ុនរិទ្ធ បានបញ្ជាក់ថា រាល់ផ្លូវក្នុងក្រុងដែលរងការខូចខាត ស្ថិតនៅក្នុងគម្រោងជួសជុលរបស់រដ្ឋបាលខេត្តគ្រាន់តែមុននិងក្រោយគ្នាប៉ុណ្ណ្ណោះ ដោយមិនអាចធ្វើការជួសជុលម្តងសរុបទាំងអស់នោះទេ។
ការបើកការដ្ឋានជួសជុលផ្លូវទាំង ២ខ្សែ ស្ថិតក្នុងសង្កាត់ទាំង៤ខាងលើ លោក សេក សារុំ ក្នុងចំណោមពលរដ្ឋជាច្រើនរស់នៅ ក្នុងសង្កាត់ស្លាកែតបានសម្តែងការសប្បាយចិត្តនិងគាំទ្រជានិច្ចងរាល់សកម្មភាពស្ថាបនាហេដ្ឋារចនាសម្ព័ន្ធក្នុងមូលដ្ឋាន ពិសេសផ្លូវចំនួន២ខ្សែនេះគឺចាំបាច់បំផុតក្នុងការធ្វើដំណើរច្រើនបំផុតពីប្រជាពលរដ្ឋទាំង ៤ សង្កាត់ លើការសម្រួលការដឹកជញ្ជូនផលិតផលកសិកម្មនានាចូលក្នុងទីផ្សារបានទាន់ពេល។
ពាក់ព័ន្ធការជួសជុលផ្លូវក្នុងក្រុងបាត់ដំបង ដែលបានរងផលប៉ះពាល់ពីជំនន់ទឹកភ្លៀងពីឆ្នាំកន្លងទៅ នៅមិនទាន់ដឹងថាតើមានផ្លូវនៅសេសសល់ប៉ុន្មានខ្សែទៀតដែលត្រូវបន្តជួសជុលបញ្ចប់ឲ្យបានមុនរដូវវស្សា ដែលកៀកមកដល់ក្នុងពេលឆាប់ខាងមុខនេះ។ កម្ពុជាថ្មីបានសាកសួរទៅលោក សុខ លូ អភិបាលខេត្តតាមប្រពន្ធតេលេក្រាម លោកបានចូលមើលតែគ្មានចម្លើយនៅឡើយរហូតដល់ពេលនេះ។ ចំណែកលោកផេង សិទ្ធី អភិបាលក្រុងក៏មិនបានឆ្លើយតបផងដែរ៕
អត្ថបទ៖ សៅ សារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?