Connect with us

ព័ត៌មានជាតិ

សម្ដេចតេជោ ហ៊ុន សែន ជួបពិភាក្សាការងារជាមួយប្រធានអង្គការអ្នកប្រជាធិបតេយ្យនិយមកណ្តាលអន្តរជាតិ (CDI)

បានផុស

នៅ

នៅវិមានសន្តិភាព នាព្រឹកថ្ងៃទី៤ ខែមិថុនា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយប្រតិភូ អង្គការអ្នកប្រជាធិបតេយ្យនិយមកណ្តាលអន្តរជាតិ (Christian Democrat International) ដឹកនាំដោយឯកឧត្តម Andres Pastrana។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបនេះ ឯកឧត្តម Andres Pastrana និងក្រុមប្រតិភូសូមគោរពសំដែងនូវការរំលែកទុក្ខដ៏ក្រៀមក្រំចំពោះសម្តេចតេជោនាយករដ្ឋមន្ត្រី ដែលបានបាត់បង់បងប្រុសជាទីស្រលាញ់ គឺសម្ដេចទេពញ្ញាណ ហ៊ុន ណេង ដែលបានទទួល មរណភាពកាលពីពេលថ្មីៗកន្លងទៅនេះ។ ឯកឧត្តមក៏បានគោរពជម្រាបជូនសម្ដេចតេជោថា ឯកឧត្តមពិតជាមានកិត្តិយសណាស់ដែលបានអញ្ជើញមកធ្វើជាអ្នកសង្កេតការណ៍ការបោះឆ្នោតក្រុមប្រឹក្សាឃុំសង្កាត់ឆ្នាំ២០២២ នៅកម្ពុជានាពេលនេះ។

ឯកឧត្តមបានបន្ថែមថា នេះជាលើកទី៣ ហើយ ដែលឯកឧត្តមបានមកសង្កេតការណ៍បោះឆ្នោតនៅប្រទេសកម្ពុជា ដែលលើកទី១ គឺនៅក្នុងឆ្នាំ ២០១៧ លើកទី២ ឆ្នាំ២០១៨ និងលើកទី៣ គឺនៅឆ្នាំ២០២២នេះ។

ឯកឧត្តមបានជូនពរអោយដំណើរការបោះឆ្នោត ឃុំ សង្កាត់ នៅថ្ងៃស្អែកនេះ បានដំណើរការដោយរលូន និងប្រកបដោយភាពជោគជ័យ។

ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណដល់ឯកឧត្តម Andres Pastrana និងគណៈប្រតិភូទាំងអស់របស់ CDI ចំពោះការចូលរួមរំលែកទុក្ខដល់សម្ដេច ដែលបានបាត់បង់បងប្រុសរបស់សម្ដេចកាលពីពេលថ្មីៗនេះ។ សម្តេចតេជោក៏បានអរគុណចំពោះឯកឧត្តមប្រធានប្រតិភូ ដែលបានសម្ដែងនូវការអបអរសាទរចំពោះការចាត់វិធានការរបស់កម្ពុជាក្នុងការប្រយុទ្ធប្រឆាំងជំងឺកូវីដ-១៩ បានយកជោគជ័យរបស់ប្រទេសកម្ពុជាស្របតាមយុទ្ធសាស្ត្រផ្ការីកដែលសម្ដេចបានដាក់ចេញ។

សម្ដេចតេជោបានមានប្រសាសន៍ទៀតថា តាមរយៈវិធានធានការប្រយុទ្ធប្រឆាំងកូវីដ-១៩បានជោគជ័យនេះហើយ ទើបធ្វើអោយកម្ពុជាអាចរៀបចំដំណើរការបោះឆ្នោត ឃុំ សង្កាត់ បាននាពេលនេះ។ សម្ដេចតេជោបានមានប្រសាសន៍ទៀតថា​ រហូតមកដល់ថ្ងៃនេះ រយៈពេលជាង ២០ថ្ងៃហើយ ដែលកម្ពុជាមិនមានការឆ្លងជំងឺកូវីដ-១៩ឆ្លងថ្មីនោះទេ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៦ នាទី មុន

Shawn Mendes ផ្អាកការប្រគុំតន្ត្រី ព្រោះយកពេលទៅព្យាបាលផ្លូវចិត្ត

ជីវិតកម្សាន្ដ១ ម៉ោង មុន

Blinks កាន់តែអន្ទះសារ ក្រោយ Blackpink ប្រកាសថ្ងៃទម្លាក់អាល់ប៊ុមថ្មី

ព័ត៌មានជាតិ៤ ម៉ោង មុន

តាមបណ្ដឹងរបស់ គ.ជ.ប! តំណាងអយ្យការសម្រេចចោទប្រកាន់លោក សុន ឆ័យ​ ពីបទ «បរិហារកេរ្តិ៍ជាសាធា​រ​ណៈ»

ព័ត៌មានជាតិ៤ ម៉ោង មុន

មន្រ្តីជាន់ខ្ពស់ក្រសួងបរិស្ថាន អំពាវនាវដល់អ្នកពាក់ព័ន្ធគាំពារបរិស្ថាន និងអភិរក្សធនធានធម្មជាតិ

ព័ត៌មានជាតិ៤ ម៉ោង មុន

លោក សុន ឆ័យ ត្រូវបានតំណាងអយ្យការ សម្រេចចោទប្រកាន់ពីបទ «បរិហារកេរ្តិ៍ជាសាធារណៈ» តាមបណ្តឹងរបស់គណបក្សប្រជាជនកម្ពុជា

Sokha Hotels

ព័ត៌មានពេញនិយម