Connect with us

ព័ត៌មានជាតិ

សម្ដេច​តេ​ជោ ហ៊ុន សែន អំពាវនាវ​ឱ្យ​អាជ្ញាធរ​រៀបចំ​ទីតាំង និង​បង្កើត​ក្រុម​ចុះ​ចាក់​វ៉ាក់សាំង​ដល់​ភូមិ ដល់ផ្ទះ​របស់​ពលរដ្ឋ

បានផុស

នៅ

សម្ដេច​តេ​ជោ ហ៊ុន សែន នៅ​រសៀល​នេះ បាន​អំពាវនាវ​ឱ្យ​អាជ្ញាធរ​ដែនដី​រៀបចំ​កន្លែង​ចាក់​វ៉ាក់សាំង និង​បង្កើត​ក្រុម​ចុះ​ចាក់​វ៉ាក់សាំង​នៅតាម​ភូមិ តាម​លំនៅឋាន របស់​ប្រជាពលរដ្ឋ ដែល​មិនទាន់បាន​ចាក់​វ៉ាក់សាំង នឹង​ស្នើ​ឲ្យ​គណៈកម្មការ​ចំពោះ​កិច្ច​ចាក់​វ៉ាក់សាំង​ពិនិត្យ ថា​តើ​អ្នក​ដែល​មិនទាន់​ចាក់​វ៉ាក់សាំង​ដូ​ស​ទី​៣​ស្ថិតនៅ​តំបន់​ណា​ច្រើនជាងគេ ដើម្បី​ងាយស្រួល​រៀបចំ​ផែនការ​សម្រាប់​ពង្រាយ​ក្រុមគ្រូពេទ្យ​ទៅកាន់​ទីតាំង​នោះ​។

​ការបញ្ជាក់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា តាមរយៈ​សារ​ជា​សំឡេង ដែល​ត្រូវបាន​ផ្សព្វផ្សាយ​នា​រសៀល​ថ្ងៃទី​២៧ ខែមិថុនា ឆ្នាំ​២០២២​នេះ​។ សម្តេច​ថា កូ​វីដ​១៩ ថ្វីបើ​មិនឃើញ​មាន​ឆ្លង​នៅ​កម្ពុជា​ពិតមែន ប៉ុន្តែ​កូ​វីដ​១៩ នៅ​មិនទាន់​ទៅណា​ឆ្ងាយ​ពី​យើង​នៅឡើយ​ទេ “​ខ្ញុំ​សូម​អំពាវនាវ​ដល់​ទទូ​ច​ដល់​ប្រជាពលរដ្ឋ​ទាំងអស់ ទាំងចាស់ ទាំង​ក្មេង ទាំងប្រុស ទាំងស្រី គ្រប់​ជាតិ​សាសន៍ សាសនា និង​គ្រប់​និន្នាការ​នយោបាយ ចូលរួម​ទទួលយក​វ៉ាក់សាំង​ដូ​ស​ទី​៣ ដើម្បី​ធានាបាន​នូវ​ភាព​សាំ​សហគមន៍​។ ជាមួយគ្នា​នោះ បងប្អូន​ដែល​ទទួលបាន​ដូ​ស​ទី​៣​រួចហើយ សូម​អញ្ជើញ​ទៅ​ទទួល​ដូ​ស​ទី​៤ ហើយ​មន្ត្រី​ជួរមុខ​ដែល​ត្រូវ​ទទួល​ដូ​ស​ទី​៥ ក៏​ត្រូវតែ​រួសរាន់​ទៅ​ទទួល​ដូ​ស​ទី​៥​ផងដែរ​”​។

សម្ដេច​លើកឡើង​ទៀតថា បើទោះបីជា​កូ​វីដ​១៩ មិន​កើតឡើង​ក៏ដោយ ប៉ុន្តែ​ជំងឺ​ជាច្រើន​ប្រភេទ​បាន​លេចឡើង​ក្នុងពេល​តែមួយ ដូច្នេះ​ជម្រើស​ដែល​ល្អ គឺ​ការចាក់​វ៉ាក់សាំង​ទុកជាមុន​។​ជាមួយគ្នា​នោះ​សម្ដេចនាយក​រដ្ឋមន្ត្រី​បាន​អំពាវនាវ​ស្ថាប័ន​ពាក់ព័ន្ធ ត្រូវ​សិក្សា​ដែរ​ថា តើ​អ្នក​មិនទាន់​ចាក់​ដូ​ស​ទី​៣ ស្ថិតនៅលើ​ប្រជាពលរដ្ឋ​ប្រភេទ​ណា ជា​កម្មករ ជា​កសិករ​ជាដើម​៕

ដោយ ៖ កោះ​កែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម