ព័ត៌មានជាតិ
សម្ដេចតេជោ៖ កម្ពុជាឯកភាពដើម្បីកិច្ចសហប្រតិបត្តិការដោះស្រាយបញ្ហា មិនមែនប្រឈមមុខ
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា ក្នុងនាមជាប្រធានអាស៊ាន ឆ្នាំនេះ កម្ពុជាបានកំណត់មូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» សំដៅឆ្លើយតបបញ្ហាប្រឈមទាំងអស់ ដែលទាមទារឱ្យកៀរគកិច្ចខិតខំប្រឹងប្រែងរួមគ្នាដោះស្រាយបញ្ហា។
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍នៅក្នុងពិធីបើកកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នៅថ្ងៃទី ៣ ខែសីហានេះថា កម្ពុជាបង្ហាញជំហរក្នុងការឯកភាពដើម្បីកិច្ចសហប្រតិបត្តិការ មិនមែនឯកភាពដើម្បីប្រឈមមុខដាក់គ្នានោះទេ។ ហើយថា នៅក្នុងដំណើរការ នៃការរីកចម្រើន និងអភិវឌ្ឍនៃតំបន់អាស៊ាន បញ្ហាប្រឈមផ្សេងៗបានកើតមានឡើងជាបន្តបន្ទាប់ ដោយរាប់ចាប់ពីភូមិសាស្ត្រនយោបាយ រហូតដល់បញ្ហាសង្គមសេដ្ឋកិច្ច។
សម្ដេចតេជោ ហ៊ុន សែន មានប្រសាសន៍ថា ក្នុងការធ្វើជាប្រធានអាស៊ានប្ដូរវេនប្រចាំឆ្នាំ យើងតែងតែប្រឈមបញ្ហាមួយចំនួនទាមទារឱ្យមាននូវការដោះស្រាយ ប៉ុន្តែយើងមិនដែលធ្លាប់បានប្រឈមនឹងគ្រោះថ្នាក់ជាច្រើនក្នុងពេលតែមួយដែលបានបង្កការគំរាមកំហែងដែលធ្ងន់ធ្ងរមកលើតំបន់ និងពិភពលោកទាំងមូលដូចពេលនេះឡើយ។
សម្ដេចតេជោ សំដៅដល់ផលប៉ះពាល់ធ្ងន់ធ្ងរពីជំងឺកូវីដ១៩ ដែលទាមទារឱ្យមានកិច្ចខិតខំប្រឹងប្រែង ដើម្បីស្ដារ និងងើបចេញពីវិបត្តិ ស្របពេលនៃការប្រកួតប្រជែងរបស់មហាអំណាច ក៏កំពុងដាក់សម្ពាធកាន់តែខ្លាំងមកលើប្រទេសរបស់យើងតាមរយៈឥទ្ធិពលនៃការកាត់ផ្ដាច់ចេញពីគ្នារវាងផ្នែកសេដ្ឋកិច្ច និងបច្ចេកវិទ្យា ការកើនឡើងនៃចំនួនសម្ព័ន្ធភាពតូចៗ ការរត់ប្រណាំងប្រជែងផ្នែកសព្វាវុធ និងការដាក់ទណ្ឌកម្មសេដ្ឋកិច្ច។
វិបត្តិនយោបាយ និងសន្តិសុខ បូករួមនិងវិបត្តិសេដ្ឋកិច្ច និងមនុស្សធម៌ ដែលទើបកើតមានឡើងនៅមីយ៉ាន់ម៉ា ដែលជាសមាជិកក៏បានបង្កបញ្ហាប្រឈម នៃមជ្ឈភាព និងឯកភាពរបស់អាស៊ាន ព្រមទាំងបង្កឱ្យមានការរង្គោះរង្គើដល់ស្ថិរភាពតំបន់ផងដែរ។
សម្ដេចតេជោ ហ៊ុន សែនបន្តថា នៅក្រៅតំបន់អាស៊ាន សង្គ្រាមនៅអ៊ុយក្រែនក៏កំពុងបង្កឱ្យមានភាពស្មុគស្មាញដល់ទំនាក់ទំនងនៅអឺរ៉ុប និងតំបន់អាស៊ានផងដែរ៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ