ព័ត៌មានជាតិ
អាស៊ានព្រួយបារម្ភចំពោះការប្រែប្រួលអន្តរជាតិ ដែលអាចធ្វើឱ្យតំបន់មានអស្ថិរភាព
ក្រសួងការបរទេស និងសហប្រតិបត្តិការអន្តរជាតិកម្ពុជា នៅថ្ងៃនេះ បានឱ្យដឹងថា អាស៊ានមានការព្រួយបារម្ភចំពោះការប្រែប្រួលអន្តរជាតិ និងក្នុងតំបន់ ជាពិសេសក្នុងការអភិវឌ្ឍន៍នាពេលថ្មីៗនេះ ក្នុងតំបន់ជាប់នឹងតំបន់អាស៊ាន ដែលអាចធ្វើឲ្យតំបន់មានអស្ថិរភាព។
តាមរយៈលទ្ធផលនៃ កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ នៅថ្ងៃទី ៣ ខែសីហា ឆ្នាំ ២០២២ រដ្ឋមន្ត្រីការបរទេសអាស៊ាន បានសម្រេចចេញសេចក្តីថ្លែងការណ៍ ផ្សាយនៅព្រឹកនេះ លើការអភិវឌ្ឍន៍ឆ្លងកាត់ច្រកសមុទ្រ ដោយបង្ហាញថា អាស៊ានមានការព្រួយបារម្ភចំពោះភាពផុយស្រួយនៃស្ថានភាពតំបន់ និងអន្តរជាតិ ជាពិសេសក្នុងការវិវឌ្ឍន៍នាពេលថ្មីៗនេះ ក្នុងតំបន់ក្បែរអាស៊ាន ដែលអាចធ្វើឲ្យតំបន់មានអស្ថិរភាព និងអាចនាំឱ្យមានការគណនាខុស ការប្រឈមមុខដាក់គ្នាយ៉ាងធ្ងន់ធ្ងរ ជម្លោះបើកចំហ និងផលវិបាកដែលមិនអាចទាយទុកជាមុនបានក្នុងចំណោមមហាអំណាចធំៗ។
អាស៊ានអំពាវនាវឱ្យមានការអត់ធ្មត់ជាអតិបរមា ចៀសវាងសកម្មភាពបង្កហេតុ និងរក្សាគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC)។ អាស៊ានសូមរំលឹកឡើងវិញនូវការគាំទ្ររបស់រដ្ឋសមាជិកអាស៊ានចំពោះគោលនយោបាយចិនតែមួយរៀងៗខ្លួន។
ពិភពលោកកំពុងត្រូវការភាពឈ្លាសវៃ និងទំនួលខុសត្រូវយ៉ាងខ្លាំងរបស់មេដឹកនាំទាំងអស់ ដើម្បីលើកកម្ពស់ពហុភាគីនិយម និងភាពជាដៃគូ កិច្ចសហប្រតិបត្តិការ ការរួមរស់ដោយសន្តិភាព និងការប្រកួតប្រជែងត្រឹមត្រូវ សម្រាប់គោលដៅរួមនៃសន្តិភាព ស្ថិរភាព សន្តិសុខ និងការអភិវឌ្ឍប្រកបដោយបរិយាប័ន្ន និងនិរន្តរភាព។
អាស៊ានគួរតែធ្វើសកម្មភាពរួមគ្នា ហើយអាស៊ានត្រៀមខ្លួនដើម្បីដើរតួនាទីស្ថាបនាក្នុងការសម្របសម្រួលកិច្ចសន្ទនាដោយសន្តិវិធីរវាងភាគីទាំងអស់ រួមទាំងតាមរយៈការប្រើប្រាស់យន្តការដឹកនាំដោយអាស៊ាន ដើម្បីកាត់បន្ថយភាពតានតឹង ដើម្បីការពារសន្តិភាព សន្តិសុខ និងការអភិវឌ្ឍនៅក្នុងតំបន់អាស៊ាន។
គួរបញ្ជាក់ថា ក្នុងនាមជាប្រធានអាស៊ាន ឆ្នាំ២០២២ កម្ពុជាបាន និងកំពុងធ្វើជាម្ចាស់ផ្ទះរៀបចំកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ចាប់ពីថ្ងៃទី២៩ ខែកក្កដា ដល់ថ្ងៃទី០៥ ខែសីហា ឆ្នាំ២០២២ នៅរាជធានីភ្នំពេញ តាមទម្រង់ដោយផ្ទាល់៕
អត្ថបទ៖ ច័ន្ទ វីរៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង