Connect with us

ព័ត៌មានជាតិ

ប្រជាពលរដ្ឋមិនពេញចិត្ត និងស្នើបង្ហាញទិន្នន័យច្បាស់លាស់ ជុំវិញការឈូសឆាយភ្នំតាម៉ៅ

បានផុស

នៅ

​ប្រជាជនមានការមិនពេញចិត្តយ៉ាងខ្លាំងចំពោះការប្រគល់ដីរដ្ឋតំបន់ភ្នំតាម៉ៅរបស់ រដ្ឋបាលព្រៃឈើ នៃក្រសួងកសិកម្ម ទៅឱ្យក្រុមហ៊ុនឯកជនចំនួនពីរឈូសឆាយ ព្រមទាំងស្នើឱ្យអាជ្ញាធរបញ្ចេញនូវរបាយការណ៍វាយតម្លៃ ប៉ះពាល់បរិស្ថាន (EIA) ជាសាធារណៈ។ ប្រតិកម្មនេះបានកើតឡើង ក្រោយពីមានព័ត៌មានឈូសឆាយដីព្រៃតំបន់ភ្នំតាម៉ៅរបស់ក្រុមហ៊ុនឯកជន ក្រោមហេតុផលដី មិនមានព្រៃឈើប្រណិត ដីមិនមានជីវជាតិ មិនមានប្រភេទសត្វព្រៃកម្រ ហើយមានជ្រូកព្រៃរំខានប្រជាកសិករ។

កញ្ញា សី ចរិយា ជានិស្សិតឆ្នាំទី៤ ជំនាញទំនាក់ទំនងអន្តរជាតិ នៅសាកលវិទ្យាល័យកម្ពុជា បានប្រាប់ “កម្ពុជាថ្មី” ថា កញ្ញាមានការខកចិត្ត និងសោកស្តាយចំពោះការអភិវឌ្ឍនេះយ៉ាងខ្លាំង ចំពោះការផ្លាស់ប្តូរដីរដ្ឋឱ្យក្រុមហ៊ុនឯកជនកាន់កាប់ និងឈូសឆាយ ក្រោមហេតុផលថា ប៉ះពាល់ដល់បរិស្ថាន ដែលទាំងនេះធ្វើឱ្យមានផលប៉ះពាល់យ៉ាងខ្លាំងដល់ព្រៃឈើ និងជីវិតសត្វព្រៃនៅទីនោះ។ មិនតែប៉ុណ្ណោះកញ្ញាបានសំណូមពរដល់ស្ថាប័នពាក់ព័ន្ធ ចេញនូវរបាយការណ៍វាយតម្លៃហេតុផលប៉ះពាល់បរិស្ថាន (EIA) ដល់ប្រជាពលរដ្ឋឱ្យបានដឹងពីមូលហេតុច្បាស់លាស់ជាងនេះ បន្ទាប់ពីក្រសួង គ្រាន់តែចេញនូវសេចក្តីប្រកាសតែបន្តិចប៉ុណ្ណោះ ពីមូលហេតុឈូសឆាយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សី ចរិយា បាននិយាយថា៖ “ក្រោយពីដីតំបន់នោះត្រូវបានក្រុមហ៊ុនឯកជនកាន់កាប់ អ៊ីចឹងចង់ ឬមិនចង់ក៏គេត្រូវអភិវឌ្ឍលើផ្ទះវីឡា ឬអាគារសាងសង់ផ្សេងៗ។ ទោះបីជួយឱ្យប្រជាជននៅជិតនោះមានការងារ តែគេត្រូវការអ្នកមានបច្ចេកទេសខាងសំណង់ដូចគ្នា។ បើឱ្យប្រជាជនមិនធ្លាប់ធ្វើសំណង់សោះ ទៅធ្វើម៉េចកើត? អ៊ីចឹងហើយវាខុសពីអ្វីដែលគាត់ធ្លាប់ធ្វើពីមុនដូចជា ដាំដំណាំ និង រុករកឧស ឬវល្លិ៍ក្នុងព្រៃជាដើម។ ចុងក្រោយប្រជាជនជាអ្នក រងគ្រោះ”។

ទន្ទឹមនោះកញ្ញា សី ចរិយា បានអំពាវនាវដល់យុវជនឱ្យមានការអើពើចំពោះបញ្ហានេះ​ឱ្យកាន់តែខ្លាំង ដូចជាការចូលរួមធ្វើយុទ្ធនាការការពារភ្នំតាម៉ៅនៅលើគេហទំព័រហ្វេសបុកជាដើម ដើម្បីឱ្យមានការដឹងឮដល់អាជ្ញាធរពាក់ព័ន្ធ ដើម្បីដោះស្រាយបញ្ហានេះ។

ចំណែកកញ្ញា ហម សំរ៉ុង ទើបតែបញ្ចប់ការសិក្សានៅសាកលវិទ្យាល័យភូមិន្ទភ្នំពេញ មានស្រុកកំណើតនៅ ខេត្តតាកែវបានប្រាប់ “កម្ពុជាថ្មី” ថា កញ្ញាមានការសោកស្តាយយ៉ាងខ្លាំងចំពោះដំណឹងនៃការឈូសឆាយភ្នំតាម៉ៅនេះ ព្រោះទីនោះផ្តល់ជម្រកដល់សត្វព្រៃជាច្រើន មិនតែប៉ុណ្ណោះក៏ជួយដល់ប្រជាពលរដ្ឋនៅតំបន់នោះក្នុងវិស័យទេសចរណ៍ផងដែរ។ កញ្ញា ហម សំរ៉ុង បានសំណូមពរឱ្ររដ្ឋាភិបាលស្ថាប័នពាក់ព័ន្ធចេញនូវទិន្នន័យមួយដែលមានភាពច្បាស់លាស់ជាង សេចក្តីប្រកាសរបស់ក្រសួងថ្មីៗនេះ ដើម្បីឱ្យពលរដ្ឋបានដឹងនិងវិនិច្ឆ័យលើបញ្ហានេះ។

ចំណែកគណនីយរបស់អ្នកសិល្បះខ្មែរឈ្មោះ អាចារ្យធំ នគររាជ ត្រូវបានមហាជនស្គាល់ថា ជាអ្នកអភិរក្សវប្បវធម៌ខ្មែរដែលនោះ បានបង្ហោះលើគេហទំព័រផេករបស់ខ្លួនសំណូមពរដល់ ក្រុមហ៊ុនដែលឈូសឆាយភ្នំតាម៉ៅឱ្យបញ្ឈប់ទង្វើរបស់ខ្លួន ព្រមទាំងគិតគូរដល់ប្រជាពលរដ្ឋខ្មែររាប់លាននាក់។

ទាក់ទងនឹងចម្ងល់របស់សាធារណជន រដ្ឋបាលព្រៃឈើ នៃក្រសួងកសិកម្ម បានចេញសេចក្តីប្រកាសព័ត៌មានស្តីពីស្ថានភាពព្រៃឈើនៅតំបន់ឧទ្យានសួនសត្វ និងមជ្ឈមណ្ឌលសង្រ្គោះសត្វព្រៃភ្នំតាម៉ៅ ដោយបានបង្ហាញថា មិនមានការលក់ដូរដីតំបន់ភ្នំតាម៉ៅទេ គឺជាការដោះដូរអភិវឌ្ឍបន្ថែម ដោយសារដីតំបន់នោះមិនមានព្រៃឈើប្រណិត ដីមិនមានជីវជាតិ មិនមានប្រភេទសត្វព្រៃកម្រ ហើយមានជ្រូកព្រៃរំខានប្រជាកសិករ។

គួរបញ្ជាក់ថា ភ្នំតាម៉ៅជារមណីយដ្ឋាន និងជាតំបន់ទេសចរណ៍មួយដែលមានសួនសត្វធម្មជាតិធំជាងគេក្នុងប្រទេសកម្ពុជា គិតជាផ្ទៃដីមានទំហំ ១ ២០០ ហិកតា ព្រមទាំងជាដែនជម្រកសត្វព្រៃដ៏កម្រនៅក្នុងប្រទេសកម្ពុជាដូចគ្នា។ ក្នុងចំណោមផ្ទៃដី ១ ២០០ ហិកតានេះ ត្រូវបាននាយកដ្ឋានរុក្ខាប្រមាញ់រៀបចំដាំដើមឈើ និងរៀបចំសួនសត្វធម្មជាតិក្នុងផ្ទៃដី ៧០ ហិកតា៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម