Connect with us

ព័ត៌មានជាតិ

ប្រេសិតពិសេសរបស់ប្រធានអាស៊ាន ៖ “កង្វះទំនុកចិត្ត និងឆន្ទៈនយោបាយ” រំខានដល់ផែនការសន្តិភាព​មីយ៉ាន់ម៉ា

បានផុស

នៅ

លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា និងជាប្រេសិតពិសេសរបស់ប្រធានអាស៊ាន ស្តីពី មីយ៉ាន់ម៉ា បានលើកឡើងថា “កង្វះការជឿទុកចិត្ត និងឆន្ទៈនយោបាយ” កំពុងរារាំងដំណើរការសន្តិភាពរបស់ មីយ៉ាន់ម៉ា ហើយ​អាស៊ាន​នឹងនៅតែ​បន្តផាត់ឧត្តមសេនីយ៍ ​ដែល​គ្រប់​គ្រង​ប្រទេសរហូតទាល់តែពួកគេ ចូលរួមជាមួយគូបក្ខដិបក្ខរបស់ពួកគេ និងមានការវិវត្តទៅមុខយ៉ាងពិតប្រាកដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក ប្រាក់ សុខុន ខាងលើនេះ បានធ្វើឡើងក្នុងសន្និសីទសារព័ត៌មានជម្រាបជូនពីលទ្ធផល នៃកិច្ចប្រជុំរដ្ឋ មន្រ្ដីការបរទេសអាស៊ានលើកទី ៥៥ និងកិច្ចប្រជុំពាក់ព័ន្ធ នៅទីស្ដីក្រសួងការបរទេសកម្ពុជា កាលពីថ្ងៃទី ៦ ខែសីហា ឆ្នាំ ២០២២កន្លងទៅនេះ។

សារព័ត៌មាន Mgronline ចេញផ្សាយនៅថ្ងៃទី ៧ ខែសីហាថា លោក ប្រាក់ សុខុន ​រដ្ឋមន្ត្រីការបរទេស​កម្ពុជា និង​ជា​ប្រធានកិច្ចប្រជុំ​រដ្ឋ​មន្ត្រី​ការ​បរទេសអាស៊ាន បានលើកឡើងបន្តថា លោកនឹងមិនចុះចាញ់ចំពោះបញ្ហាមីយ៉ាន់ម៉ានោះទេ បើទោះ​បី​ជា​លោក​មើល​មិន​ឃើញ ពីការតាំងចិត្ត​ពី​ភាគី​ណា​មួយក្នុង​ការ​បោះបង់​ការប្រយុទ្ធក៏ដោយ។

លោកឧបនាយករដ្ឋមន្ត្រី ប្រាក់ សុខុន បានបន្ថែមទៀតថា ការ​ប្រហារ​ជីវិត​សកម្មជន​ ៤​នាក់ ពីសំណាក់រដ្ឋាភិបាលយោធា​មីយ៉ាន់ម៉ា គឺ​ជា​បញ្ហាដ៏​ធំ​មួយ​ដែល​បាន​បំផ្លាញក្តី​សង្ឃឹម ​នៃ​ការ​កសាង​សន្តិភាព ហើយអាស៊ានបានព្រមព្រៀង​ថា ប្រសិនបើ​មិន​មាន​ការ​វិវត្ត​ទៅ​មុខ​នាពេលអនាគតទេ គោលជំហររបស់អាស៊ានលើមីយ៉ាន់ម៉ា នឹងត្រូវតែពិចារណាជាថ្មីឡើងវិញ៕

អត្ថបទ៖ គង់ សំអាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២៥ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៧ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៥១ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម