ព័ត៌មានជាតិ
មន្ត្រីក្រសួងយុត្តិធម៌ ៖ ទោះបីចំណាត់ថ្នាក់កម្ពុជាយ៉ាងណា ក៏ការងារប្រឆាំងការជួញដូរមនុស្សនៅតែបន្តយ៉ាងសកម្ម
មន្ត្រីជាន់ខ្ពស់ក្រសួងយុត្តិធម៌ បញ្ជាក់ថា បើទោះបីជាចំណាត់ថ្នាក់កម្ពុជាទទួលបានយ៉ាងណាក៏ដោយ តែបេសកកម្មសម្រាប់ការប្រយុទ្ធប្រឆាំងអំពើជួញដូរមនុស្សរបស់កម្ពុជានៅតែបន្ត ដរាបណាការងារមួយនេះមិនទាន់សម្រេចតាមគោល ដៅរបស់ខ្លួន។ លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ បញ្ជាក់បែបនេះ នៅក្នុងសន្និសីទសារព័ត៌មាន នៅថ្ងៃទី ១២ ខែសីហានេះ នាទីស្ដីការគណៈរដ្ឋមន្ត្រី។
លោក កេង សុម៉ារិទ្ធ លើកឡើងថា បើទោះបីនៅក្នុងឆ្នាំនេះ កម្ពុជាទទួលបានចំណាត់ថ្នាក់លេខ ៣ ដែលវាយតម្លៃដោយសហរដ្ឋអាមេរិកក៏ដោយ តែជានិច្ចកាលរាជរដ្ឋាភិបាលកម្ពុជា ជាពិសេសសម្ដេចក្រឡាហោម ស ខេង ក្នុងនាមជារដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គឺតែងតែយកចិត្តទុកដាក់ខ្ពស់ប្រកបដោយឆន្ទៈមោះមុត និងការប្ដេជ្ញាចិត្តក្នុងការបំពេញការងារប្រយុទ្ធប្រឆាំងអំពើជួញដូរមនុស្ស ឲ្យមានប្រសិទ្ធភាព និងកាត់បន្ថយបទល្មើសជាបន្តបន្ទាប់។
លោករដ្ឋលេខាធិការ សង្កត់ធ្ងន់ថា ការខិតខំរបស់កម្ពុជាលើការងារប្រឆាំងអំពើជួញដូរមនុស្សនេះ គឺមិនមែនដើម្បីតែចំណាត់ថ្នាក់ទេ បើទោះបីចំណាត់ថ្នាក់កម្ពុជា ទទួលបានយ៉ាងណាក៏ដោយ ក៏បេសកកម្មមួយនេះនៅតែបន្តដដែល ពោលគឺដរាបណាមិនទាន់បានសម្រេចគោលដៅដែលខ្លួនចង់បាន។ លោកបន្តថា ក្នុងនាមជារដ្ឋមួយ គឺកម្ពុជាមានកាតព្វកិច្ចការពារឧត្តមប្រយោជន៍ជាតិ និងការធានាការពារសិទ្ធសេរីភាពរបស់ពលរដ្ឋ និងជនបរទេសទាំងឡាយដែលរស់នៅកម្ពុជា កុំឲ្យក្លាយជាជនរងគ្រោះដោយសារការជួញដូរ។
ជាមួយគ្នានេះ លោក កេង សុម៉ារិទ្ធ បញ្ជាក់ដែរថា ក្រសួងយុត្តិធម៌ ដែលជាសេនាធិការរបស់រាជរដ្ឋាភិបាល ក្នុងការជំរុញ និងការពង្រឹងការអនុវត្តច្បាប់នៅកម្ពុជា គឺក្រសួងបានយកចិត្តទុកដាក់យ៉ាងមោះមុត និងយ៉ាងសកម្មប្រកបដោយការទទួលខុសត្រូវខ្ពស់ នៅក្នុងកិច្ចការប្រយុទ្ធប្រឆាំងអំពើជួញដូរមនុស្សនេះ ផងដែរ៕
អត្ថបទ៖ ធឿន វ៉ាន់សុង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល