ព័ត៌មានជាតិ
នាយករដ្ឋមន្ត្រី សម្រេចឲ្យនាយឧត្តមសេនីយ៍ ហ៊ីង ប៊ុនហៀង ដឹកនាំកម្លាំងកងអង្គរក្សជាង ១,០០០នាក់ ធ្វើការដាំកូនឈើនៅតំបន់ភ្នំតាម៉ៅ ឡើងវិញ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចឲ្យលោកនាយឧត្តមសេនីយ៍ ហ៊ីង ប៊ុនហៀង មេបញ្ជាការបញ្ជាការដ្ឋានអង្គរក្ស ដឹកនាំកងកម្លាំងកងអង្គរក្សជាង ១,០០០នាក់ ធ្វើការដាំកូនឈើនៅតំបន់ភ្នំតាម៉ៅ ឡើងវិញ។
សម្ដេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យពុទ្ធិសាស្ត្រ សរុបចំនួន ៦២៣ នាក់ នាព្រឹកថ្ងៃទី ១៧ ខែសីហានេះថា ការដុះកូនឈើនៅតំបន់ភ្នំតាម៉ៅ មិនពិបាកនោះទេ ពីព្រោះរដ្ឋមានកូនឈើរហូតដល់ជាង ១០ម៉ឺនដើមឯណោះ។
ប៉ុន្តែ ដើម្បីដាំបានត្រូវរៀបចំដីឲ្យបានល្អស្អាត ដោយគាស់គល់ឈើចេញ ដឹកយកមែកឈើចេញ ហើយប្រើគ្រឿងចក្រ ១១៣គ្រឿង។ ចំពោះការដាំកូនឈើឡើងវិញនេះ សម្ដេចបានសម្រេចឲ្យប្រើកម្លាំងកងអង្គរក្សជាង ១,០០០នាក់ ដែលដឹកនាំបញ្ជាផ្ទាល់ដោយលោកនាយឧត្តមសេនីយ៍ ហ៊ីង ប៊ុនហៀង មេបញ្ជាការបញ្ជាការដ្ឋានអង្គរក្ស។
សម្ដេចតេជោ ហ៊ុន សែន បានថ្លែងបន្តថា «យើងមិនមែនគ្រាន់តែដាំ យកទៅបង្ហោះហ្វេសប៊ុកឯណា សុទ្ធតែបេង ធ្នុង….នាងនួន សុទ្ធតែឈើប្រណិត ចឹងមិនមែនគ្រាន់តែយកទៅដាំ ហើយបង្ហោះហ្វេសប៊ុកលេងឯណា ត្រូវដាំឲ្យត្រូវខ្នាតរបស់វា រួចហើយត្រូវធ្វើការថែទាំងថែមទៀត ដែលក្រុមហ៊ុនឈូសឆាយ ជាអ្នកទទួលខុសត្រូវនាពេលខាងមុខ សម្រាប់ការផ្ដល់ឲ្យទៅរដ្ឋបាលព្រៃឈើ សម្រាប់ការថែទាំនាពេលខាងមុខ»។
សម្ដេចតេជោ ហ៊ុន សែន បានគូសបញ្ជាក់ទៀតថា សម្ដេចបញ្ជាឲ្យប្រែក្លាយតំបន់ភ្នំតាម៉ៅ ឲ្យទៅជាឧទ្យានព្រៃឈើ សួនព្រៃឈើនាពេលខាងមុខ៕
អត្ថបទ៖ ឃួន សុភ័ក្រ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»