ព័ត៌មានជាតិ

តុលាការកំពូលពន្យាពេលកាត់ទោសលោកឡាយ វណ្ណៈ តាមការស្នើសុំ

បានផុស

៦ years មុន

នៅ

ថ្ងៃសៅរ៍ ២៦ ធ្នូ ២០២០

ដោយ

ក្រុមមប្រឹក្សាជំនុំជំរះតុលាការកំពូល កាលពីព្រឹកថ្ងៃទី២៥ ខែធ្នូ ឆ្នាំ២០២០ បានប្រកាសលើកពេលសវនាការសំណុំរឿងឃាតកម្មដ៏ល្បីនៅឯខេត្តតាកែវ ដែលមានជាប់ពាក់ព័ន្ធនិងអតីតអភិបាលខេត្តលោក ឡាយ វណ្ណៈ និងលោកឡាយ ណារិទ្ធ ជាស្នងការរង។

លោក និល នន់ អនុប្រធានតុលាការកំពូល និងជាប្រធានក្រុមប្រឹក្សាបានលើកឡើងក្នុងសវនាការថា ជនជាប់ជាប់ លោកឡាយ វណ្ណៈ បានស្នើពន្យាពេលសវនាការ ដោយមូលហេតុបញ្ហាសុខភាព មានជំងឺច្រើនមុខនៅក្នុងពន្ធនាគារ ដូច្នេះតុលាការកំពូលសម្រេចលើកពេលសវនាការទៅថ្ងៃក្រោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានតែជនជាប់ចោទឡាយ ណារិទ្ធ ប៉ុណ្ណោះដែលត្រូវបញ្ជូនមកតុលាការកំពួល ។ ចំណែកលោកឡាយវណ្ណៈ ដែលជាប់ឃុំនៅពន្ធនាគារប៉េហ្ស៊ី មិនមកទេ ។

លោកឡាយ វណ្ណៈ និងឡាយ ណារិទ្ធ បានប្ដឹងសារទុក្ខឡើងតុលាករកំពូល បន្ទាប់ពីសាលាដំបូងរាជធានី និងសាលាឧទ្ធរណ៍ បានសម្រេចផ្ដន្ទាទោស ដាក់ពន្ធនាគារលោកឡាយ វណ្ណៈ១៣ឆ្នាំ និងលោក ឡាយ ណារិទ្ធ១០ឆ្នាំ ពីបទឃាតកម្ម តាមមាត្រា១៩៩នៃក្រមព្រហ្មទ័ណ្ឌ ពាក់ព័ន្ធនិងការស្លាប់នៃនារីកំណាន់ ចែវ សុវឌ្ឍនា កាលពីខែមេសា ឆ្នាំ២០១៨ នៅឯខេត្តតាកែវ ក្រោមរូបភាពអត្តឃាតដោយចងក ។

ចំណែកជនជាប់ចោទ២នាក់ទៀត ឈ្មោះ ជឹម វុធ និង ម៉ែន សម័យ ដែលជាប់ចោទពីបទលាក់កំបាំងតម្រុយ ត្រូវបានដោះលែងអោយមានសេរីភាពវិញហើយ បន្ទាប់ពីអនុវត្តទ័ណ្ឌកម្មពន្ធនាគារ២ឆ្នាំ៕

អត្ថបទ ៖ មករា