ព័ត៌មានជាតិ
អាជ្ញាធរខេត្តកំពង់ធំ នាំយកស្បៀងសង្រ្គោះបន្ទាន់របស់សម្តេចតេជោ ចែកជូនពលរដ្ឋ១៦០គ្រួសារដែលរងគ្រោះដោយទឹកជំនន់
នៅថ្ងៃទី១៣ ខែតុលា ឆ្នាំ២០២២ ឯកឧត្តម ងួន រតនៈ អភិបាលខេត្តកំពង់ធំ និងនិងសហការី បាននាំយកស្បៀងបន្ទាន់របស់សម្ដេចតេជោ ហ៊ុន សែន ចែកជូនដល់ប្រជាពលរដ្ឋដែលទទួលរងគ្រោះដោយសារជំនន់ទឹកភ្លៀងចំនួន១៦០គ្រួសារ នៅឃុំមានជ័យ និងឃុំងន ស្រុកសណ្ដាន់ ខេត្តកំពង់ធំ។
ជាមួយគ្នានេះដែរ ឯកឧត្តម លើកឡើងថា គ្រោះមហន្តរាយជំនន់ទឹកភ្លៀងនៅឆ្នាំនេះទឹកធំជាងឆ្នាំមុនៗ ដែលបង្កឲ្យមានការលិចផ្ទះសម្បែងផលដំណាំខូចខាតហេដ្ឋារចនាសម្ព័ន្ធ ពិបាកក្នុងការធ្វើដំណើរ ប៉ះពាល់ដល់ការប្រកបមុខរបរប្រចាំថ្ងៃ និងមានភ្លៀងខ្លាំងលាយឡំជាមួយនឹងខ្យល់កន្ត្រាក់ផងដែរ។ ដោយមើលឃើញអំពីទុក្ខលំបាកការរស់នៅរបស់ប្រជាពល រដ្ឋ សម្តេចតេជោ ហ៊ុន សែន នាយករដ្ឋមន្រ្តី បានផ្ដល់នូវស្បៀងបន្ទាន់តាមរយៈរដ្ឋបាលខេត្ត សម្រាប់យកមកចែកជូនប្រជាពលរដ្ឋនាពេលនេះ។
ឯកឧត្តមបន្ថែមថា ការចែកអំណោយទាំងនេះ គឺមិនបានចែកគ្រប់គ្នានោះទេ ដោយអាជ្ញាធរស្រុក ស្រង់យកតែអ្នកដែលប៉ះពាល់ខ្លាំង មានជីវភាពទន់ខ្សោយជាងគេក្នុងចំណោមអ្នកដែលប៉ះពាល់ទាំងអស់។ ទន្ទឹមនោះអាជ្ញាធរមូលដ្ឋាន ត្រូវខិតខំចុះសាកសួរសុខទុក្ខប្រជាពលរដ្ឋនៅតាមខ្នងផ្ទះ ជាពិសេសនៅកន្លែងណាដែលងាយរងគ្រោះដើម្បីកំណត់មុខសញ្ញា និងជម្លៀសពួកគាត់ឲ្យមករកទីទួលមានសុវត្ថិភាព។
ឯកឧត្តមណែនាំដល់អាជ្ញាធរស្រុក ក៏ដូចជាមន្ទីរជំនាញត្រូវសិក្សាអំពីផលប៉ះពាល់ដំណាំស្រូវនៅក្នុងភូមិសាស្រ្តសាម៉ី ដែលទទួលរងគ្រោះសារជំនន់ទឹកភ្លៀង ដើម្បីត្រៀមផ្តល់ពូជស្រូវ និងដំណាំរួមផ្សំជូនដល់ប្រជាពលរដ្ឋ សម្រាប់ស្តារជីវភាពឡើងវិញ បន្ទាប់ពីទឹកបានស្រកទៅវិញ ។
សូមបញ្ជាក់ផងដែរថា ប្រជាពលរដ្ឋចំនួន១៦០គ្រួសារ ក្នុងមួយគ្រួសារទទួលបានអង្ករ មី ទឹកត្រី ទឹកសេអ៊ីវ ត្រីខ និងទឹកបរិសុទ្ធផងដែរ៕
អត្ថបទ៖ ឈាង មករា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ