ព័ត៌មានជាតិ
ខេត្តកំពតត្រៀមកម្លាំងសមត្ថកិច្ចជាង១០០០នាក់ ចូលរួមរៀបចំសណ្ដាប់ធ្នាប់ការពារបុណ្យអុំទូក
លោក ម៉ៅ ធនិន អភិបាលខេត្តកំពតបានមានប្រសាសន៍នៅក្នុងកិច្ចប្រជុំគណៈកម្មការនិងអនុគណៈកម្មការរៀបចំរាជពិធីបុណ្យអុំទូកបណ្ដែតប្រទីបអកអំបុកនិងសំពះព្រះខែ នៅក្រុងកំពត(ខេត្តកំពត)កាលពីថ្ងៃទី២៤ ខែតុលា ឆ្នាំ២០២២ នៅសាលប្រជុំខេត្តថា ចាប់ពីស្ពានឥន្ទធនូ និងស្ពានថ្មកំពង់បាយឆ្លងកាត់ទៅត្រើយម្ខាងស្ថិតនៅក្នុងក្រុងកំពតខេត្តកំពតនេះយើងត្រូវរៀបចំ កែលំអដាក់អំពូលភ្លើងចម្រុះពណ៌អោយមានសោភណ្ឌភាពស្អាតនៅក្នុងពិធីបុណ្យអុំទូកនេះត្រូវចំណាយថវិកា១រយលានរៀល។
លោក ម៉ៅ ធនិន អភិបាលខេត្តកំពតបានមានប្រសាសន៍ថា គណៈកម្មការនិងអនុគណៈកម្មការទាំងអស់ត្រូវចូលរួមយកចិត្តទុកដាក់ឲ្យបានខ្ពស់បំផុតចាប់ពីថ្ងៃទី៦ និងថ្ងៃទី៧ ខែវិច្ចិកា ឆ្នាំ២០២២ នាពេលខាងមុខនេះ។
លោក ម៉ៅ ធនិន អភិបាលខេត្តកំពតក៏បានរៀបចំអោយមានការបាញ់កាំជ្រួចក្នុងរយៈពេលបីថ្ងៃប៉ុន្តែត្រូវពិនិត្យអោយបានជាក់លាក់នៅពេលវេលាដែលត្រូវបានបាញ់ដើម្បីសុវត្ថិភាពជូនបងប្អូនប្រជាពលរដ្ឋទាំងអស់គ្នា។
លោក ម៉ៅ ធនិន អភិបាលខេត្តបានមានប្រសាសន៍អោយលោកអភិបាលក្រុងកំពតនិងលោកអភិបាលស្រុកទឹកឈូ ផ្សព្វផ្សាយអោយបានទូលំទូលាយបញ្ហាអនាម័យទុកដាក់អោយមានរបៀបរៀបរយជៀសវាងចោលរាយប៉ាយនិងរថយន្តដឹកជញ្ជូនសំរាមត្រូវដឹកជញ្ជូនអោយទាន់ពេលវេលាក្នុងរយៈពេលបីថ្ងៃនៃរាជពិធីបុណ្យអុំទូក។
លោក ម៉ៅ ធនិន អភិបាលខេត្តកំពតបានប្រសាសន៍បន្តថា ទូកដែលគណៈកម្មការបានរៀបចំប្រណាំងមានចំនួន១៣គូ សរុបទាំងអស់មានចំនួនមាន២៦ទូក -ព្រោះក្រុងនិងស្រុក ទាំង៩នៅក្នុងខេត្តកំពតទាំងមូលសុទ្ធតែយកទូកមកប្រណាំងនៅក្នុងឱកាសរាជពិធីបុណ្យអុំទូកផងដែរ។
លោក ភុន សារពេជ្រ ប្រធានក្រុមការងារយុវជនខេត្តកំពតក៏ស្ថិតនៅក្នុងអនុគណៈកម្មការខាងរៀបចំផ្នែកសិល្បៈក្រុមតន្ត្រីបុរាណនិងសម័យ ប្រគំកំដរបរិយាកាសក្នុងពិធីបុណ្យអុំទូកនោះដែរ។
លោក សេង សិរីបុត្រ អភិបាលរងខេត្តទទួលកិច្ចការសន្តិសុខក៏បានលើកឡើងក្នុងកិច្ចប្រជុំថាកម្លាំងសមត្ថកិច្ចទាំងអស់ដែលចូលរួមការពារសណ្ដាប់ធ្នាប់ក្នុងពិធីបុណ្យអុំទូកនៅពេលខាងមុខនោះមានចំនួន១០៣៧ នាក់(មួយពាន់៣៧នាក់ក្នុងនោះក៏មានរថយន្តសង្គ្រោះនិងរថយន្តពន្លត់អគ្គិភ័យរបស់ស្នងការនគរបាលខេត្តកំពត។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានមានប្រសាសន៍និងលើកឡើងនៅបញ្ហាមួយចំនួនដូចជាអ្នកតាំងពិពរណ៍លក់កាំបិតនិងជាតិផ្ទុះមួយចំនួនមិនត្រូវអោយដាក់លក់នោះឡើយនិងប្រយ័ត្នបំផុតធុងហ្គាសចាស់ៗសម្រាប់ចំអិនម្ហូបអាហារត្រូវមានការត្រួតពិនិត្យផងដែរ។
លោកអភិបាលខេត្ត មានប្រសាសន៍ប្រាប់ដល់គណៈកម្មការនិងអនុគណៈកម្មការចុងក្រោយនោះថាការលើកឡើងនីមួយៗរបស់គណៈកម្មការនិងអនុគណៈកម្មការទាំងអស់សុទ្ធតែមានន័យនិងទទួលខុសត្រូវបានខ្ពស់បំផុត តែបើមិនមានការចាំបាច់អីទេមិនបាច់ប្រជុំអ្វីទៀតនោះឡើយ៕
ដោយ ៖ សឹង រ៉ាត់
ជោគវាសនារបស់លោក Yoon Suk Yeol នឹងត្រូវដឹងនៅថ្ងៃសុក្រទី៤មេសានេះ
បុរសម្នាក់ កំពុងជិះកង់សុខៗ ត្រូវរថយន្តដឹកអ្នកដំណើរក្រុមហ៊ុនឬទិ្ឋមុនីបុកស្លាប់
គណៈប្រតិភូធនាគារជាតិកាណាដា ជួបជាមួយលោកជំទាវបណ្ឌិត ជា សិរី បង្ហាញការបន្តគាំទ្រវិស័យធនាគាររបស់កម្ពុជា
ការវាយតម្លៃឡើងវិញអំពីសមាជិកភាពរបស់កម្ពុជានៅតុលាការព្រហ្មទណ្ឌអន្តរជាតិ
ជួបកម្លាំងការពារព្រំដែន, អភិបាលខេត្តកណ្ដាល ប្រាប់ឱ្យបន្តទប់ស្កាត់បង្ក្រាបបទល្មើសឆ្លងដែន
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១១ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ