ព័ត៌មានជាតិ
កងអាវុធហត្ថ ត្រូវបន្តអនុវត្តវិធានការសុខាភិបាលគ្រប់វិនាទី ចំពោះជំងឺរាតត្បាតកូវីដ-១៩
លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ មុននេះបន្តិចបានចេញបទបញ្ជាដ៏តឹងរឹងបំផុត ដោយគ្មានការយោគយល់អ្វីឡើយ គឺតម្រូវឲ្យអនុវត្តន៍វិធានសុខាភិបាលជាកំហិត គឺហាមដាច់ខាតមិនឲ្យមន្ត្រីអាវុធហត្ថណាម្នាក់ចូលធ្វើការដោយគ្មានពាក់ម៉ាស ឬមិនឆ្លងការត្រួតពិនិត្យកម្ដៅ ឬបាញ់ថ្នាំសម្លាប់មេរោគ សំអាតដៃដោយទឹកអាល់កុល ឬទឹកលាងដៃ នោះទេ។
ផ្ទុយទៅវិញ បើមានមន្ត្រីអាវុធហត្ថណាម្នាក់មិនព្រមអនុវត្តតាមបទបញ្ជាខាងលើនេះទេ ដាច់ខាត់មិនអនុញ្ញាតឲ្យចូលអង្គភាព ហើយកត់ឈ្មោះ អត្តលេខបញ្ជូនមកលេខាដ្ឋានបន្ទាន់ ដើម្បីមានវិធានការតាមបទពិន័យដោយមិនអនុគ្រោះឡើយ។
ឧត្តមសេនីយ៍ឯក រ័ត្ន ស្រ៊ាង បានថ្លែងមុននេះថា គ្មានមន្ត្រីអាវុធហត្ថណាម្នាក់ហ៊ានអនុវត្តផ្ទុយពីការណែនាំរបស់ក្រសួងសុខាភិបាលនោះទេ គឺត្រូវទទួលពិន័យរបស់កងកម្លាំងមិនលើកលែងឡើយ។ លោកឧត្តមសេនីយ៍មេបញ្ជាការបានថ្លែងថា មន្ត្រីអាវុធហត្ថគ្រប់ៗរូបត្រូវតែបន្តធ្វើការត្រួតពិនិត្យសុខភាព វាស់កម្ដៅ ពាក់ម៉ាសបាញ់ថ្នាំសម្លាប់មេរោគជាប្រចាំ ដល់នាយទាហាន នាយទាហានរង ពលទាហានអាវុធហត្ថ មុនពេលចូលកន្លែងធ្វើការដោយគ្មានការធ្វេសប្រហែសឡើយ ដើម្បីបង្ការទប់ស្កាត់ពីជំងឺឆ្លងកូវីដ១៩ ដោយគ្មានធ្វេសប្រហែសមួយនាទីណាឡើយ។
សូមបញ្ជាក់ថា ជាទម្លាប់រាល់ថ្ងៃកម្លាំងក្នុងទីបញ្ជាការ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ នៃកងរាជអាវុធហត្ថរាជធានីភ្នំពេញ បានក្រោកពីព្រលឹមនាំគ្នារួសរាន់ងូតទឹក ស្លៀកពាក់ រង់ចាំទទួលបទបញ្ជា ចេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ជូនសិស្សានុសិស្សឆ្លងផ្លូវចូលសាលារៀន បងប្អូនប្រជាពលរដ្ឋ គណៈប្រតិភូជាតិ និងអន្តរជាតិ ក្នុងភូមិសាស្ត្រៗ រាជធានីភ្នំពេញ។ នៅពេលរសៀលកម្លាំងយើងក៏បានឆ្លៀតពេលសម្រាកពីការងារ នាំគ្នាធ្វើលំហាត់ប្រាណ ដើម្បីសុខភាព។
ក្រៅពីនេះ កម្លាំងកងរាជអាវុធហត្ថរាជធានីភ្នំពេញ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ បន្តចេញល្បាត ការពារ សន្តិសុខ សុវត្ថិភាព ជួយសម្រួលចរាចរណ៍ ជូនបងប្អូនប្រជាពលរដ្ឋ នៅលើដងផ្លូវ ដែលកំពុងសម្រាន្តលង់លក់ក្នុងគេហដ្ឋាន តាមភូមិសាស្ត្រខណ្ឌរៀងៗខ្លួន ដោយស្មារតីស្មោះត្រង់ជានិច្ច៕
អត្ថបទ៖ វិមាន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម