Connect with us

ព័ត៌មានជាតិ

អភិបាលខេត្ត​កែប​ មិន​អនុញ្ញាត​ឲ្យ​ក្រុម​អាជីវករ​ក្រាលកន្ទេល​តាម​ចិញ្ចើម​ផ្លូវ​សាធារណៈ ​ចំណុច​ទី​ប្រជុំ​ជន​

បានផុស

នៅ

អភិបាលខេត្ត​កែប​ មិន​អនុញ្ញាត​ឲ្យ​ក្រុម​អាជីវករ​ក្រាលកន្ទេល​តាម​ចិញ្ចើម​ផ្លូវ​សាធារណៈ ​ចំណុច​ទី​ប្រជុំ​ជន ដែល​ជា​កត្តា​មួយ​ធ្វើ​ឲ្យ​បាត់បង់​សណ្ដាប់ធ្នាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បី​រក្សា​សោភ័ណភាព​ ក៏ដូចជា​ការរៀបចំ​សណ្ដាប់ធ្នាប់​តាម​មាត់​ឆ្នេរ​កម្សាន្ត​តំបន់​ទេសចរណ៍​ឆ្នេរ​កែប ក្នុង​ព្រះរាជ​ពិធីបុណ្យ​អុំទូក បណ្ដែតប្រទីប អកអំបុក និង​សំពះ​ព្រះ​ខែ​ នា​ពេល​ខាង​មុខ អភិ​បាល​ខេត្ត​កែប បាន​ជំរុញ​ដល់​ក្រុម​អាជីវករ​លក់ដូរ​ តាម​បណ្ដោយ​ឆ្នេរ​ ក្នុង​រមណីយដ្ឋាន​ខេត្ត​កែប​ទាំង​មូល ឲ្យ​ចូលរួម​សហការ​។

ក្នុង​នោះ ដើម្បី​រៀបចំ​សណ្ដាប់ធ្នាប់ ​របៀបរៀបរយ​ នៅ​តាម​បណ្ដោយ​មាត់​ឆ្នេរ​ឲ្យ​បាន​ល្អ​ប្រសើរ​ សម្រាប់​ទទួល​បដិសណ្ឋារកិច្ច​ជូន​ភ្ញៀវ​ទេសចរ​។​

​ការ​ជំរុញ​បែបនេះ ក្នុង​កិច្ចប្រជុំ​គណៈកម្មការ​គ្រប់គ្រង និង​រៀបចំ​សណ្ដាប់ធ្នាប់​សាធារណៈ កាល​ពី​រសៀល​ថ្ងៃ​អង្គារ ទី​២៧ ខែ​តុលា ឆ្នាំ​២០២០ នៅ​សាល​ប្រជុំ​សាលាខេត្ត​កែប ក្រោម​វត្តមាន ​លោក​ សោម ពិសិដ្ឋ អភិបាល នៃ​គណៈ​អភិបាលខេត្ត​កែប និង​មានការ​ចូលរួម​ពី​ លោក លោកស្រី អភិ​បាល​រង​ខេត្ត កងកម្លាំង​ទាំង​បី ប្រធាន អនុប្រធាន​ មន្ទីរ​អង្គភាព​ក្នុង​ខេត្ត ព្រមទាំង​ក្រុម​អាជីវករ​លក់​ដូរ​​តាម​បណ្ដោយ​ឆ្នេរ​ផង​ដែរ​។​

​មានប្រសាសន៍​ក្នុង​កិច្ចប្រជុំ លោក​ សោម ពិសិដ្ឋ បាន​សំណូមពរ​ដល់​ក្រុម​អាជីវករ​លក់ដូរ និង​ម្ចាស់​ហាង រាប់ទាំង អាហារដ្ឋាន និង​ភោជនីយដ្ឋាន​ផង​ដែរ ត្រូវ​បន្ត​ចូលរួម​សហការ​ក្នុង​ការ​កែលំអ​សោ​ភ័ណ​ភាព រក្សា​អនាម័យ ពិសេស​ការរៀបចំ​សណ្ដាប់ធ្នាប់ របៀបរៀបរយ​ឲ្យ​បាន​ល្អ។

បន្ថែម​ពី​នោះ ​មិន​អនុញ្ញាត​ឲ្យ​ក្រុម​អាជីវករ​ណា​ក្រាលកន្ទេល​នៅ​តាម​ចិញ្ចើម​ផ្លូវ​សាធារណៈ ​ត្រង់​ចំណុច​ទីប្រជុំជន​ ដែល​ជា​កត្តា​មួយ​ធ្វើ​ឲ្យ​បាត់បង់​សណ្ដាប់ធ្នាប់ និង​បង្ក​ឲ្យ​មានការ​កកស្ទះ​ចរាចរណ៍​នោះ​ឡើយ​។​

​សូម​បញ្ជាក់​ផង​ដែរ​ថា កន្លងមក ​រដ្ឋបាល​ខេត្ត​កែប ​តែងតែ​ដាក់​បម្រាម​មិន​ឲ្យ​ក្រុម​អាជីវករ​ណា​យក​ចិញ្ចើម​ផ្លូវ ឬ​ទីសាធារណៈ​ ដើម្បី​សង់​ខ្ចុ​ស ឬ​កាង​កន្លែង​ សម្រាប់​ក្រាល​កន្ទេលជួល​ឲ្យ​ភ្ញៀវ​អង្គុយ​លេង​ ឬ​ញុំា​អាហារ​នោះ​ឡើយ។ ​បើ​ក្រុម​អាជីវករ​ណា​អនុវត្ត​ផ្ទុយ​នឹង​គោលការណ៍​ដូច​ជម្រាប​ខាង​លើ រដ្ឋបាល​ខេត្ត​ នឹង​ឲ្យ​រុះ​រើចេញ​ជាបន្ទាន់​៕

អត្ថបទ ៖ សេង ណា​រិ​ទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៩ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១២ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម