ព័ត៌មានជាតិ
នគរបាលស្រុកបាទីបញ្ជូនអតីតសង្ឃដែលវាយបែកព្រះកេសសាមណេរទៅតុលាការ
បន្ទាប់ពីផ្ទុះករណីប្រើប្រាស់អំពើហិង្សាដោយចេតនារវាងព្រះសង្ឃ និងព្រះសង្ឃ ដែលបានកើតឡើងកាលពីថ្ងៃទី២៥ ខែមករា ឆ្នាំ២០២៣ នៅក្នុងវត្ត ទ្រព្យគរ ស្ថិតនៅភូមិត្រកៀត ឃុំត្រពាំងសាប ស្រុកបាទីខេត្តតាកែវ ត្រូវបានកម្លាំងសមត្ថកិច្ចអនុវត្តន៍តាមនីតិវិធីច្បាប់។
ជុំវិញករណីនេះដែរ លោក ជួង វ៉ាន ប្រធានមន្ទីរធម្មការ និងសាសនាខេត្តតាកែវ បានថ្លែងប្រាប់សារព័ត៌មានកម្ពុជាថ្មី ថា នៅថ្ងៃទី២៦ ខែមករា ឆ្នាំ២០២៣នេះដែរក្រោយពេលកើតហេតុភ្លាមៗ មន្រ្តីសង្ឃសហការជាមួយអាជ្ញាធរមូលដ្ឋានគឺបានចាប់សង្ឃបង្កផ្សឹករួចរាល់ហើយ ប៉ុន្តែសំណុំរឿងមិនទាន់បញ្ចប់ទេ គឺខាងសមត្ថកិច្ចជាអ្នកបន្តនីតិវិធីច្បាប់ ករណីប្រើប្រាស់អំពើហិង្សានេះ ។
ដោយឡែកចំពោះករណីនេះដែរ លោកវរសេនីយ៍ឯក ឆាយ កែវមុន្នី អធិការនគរបាលស្រុកបាទី បានថ្លែងប្រាប់នៅរសៀលនេះដែរថា ករណីប្រើប្រាស់អំពើហិង្សាដោយចេតនា ដែលបង្កឡើងដោយជនសង្ស័យឈ្មោះ នួន ឆានី ភេទប្រុស អាយុ៣២ឆ្នាំ មុខរបរព្រះសង្ឃ (គ្រូសូត្រឆ្វេង) ស្នាក់នៅវត្តទ្រព្យគរ ស្ថិតនៅភូមិត្រកៀត ឃុំត្រពាំងសាបស្រុកបាទី ខេត្តតាកែវ ដែលបានធ្វើសកម្មភាពយកចានបាយធ្វើអំពីថ្ម វាយនិងគប់ទៅលើព្រះកេសរបស់សាមណេរព្រះនាម ពេជ្រ សាវុធ ភេទប្រុស អាយុ១៤ឆ្នាំ ស្នាក់នៅក្នុងវត្តទ្រព្យគរ ភូមិត្រកៀត ឃុំត្រពាំងសាប ស្រុកបាទីខេត្តតាកែវ បណ្ដាលឱ្យរបួសត្រង់ព្រះកេសចំនួន ៣កន្លែង ចំហៀងខាងឆ្វេង ប្រវែង៤សង់ទីម៉ែត្រ ដេរចំនួន៣ថ្នេរ របួសត្រង់ព្រះកេស ពីលើប្រវែង ៥សង់ទីម៉ែត្រ ដេរចំនួន៣ថ្នេរ និងរងរបួសត្រង់លើចិញ្ចើមចំហៀងខាងឆ្វេង ប្រវែង១សង់ទីម៉ែត្រ ដេរចំនួន ១ថ្នេរ ។ មូលហេតុ ទំនាស់ពាក្យសម្ដី ទើបបង្កឱ្យមានករណីហិង្សានេះកើតឡើង ។
លោកអធិការបានបន្តថា បច្ចុប្បន្នជនសង្ស័យ និងវត្ថុតាងត្រូវបានកសាងសំណុំរឿង បញ្ជូនចាត់ការបន្តតាមនីតិវិធីច្បាប់នៅតុលាការ ៕
អត្ថបទ៖ វីរៈ
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ