មន្ទីរសាធារណការខេត្តព្រះវិហារ ជួសជុលផ្លូវ មុនពិធី​បុណ្យចូលឆ្នាំថ្មីប្រពៃណីខ្មែរ

មន្ទីរសាធារណការ និងដឹកជញ្ជូន ខេត្តព្រះវិហារ បាន​ជួសជុល​ផ្លូវមួយចំនួននៅក្នុងខេត្តព្រះវិហារ​ ដើម្បីសម្រួលដល់​ការធ្វើចរាចរណ៍របស់​ប្រជាពលរដ្ឋ ជា​ពិសេសក្នុងឱកាសបុណ្យចូលឆ្នាំថ្មី ប្រពៃណីខ្មែរ ដែលនឹងឈានមកដល់នាខែក្រោយនេះ។

ប្រធានមន្ទីរសាធារណការ និងដឹកជញ្ជូន ខេត្តព្រះវិហារ លោក សំ លាងទ្រី បាន​ឲ្យ​ដឹងថា នៅថ្ងៃទី២៥ ខែមីនា ឆ្នាំ២០២៣នេះ ក្រុមការងារនៃមន្ទីរសាធារណការ និងដឹកជញ្ជូន ខេត្តព្រះវិហារ បាននិងកំពុងធ្វើសកម្មភាពជួសជុល ថែទាំផ្លូវមួយចំនួន ដែលមានដូចជា៖

ការ​​ជួសជុលផ្លូវជាតិលេខ៦២ ក្រាលកៅស៊ូ DBST ប្រវែង ៣៥០០ម៉ែត្រ ចាប់ពីគីឡូម៉ែត្រ 175+500 ដល់គ.ម 179+000 ក្នុងស្រុកជាំក្សាន្ត ខេត្តព្រះវិហារ

ការ​ថែទាំផ្លូវជាតិលេខ ៩៤ (ក្រាលដីល្បាយថ្ម) ប្រវែង ៥៣,៩០គីឡូម៉ែត្រ ស្ថិតក្នុងស្រុកឆែប ខេត្តព្រះវិហារ

ការថែទាំផ្លូវជាតិលេខ ៦២ (ក្រាលកៅស៊ូ DBST) នៅចន្លោះ គ.ម 143+000 ដល់ គីឡូម៉ែត្រ 144+500 ស្ថិតក្នុងស្រុកគូលែន ខេត្តព្រះវិហារ៕

អត្ថបទ៖ ស្រីរ័ត្ន