ព័ត៌មានជាតិ

ឃាត់ខ្លួនមុខសញ្ញាជនសង្ស័យចូលលួចទូរស័ព្ទដៃ បានជាច្រើនគ្រឿង

បានផុស

៥ years មុន

នៅ

ថ្ងៃចន្ទ ១៨ មករា ២០២១

ដោយ

ជនសង្ស័យម្នាក់ ដែលជាមុខសញ្ញាចោរកម្ម ត្រូវបានកម្លាំងសមត្ថកិច្ច តាមស្រាវជ្រាវ និងឈានដល់ការចាប់ខ្លួន បន្ទប់ពីជនសង្ស័យរូបនេះ បានធ្វើសកម្មភាពចូលលួចទូរស័ព្ទដៃ នៅក្នុងហាងមួយកន្លែង អស់ជាច្រើនគ្រឿង ហើយបានគេចខ្លួនប្រមាណមិនដល់មួយសប្តាហ៍ផង ។

កាលពីថ្ងៃទី ១៣ ខែ មករា ឆ្នាំ ២០២១ វេលាម៉ោង ១ រសៀល នៅក្នុងផ្ទះជនរងគ្រោះឈ្មោះប្រាក់សំណាង ភេទប្រុស អាយុ ២៩ ឆ្នាំ រស់នៅភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបងមានករណីចោរចូលលួចទូរស័ព្ទ ដៃអស់ចំនួន ១៥ គ្រឿង ដែលប្រព្រឹត្តឡើងដោយជនមិនស្គាល់មុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានស្រាវជ្រាវមួយរយៈរួចមក នៅថ្ងៃទី ១៦ ខែ មករា ឆ្នាំ ២០២១ វេលាម៉ោង ៤ និង ៣៥នាទី ល្ងាច នៅចំណុច ភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំ កម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី អំពេីលួច ( យកទូរស័ព្ទដៃ ) ១ ករណី និងបានធ្វេីការឃាត់ខ្លួនជនសង្ស័យ ១ នាក់ ឈ្មោះ ពៅ សារ៉េត ភេទប្រុស អាយុ ៣៧ឆ្នាំ មានទីលំនៅភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង ។

នៅក្នុងកិច្ចប្រតិបត្តិការនេះ សមត្ថកិច្ចបានដកហូតវត្ថុតាងមួយចំនួន រួមមាន ៖ ទូរស័ព្ទដៃចំនួន ១៥ គ្រឿង ក្នុងនោះមានម៉ាក VIVO ចំនួន ០៦ គ្រឿង និង ម៉ាក OPPO ចំនួន ០៩ គ្រឿង ម៉ូតូ ០១ គ្រឿងម៉ាក ហុងដាឌ្រីម សេ១២៥ ពណ៌ខ្មៅ ស៊េរីឆ្នាំ ២០២០ ពាក់ស្លាកលេខ បាត់ដំបង 1AL 0159 ( ជាមធ្យោបាយប្រព្រឹត្តបទល្មើស )
បច្ចុប្បន្នកម្លាំងការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់ ៕

សោ និយមរ័ត្ន