ព័ត៌មានជាតិ
អភិបាលរងខេត្តកោះកុង ជំរុញឲ្យជនជាប់ឃុំក្នុងពន្ធនាគារខិតខំអប់រំកែប្រែខ្លួន
លោកអភិបាលរងខេត្តកោះកុង បានជំរុញលើកចិត្តដល់ជនជាប់ឃុំនៅក្នុងពន្ធនាគារ ត្រូវប្រឹងប្រែងកែប្រែអប់រំខ្លួនឲ្យបានល្អប្រសើរ ក្រោយពេលចេញពីពន្ធនាគារ គប្បីធ្វើជាពលរដ្ឋល្អ និងធនធានមនុស្សដែលសង្គមត្រូវការ។
ការណែនាំរបស់លោក ហាក់ ឡេង អភិបាលរងខេត្តកោះកុង ទៅកាន់ក្រុមដែលកំពុងជាប់ឃុំនៅពន្ធនាគារព្រែកស្វាយ គ្រាលោកអញ្ជើញបើកប្រអប់សំបុត្រនៅក្នុងពន្ធនាគារខេត្ត មុននឹងវេចខ្ចប់ដាក់ចូលក្នុងស្រោមសំបុត្រត្រឹមត្រូវផ្ញើជូនគណៈកម្មាធិការជាតិប្រឆាំងអំពើទារុណកម្ម។
លោក ហាក់ ឡេង អភិបាលរងខេត្ត បន្តថា អ្នកជាប់ឃុំទាំងអស់ ត្រូវគោរពអនុវត្តវិន័យជាអ្នកទោសដែលមានក្នុងពន្ធនាគារទៅតាមទម្ងន់ទោសរបស់ខ្លួន ហើយចេះអប់រំចិត្តកាយតាមរយៈពេល ការចូលអានសៀវភៅដែលមានសារៈសំខាន់ និងរៀនជំនាញវិជ្ជាជីវៈ ក្នុងគោលបំណងឈានដល់ការវាយតម្លៃបន្ធូរបន្ថយទោស ឬលើកលែងទោស តាមរយៈសំណើរបស់ សម្ដេចនាយករដ្ឋមន្ត្រី និងការសម្រេចស្នើសុំពីព្រះមហាក្សត្រ។
លោកអភិបាលរងខេត្ត ជឿជាក់ថា បងប្អូនដែលកំពុងជាប់ឃុំ មិនប្រព្រឹត្តទង្វើខុសវិន័យដែលនាំឲ្យមានទោសកាន់តែធ្ងន់ធ្ងរ ក្រោយពីបានអនុវត្តទោសតាមច្បាប់រួចហើយ ពេលចេញពីពន្ធនាគារ នឹងក្លាយជាពលរដ្ឋល្អដែលសង្គមជាតិត្រូវការ ដើម្បីចូលរួមចំណែកអភិវឌ្ឍន៍ប្រទេសទៅអនាគតបន្ថែមទៀត។
ទន្ទឹមនោះ លោក ហាក់ ឡេង ក៏លើកឡើងពីលទ្ធផលដែលសង្គមជាតិសម្រេចបានតាមរយៈការប្រជុំកំពូលអាស៊ាន ការត្រៀមទទួលធ្វើម្ចាស់ផ្ទះកីឡាស៊ីហ្គេម ព្រមទាំងភាពរីកចម្រើនគ្រប់វិស័យជាច្រើននាពេលបច្ចុប្បន្ន ដឹកនាំដោយ សម្ដេចតេជោ ហ៊ុន សែន នាយករដ្ឋមន្ត្រី៕
អត្ថបទ ៖ សិរីវឌ្ឍនៈ
-
ព័ត៌មានជាតិ៧ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+៦ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៩ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល