ព័ត៌មានជាតិ
ប្រតិភូ និងកីឡាករចំនួន៥ប្រទេសបានមកដល់ខេត្តកែប ដើម្បីត្រៀមប្រកួតកីឡាទ្រីយ៉ាត្លុង
ប្រតិភូ និងអត្តពលិកចូលរួមការប្រកួតកីឡាទ្រីយ៉ាត្លុងចំនួន៥ប្រទេស រួមទាំងកម្ពុជាផងបានមកដល់ខេត្តកែបហើយ នៅសល់ប្រទេសចំនួនពីរទៀត គឺសិង្ហបុរី និងម៉ាឡេស៊ី ដែលនឹងមកដល់នៅពេលយប់នេះ ដើម្បីអាចចូលរួមការហាត់សមការប្រកួតនៅលើទីលានជាក់ស្តែងរួមគ្នានៅថ្ងៃទី៥ ខែឧសភា ឆ្នាំ២០២៣នេះ។

ក្រុមការងារស្នាក់នៅហូបចុកប្រចាំខេត្តកែប លោក ម៉ន រ័ត្ន បានប្រាប់ឲ្យដឹងថា នៅរសៀលម៉ោង៤និង៣០ ថ្ងៃទី៤ ខែឧសភា ឆ្នាំ២០២៣នេះ ប្រតិភូដឹកនាំក្រុមកីឡាករចូលរួមការប្រកួតកីឡាទ្រីយ៉ាថ្លុង ក្នុងព្រឹត្តិការណ៍ស៊ីហ្គេម អាស៊ានប៉ារ៉ាហ្គេម ២០២៣ ដែលនឹងធ្វើឡើងនៅបរិវេណឆ្នេរកម្សាន្តកែប ក្រុងកែបនៅថ្ងៃទី៦ដល់ ៨ខែឧសភា ឆ្នាំ២០២៣នេះ បានធ្វើដំណើរមកដល់ខេត្តកែបចំនួន៥ប្រទេសហើយ ដែលមានប្រតិភូ និងអត្តពលិកជាក់ស្តែងចំនួន៩៧នាក់ នៅសល់ពីរប្រទេសទៀតនឹងមកដល់នៅពេលយប់នេះ។

ប្រតិភូដឹកនាំក្រុមកីឡាករ អិនដូនេស៊ី បានប្រាប់ថា ការធ្វើដំណើររបស់ក្រុមកីឡាករប្រទេសលោកតាមជើងហោះហើរពីទីក្រុងយ៉ាកាតា មករាជធានីភ្នំពេញ ហើយបន្តជិះរថយន្តក្រុងមកខេត្តកែបតែម្តង។
ការធ្វើដំណើរមកពីភ្នំពេញ និងខេត្តកែបមានភាពងាយស្រួល ចំណាយពេលប្រមាណ៣ម៉ោងប៉ុណ្ណោះ ជារួមអ្វីៗទាំងអស់មានភាពល្អប្រសើរ ដោយសារមានការជួយសម្របសម្រួលពីក្រុមការងារកម្ពុជា ហើយលោកពិតជាអរគុណខ្លាំងណាស់។

ដោយឡែកចំពោះការរំពឹងក្នុងការប្រកួត នឹងសម្រេចពេលនៅលើទីលានប្រកួតប្រជែងជាក់ស្តែងតែម្តងក្នុងការប្រកួតកីឡាទ្រីយ៉ាត្លុង ក្នុងព្រឹត្តិការស៊ីហ្គេមឆ្នាំ២០២៣ ដែលបានរៀបចំធ្វើឡើងនៅក្រុងកែប ចាប់ពីថ្ងៃទី៦រហូតដល់ ថ្ងៃទី៨ ខែឧសភា ឆ្នាំ២០២៣នេះ មាន៧វិញ្ញាសារ មានវិញ្ញាសារទ្រីយ៉ាត្លុង (ហែលទឹក ជិះកង់ រត់ ) ២វិញ្ញាសារ(បុរស នារី) , វិញ្ញាសារឌូអាថ្លុង (រត់ ជិះកង រត់) ២វិញ្ញាសារ(បុរសនារី ជាឯកត្តជន) និងវិញ្ញាសារអាគ័រថ្លុង (ហែលទឹក និងរត់) ៣វិញ្ញាសារ (បុរស នារី និងចម្រុះ) ហើយការហាត់សមប្រកួតនៅលើទីលាននឹងធ្វើនៅថ្ងៃស្អែករួមគ្នា៕
អត្ថបទ៖ សឹង រ៉ាត់









-
ព័ត៌មានជាតិ១ ថ្ងៃ មុន
តើធ្វើដូចម្ដេចទើបរៀនភាសាអង់គ្លេស ឆាប់ចេះអាន និយាយ និងសរសេរបានល្អ?
-
ព័ត៌មានជាតិ១ សប្តាហ៍ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម៦ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានអន្ដរជាតិ៣ ថ្ងៃ មុន
ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
ព័ត៌មានជាតិ៣ ថ្ងៃ មុន
ជាលើកដំបូង កម្ពុជា នាំចេញបង្កងកណ្ដូបរស់ចំនួន៤៥គីឡូក្រាម ទៅកាន់ទីផ្សារចិន
-
ព័ត៌មានជាតិ២ ថ្ងៃ មុន
លោក គង់ វិបុល ប្តេជ្ញាប្រមូលពន្ធឱ្យគ្រប់ផែនការក្នុងឆ្នាំ ២០២៣ ទោះ ៨ខែមកនេះ ធ្លាក់ចុះ ២១ភាគរយ
-
សន្តិសុខសង្គម៦ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
សន្តិសុខសង្គម៥ ថ្ងៃ មុន
មន្ត្រីនគរបាលដែលបើករថយន្តបុកស្ត្រីម្នាក់ស្លាប់នៅកោះរាជាស្វាមីស្ត្រីរងគ្រោះ