ព័ត៌មានជាតិ

ប៉ូលិសឃាត់ខ្លួនកូនកំលោះក្នុងថ្ងៃរៀបមង្គលការ

បានផុស

៦ years មុន

នៅ

ថ្ងៃពុធ ២០ មករា ២០២១

ដោយ

កម្លាំងនគរបាលប៉ុស្តិ៍កំពង់សំណាញ់ធ្វើការឃាត់ខ្លួនកូនលោះម្នាក់ រួមទាំងបក្ខពួក៣នាក់ និងយុវជនមួយក្រុមទៀតសរុប៦នាក់ បន្ទាប់ពីបង្កហិង្សាដាក់គ្នាទៅវិញទៅមកផ្អើលពេញរោងការ កាលពីវេលាម៉ោង២២និង០០នាទី យប់ថ្ងៃទី១៧ ខែមករាឆ្នាំ២០២១ក្នុងពិធីមង្គលការ ភូមិព្រែករាំង១សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។

សមត្ថកិច្ចឲ្យដឹងថា យុវជនដែលឃាត់ខ្លួនមានពីរក្រុម ដោយក្រុមទី១មានគ្នា៤នាក់ ភាគគីខាងកូន កំលោះ និងក្រុមទី២មានគ្នា២នាក់ភាគគីខាងកូនក្រមុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ករណីហិង្សានេះកើតឡើងនៅថ្ងៃមុនរៀបមង្គលការរបស់កូនកំលោះដែលឃាត់ខ្លួន ខណៈដែលភ្ញៀវទាំងសងខាងបានចូលរួមផឹកស៊ីរាំរែក សប្បាយគ្រប់គ្នា លុះផឹកស្រវឹងធ្លាក់ភ្នែករៀងៗខ្លួន ភាគគីទាំង២ បានឌឺដងដាក់គ្នារហូតឈ្លោះប្រកែកគ្នា យកកៅអី ចាន កែវ ថូផ្កា គប់ដាក់គ្នាទៅវិញទៅមកបណ្តាលឲ្យមានរបួសស្នាមរៀងៗខ្លួនតែម្តង។

ក្រោយមកសមត្ថកិច្ចប៉ុស្តិ៍កំពង់សំណាញ់ បានចុះទៅឃាត់ខ្លួនជនសង្ស័យទាំង២ក្រុមយកមកសួរនាំនិងកសាងសំណុំរៀងតាមនីតិវិធីតែម្តង៕

អត្ថបទ ៖ សុខុម