ព័ត៌មានជាតិ
ផ្លូវប្របតាមមាត់សមុទ្រខេត្តកែប សាងសង់សម្រេចបានជាង ៦៥ ភាគរយ
កំណាត់ផ្លូវប្របមាត់សមុទ្រខេត្តកែបសាងសង់សម្រេចបានជាង ៦៥ ភាគរយ ចាប់ពីកំពង់ផែកោះទន្សាយទៅដល់ឆ្នេរសមុទ្រអង្កោលតភ្ជាប់ទៅផ្លូវជាតិលេខ ១៣-៣២ ដែលនឹងបញ្ចប់ទាំងស្រុងរយៈពេល ៣ ខែទៀតនេះ។
លោក ហម និមល អនុប្រធានទីប្រឹក្សាបច្ចេកទេសរបស់ ADB បានឲ្យដឹងថា បើគិតមកដល់ពេលនេះសម្រេចបានការសាងសង់បានជាង ៦៥ ភាគរយ នៅសល់ ៣៥ ភាគរយទៀតខាងបច្ចេកទេសនឹងបញ្ចប់នៅពេលដ៏ខ្លីខាងមុខនេះ។


ផ្លូវប្របមាត់សមុទ្រដែលមានប្រវែងជាង ១២ គីឡូម៉ែត្រ តភ្ជាប់គ្នាចាប់ពីកំពង់ផែកោះទន្សាយទៅកាន់ឆ្នេរអង្កោលតភ្ជាប់ទៅផ្លូវជាតិលេខ១៣-៣២ សាងសង់ ក្រោមមូលនិធិរបស់ធនាគារអភិវឌ្ឍន៍អាស៊ី (ADB) ដែលចំណាយថវិកាប្រមាណ ១០,៥លានដុល្លារអាមេរិក។
លោក ហម និមល បានបញ្ជាក់បន្ថែមថា អំឡុងមួយរយៈពេលនេះជារដូវភ្លៀងធ្លាក់ ដូច្នេះអាចបង្កការរំខានខ្លះៗដល់ការអនុវត្តន៍គម្រោងទាំងមូល។ តែយ៉ាងណាមិនបានធ្វើឲ្យប៉ះពាល់ការបញ្ចប់គម្រោងទៅតាមផែនការនោះទេ។
លោកបន្ថែមថា បច្ចប្បន្នសម្រេចបានការរៀបចំគ្រឹះខាងក្រោមដែលជាដំណាក់កាលដំបូង ក្នុងនោះការរៀបចំប្រឡាយ និងលូរំដោះទឹកស្ទើរតែរួចរាល់ហើយដែរ នៅសល់តែ ២ ដំណាក់កាលចុងក្រោយទៀតនឹងរួចរាល់។

កំណាត់ផ្លូវប្របមាត់ឆ្នេរនេះ គឺជាសសៃឈាមទេសចរណ៍មួយតភ្ជាប់ទៅឆ្នេរអង្កោលនាថ្ងៃអនាគត។ ផ្លូវមួយខ្សែនេះនឹងនាំឲ្យមានកំណើនភ្ញៀវទេសចរជាតិ និងភ្ញៀវទេសចរណ៍អន្តរជាតិ មកទស្សនាដើរលេងកម្សាន្តខេត្តកែបឱ្យកាន់តែច្រើន ហើយក៏នឹងបញ្ជៀសការកកផ្ទះភ្ញៀវទេសចរទៅដើរលេងកម្សាន្តនៅឆ្នេរកែបផងដែរ។

គួរបញ្ជាក់ដែរថា គម្រោងកំណាត់ផ្លូវប្របមាត់សមុទ្រនេះគឺជាអនុគម្រោងមួយនៃគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយានៅតំបន់ឆ្នេរ នៃមហាអនុតំបន់មេគង្គជំហានទី២ របស់ធនាគារអភិវឌ្ឍន៍អាស៊ី ADB ក្នុងនោះមានអនុគម្រោងចំនួន ២ ទៀត រួមមានទីលានទុកដាក់សំរាមដែលទើបសម្ពោធ និងផ្ទេរឱ្យរដ្ឋបាលខេត្តគ្របគ្រងបន្តនាពេលថ្មីៗនេះ និងគម្រោងកំពង់ផែលើកោះទន្សាយ៕
អត្ថបទ៖ សឹង រ៉ាត់
-
ព័ត៌មានជាតិ១ សប្តាហ៍ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៦ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានជាតិ៦ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានអន្ដរជាតិ១ សប្តាហ៍ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៦ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៤ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានអន្ដរជាតិ៤ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ
-
សន្តិសុខសង្គម៤ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន