ព័ត៌មានជាតិ

អភិបាលខេត្តកំពត ប្រកាសផ្តល់រង្វាន់ដល់អាជ្ញាធរដែលបម្រើពលរដ្ឋបានល្អ, ការវាយតម្លៃធ្វើឡើងតាមរយៈសម្ដីពិតរបស់ពលរដ្ឋមូលដ្ឋាន

បានផុស

៣ years មុន

នៅ

ថ្ងៃសុក្រ ១៦ មិថុនា ២០២៣

ដោយ

លោកម៉ៅ ធនិន អភិបាលខេត្តកំពតបានលើកឡើងថា ចំពោះការវាយតម្លៃនៃការផ្ដល់រង្វាន់លើកទឹកចិត្តនេះ គឺមិនមែនស្ថិតនៅលើរបាយការណ៍ពីស្នាក់មូលដ្ឋាននោះទេ គឺធ្វើឡើងទៅតាមរយៈសម្ដីរបស់ប្រជាពលរដ្ឋនៅក្នុងមូលដ្ឋានលើកឡើងថាពិតតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ៅ ធនិន អភិបាលខេត្តកំពតបានថ្លែងបែបនេះ នៅក្នុងពិធីជួបសំណាស់សំណាលជាមួយបងប្អូនប្រជាពលរដ្ឋឃុំទាំង១០ បានធ្វើឡើងពីរទីតាំង ក្នុងស្រុកកំពង់ត្រាច (ខេត្តកំពត)នាព្រឹកថ្ងៃទី ១៦ ខែមិថុនា ឆ្នាំ២០២៣នេះ ដែលមានប្រជាពលរដ្ឋបានអញ្ជើញចូលរួមប្រមាណជិត១ម៉ឺននាក់។

លោកម៉ៅ ធនិន អភិបាលខេត្តកំពត បានប្រកាសផ្តល់ជូននូវរង្វាន់លើកទឹកចិត្តទៅដល់អាជ្ញាធរមូលដ្ឋាន ដូចជា អភិបាលស្រុក មេឃុំ មេប៉ុស្តិ៍ ស្មៀនឃុំ មេភូមិ ដែលបានខិតខំលះបង់កម្លាំងកាយចិត្តបម្រើប្រជាពលរដ្ឋក្នុងមូលដ្ឋានបានល្អប្រសើរ។

នៅក្នុងឱកាសនោះដែរ លោក ម៉ៅ ធនិនអភិបាលខេត្តកំពត ក៏បានផ្តាំផ្ញើទៅដល់អាជ្ញាធរមូលដ្ឋានទាំងអស់ហើយត្រូវមើលថែបងប្អូនប្រជាពលរដ្ឋក្នុងមូលដ្ឋានទាំងអស់ គឺធ្វើយ៉ាងណា ឱ្យទទួលបានភាពសុខសាន្ត ព្រោះអ្នកដែលត្រូវផ្តល់ភាពសុខសាន្តជាអចិន្ត្រៃយ៍ គឺនៅលើអាជ្ញាធរមូលដ្ឋាននេះឯង។

លោក ម៉ៅ ធនិន អភិបាលខេត្តកំពត បានស្នើសុំ និងសុំកុំឱ្យមានឱ្យសោះនូវការលាបពណ៌ប្រជាពលរដ្ឋក្នុងមូលដ្ឋានណាម្នាក់ ថាជាបក្សនេះ បក្សនោះអី ថែមទាំងប្រជាពលរដ្ឋទាំងអស់គឺសុទ្ធតែមានរូបសម្តេចតេជោ ហ៊ុន សែន នៅក្នុងបេះដូងពលរដ្ឋអស់ទៅ ហើយបានរស់រានមានជីវិតដោយកំណើតទី២ គឺក្រោយថ្ងៃរំដោះ៧មករា ដែលសម្តេចតេជោ បានលះបង់គ្រប់បែបយ៉ាងប្រជាពលរដ្ឋគ្រប់រូប ដែលបានយកមកដោយលំបាកនោះ។

គួររំលឹកដែរថា លោកអភិបាលខេត្តកំពត ជារៀងរាល់ពេលដែលចុះសំណេះសំណាលជាមួយប្រជាពលរដ្ឋនៅតាមបណ្តាក្រុង-ស្រុក គឺលោក ម៉ៅ ធនិន អភិបាលខេត្តកំពត តែងតែបានបញ្ចូលខ្លួនលោកទៅក្នុងគ្រួសាររបស់ប្រជាពលរដ្ឋក្នុងខេត្តទាំងអស់ ក្នុងនាមជាសមាជិកម្នាក់ដែលមានតួនាទីជាអភិបាលខេត្ត។

លោក ម៉ៅ ធនិន អភិបាលខេត្តកំពតតែងតែផ្តាំផ្ញើដល់ប្រជាពលរដ្ឋគ្រប់រូបនៅតាមមូលដ្ឋានទាំងអស់ បើមានអំពើភាពអសកម្មណាមួយត្រូវរាយការណ៍ដល់អាជ្ញាធរមូលដ្ឋាន និងមន្ត្រីជំនាញ ដែលអ្នកមានអំណាចមួយចំនួន ដែលមិនបានផ្តល់ក្តីសុខជូនដល់ពលរដ្ឋនោះ ដើម្បីលោក ម៉ៅ ធនិន អភិបាលខេត្តកំពតនឹងមានចំណាត់ការធ្វើទៅតាមផ្លូវច្បាប់តែម្ដង៕

ដោយ ៖ សឹង រ៉ាត់