ព័ត៌មានជាតិ

ជា វ៉ាន់ដេត អញ្ជើញជួបសំណេះសំណាលជាមួយសកម្មជនគណបក្សនៅតាម ភូមិនានាក្នុងឃុំចំនួន៣នៅស្រុកទឹកផុស

បានផុស

៣ years មុន

នៅ

ថ្ងៃពុធ ១២ កក្កដា ២០២៣

ដោយ

កំពង់ឆ្នាំង ៖ លោក ជា វ៉ាន់ដេត ប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកទឹកផុស រួមដំណើរដោយ លោក ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនខេត្តកំពង់ឆ្នាំង និង ក្រុមការងារ នៅថ្ងៃទី១២ ខែកក្កដា ឆ្នាំ២០២៣នេះ បានចុះជួបសំណេះសំណាល និង ផ្សព្វផ្សាយអំពីគោលនយោបាយគណបក្សប្រជាជនកម្ពុជា ដល់ប្រជាជននៅតាមភូមិចំនួន១៤ ក្នុងឃុំ៣ របស់ស្រុកទឹកផុស ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានមានប្រសាសន៍បញ្ជាក់ថា ប្រទេសកម្ពុជាក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី និង ជាប្រធានគណបក្សប្រជាជនកម្ពុជា បានរំដោះប្រទេសជាតិចេញពីរបបប្រល័យពូជសាសន៍ប៉ុលពត ដោយសារនយោបាយឈ្នះឈ្នះរបស់សម្តេចបានបង្រួបបង្រួមជាតិខ្មែរតែមួយ ធ្វើអោយប្រទេសជាតិមានសុខសន្តិភាពពេញលេញ ដល់បច្ចុប្បន្ន។

លោកបានបញ្ជាក់ទៀតថា ក្រោមការដឹកនាំរបសសម្តេចតេជោហ៊ុន សែន តែងតែបានគិតគូរជានិច្ចចំពោះប្រជាពលរដ្ឋនៅគ្រប់កាលៈទេសៈ ធ្វើឱ្យប្រទេសជាតិមានការរីកចម្រើនជាបន្តបន្ទាប់ កំណើនសេដ្ឋកិច្ចមានការកើនឡើង ។ ផ្តល់ឱកាសការងារដល់យុវជន ឱ្យមានការងារធ្វើទាំងក្នុងនិងក្រៅប្រទេសផងដែរ តាមរយៈនៃការផ្តល់ឱកាសការងារជូនយុវជន ប្រមុខរាជរដ្ឋាភិបាល បានផ្តល់នូវអត្ថប្រយោជនផ្សេងៗ ដល់កម្មករ កម្មការនី និយោជិត ដើម្បីធ្វើឱ្យជីវភាពរបស់ប្រជាពលរដ្ឋកាន់តែប្រសើរឡើង។

លោកបានបញ្ជាក់ទៀតថា នៅថ្ងៃ២៣ ខែកក្កដា ឆ្នាំ២០២៣នេះ ប្រទេសកម្ពុជា នឹង រៀបចំធ្វើការបោះឆ្នោតជ្រើសតាំងតំណាងរាស្ត្រនីតិកាលទី៧ ដូចនេះបងប្អូនប្រជាពលរដ្ឋទាំងអស់ដែលមានអាយុគ្រប់បោះឆ្នោតត្រូវទៅចូលរួមបោះឆ្នោតទាំងអស់គ្នា និង ត្រៀមយកទៅជាមួយនូវឯកសារបម្រើឱ្យការបោះឆ្នោត ឬ អត្តសញ្ញាប័ណ្ណ។

ប្រជាពលរដ្ឋដែលបានចូលរួមបានសម្តែងនូវចំណាប់អារម្មណ៍ចំពោះកិច្ចអភិវឌ្ឍន៍របស់រាជរដ្ឋាភិបាល ដែលបានអនុវត្តយ៉ាងត្រឹមត្រូវតាមគោលនយោបាយរបស់គណបក្សប្រជាជនកម្ពុជា ។

គួរបញ្ជាក់ដែរថា ឯកឧត្តម ជា វ៉ាន់ដេត ប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកទឹកផុស រួមដំណើរដោយ ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនខេត្តកំពង់ឆ្នាំង និង ក្រុមការងារ នៅថ្ងៃទី១២ ខែកក្កដា ឆ្នាំ២០២៣នេះបានចុះចំនួន១៤ទីតាំង ស្ថិតនៅឃុំតាំងក្រសាំងចំនួន៨កន្លែង ឃុំចោងម៉ោង ចំនួន៣កន្លែង និងឃុំខ្លុងពពក៣កន្លែង៕

ដោយ ៖ វ៉ាន់ សេដ្ឋា